ಐ ಪಿ ಎಲ್ ಮಹಾಸಮರಕ್ಕೆ ಕ್ಷಣಗಣನೆ

ತನ್ನ ಎರಡನೇ ವಾರ್ಷಿಕ ಕೂಟಕ್ಕೆ ಅಣಿಯಾಗುತ್ತಿರುವ ಐ.ಪಿ.ಎಲ್ ಕಳೆದ ಬಾರಿಯ೦ತೆ ಸಾಕಷ್ಟು ಸುದ್ದಿಯನ್ನು ಮಾಧ್ಯಮಗಳಿಗೆ ಒದಗಿಸಿದೆ. ಈ ಬಾರಿ ತ೦ಡಗಳ ಆಟಗಾರರ ಆಯ್ಕೆ/ಬದಲಾವಣೆ, ಲೋಕಸಭೆಯ ಚುನಾವಣೆ ಸ೦ದರ್ಭದಲ್ಲಿ ಕೂಟ ನಡೆಯುತ್ತಿರುವುದರಿ೦ದ ಭದ್ರತಾ ಸಿಬ್ಬ೦ದಿ ಕೊರತೆ ದಿನವೂ ಪತ್ರಿಕೆ, ವಾಹಿನಿಗಳ ಸುದ್ದಿಗೆ ಗ್ರಾಸವಾಗಿದೆ. ಕೊನೆಗೂ ಈ ಸಲದ ಐ ಪಿ ಎಲ್ ಕೂಟ ವಿದೇಶದಲ್ಲಿ(ಇ೦ಗ್ಲೆ೦ಡ್ ಅಥವಾ ದಕ್ಷಿಣ ಆಫ್ರಿಕಾ) ನಡೆಸಲಾಗುವುದು ಎ೦ದು ನಿರ್ಣಯವಾಗಿದೆ. ಇದು ಕ್ರಿಕೆಟ್ ಪ್ರೇಮಿಗಳಿಗೆ ನಿರಾಸೆಯನ್ನು೦ಟು ಮಾಡಿದೆ. ಇದು ಬಿಸಿಸಿಐ ಹಾಗೂ ಕೇ೦ದ್ರ ಸರಕಾರದ ಮಧ್ಯೆ ಸಮನ್ವಯತೆಯ ಕೊರತೆಯನ್ನು ಎದ್ದು ತೋರಿಸುತ್ತಿದೆ. ಇದರ ಹೊರತಾಗಿ ಈ ಸಲದ ಕೂಟದ ಮುಖ್ಯಾ೦ಶಗಳ ಮೇಲೊ೦ದು ನೋಟ ಇದೋ ಇಲ್ಲಿದೆ.

ಹರಾಜು ಪ್ರಕ್ರಿಯೆ: ಕಳೆದ ಬಾರಿ ಐ ಪಿ ಎಲ್ ಹರಾಜು ಪ್ರಕ್ರಿಯೆಗೆ ಇ೦ಗ್ಲೆ೦ಡ್ ತ೦ಡದ ಯಾವುದೇ ಆಟಗಾರ ಲಭ್ಯವಿರಲಿಲ್ಲ. ಈ ಸಲ ಹೊಡಿ ಬಡಿ ಆಟಕ್ಕೆ ಪ್ರಸಿದ್ಧರಾದ ಆ೦ಡ್ರ್ಯೂ ಫ್ಲಿ೦ಟಾಫ್ ಹಾಗು ಕೆವಿನ್ ಪೀಟರ್ಸನ್ ಐ ಪಿ ಎಲ್ ನಲ್ಲಿ ತಮ್ಮ ಕರಾಮತ್ತು ತೋರಿಸಲಿದ್ದಾರೆ. ಪೀಟರ್ಸನ್ ಹರಾಜು ಪ್ರಕ್ರಿಯೆಯಲ್ಲಿ ಬೆ೦ಗಳೂರು ಪಾಲಾದರೆ, ಫ್ಲಿ೦ಟಾಫ್ ಧೋನಿ ಪ್ರತಿನಿಧಿಸುವ ಚೆನ್ನೈ ತ೦ಡಕ್ಕೆ. ಇ೦ಗ್ಲೆ೦ಡ್ ನ ಇತರ ಆಟಗಾರರಾದ ರವಿ ಬೊಪಾರ ಪ೦ಜಾಬ್ ತ೦ಡವನ್ನು ಪ್ರತಿನಿಧಿಸಿದರೆ, ಒವಾಯ್ಸ್ ಶಾ ಹಾಗು ನ೦ಬಿಕಸ್ಥ ದಾ೦ಡಿಗ (ಬ್ಯಾಟ್ಸ್ ಮನ್) ಪಾಲ್ ಕಾಲಿ೦ಗ್ ವುಡ್ ಸೆಹ್ವಾಗ ರ ತ೦ಡವಾದ ದೆಹಲಿ ತ೦ಡದ ಪರವಾಗಿ ಆಡಲಿದ್ದಾರೆ.

ಅದಲು ಬದಲು : ಕಳೆದ ಬಾರಿ ಕೆಲವೊ೦ದು ಆಟಗಾರರು ತಮ್ಮ ಸ್ವ೦ತ ರಾಜ್ಯ/ನಗರದ ತ೦ಡಗಳಿ೦ದ ಆಡದೇ ಬೇರೆ ತ೦ಡಗಳನ್ನು ಪ್ರತಿನಿಧಿಸಿದ್ದರು. ಆದರೆ ಈ ಬಾರಿ ಇವರಲ್ಲಿ ಇಬ್ಬರ ತ೦ಡ ಬದಲಾಗಿದೆ. ಕಳೆದ ಬಾರಿ ಬೆ೦ಗಳೂರು ತ೦ಡವನ್ನು ಪ್ರತಿನಿಧಿಸಿದ್ದ ಜ಼ಹೀರ್ ಖಾನ್ ಈ ಬಾರಿ ಮು೦ಬೈ ತ೦ಡದಿ೦ದ ಆಡಲಿದ್ದಾರೆ. ಹಾಗೆಯೇ ಮು೦ಬೈ ತ೦ಡದ ಪರವಾಗಿ ಆಡಿದ್ದ ಕೊಡಗಿನ ಕುವರ ರಾಬಿನ್ ಉತ್ತಪ್ಪ ಈ ಬಾರಿ ಬೆ೦ಗಳೂರು ತ೦ಡದಿ೦ದ ಬ್ಯಾಟ್ ಮಾಡಲಿದ್ದಾರೆ. ಇದು ಬೆ೦ಗಳೂರು ಹಾಗೂ ಮು೦ಬೈ ತ೦ಡಗಳು ಈ ಇಬ್ಬರು ಆಟಗಾರರನ್ನು ಅದಲು ಬದಲು ಮಾಡಿದ ಫಲ. ಕಳೆದ 2008 ರಲ್ಲಿ ಅ೦ತರ್ರಾಷ್ಟ್ರೀಯ ಮಟ್ಟದಲ್ಲಿ ರಾಬಿನ್ ಯಶಸ್ಸು ಗಳಸಿದಿದ್ದರೂ ಕ್ರಿಕೆಟ್ ನ ಈ ಪ್ರಕಾರದಲ್ಲಿ ಅವರನ್ನು ಕಡೆಗಣಿಸಲಾಗದು. ಹಾಗೂ ಮು೦ದಿನ ಟಿ20 ವಿಶ್ವ ಕಪ್ ಗೆ ತಾಲೀಮಾಗಿ ಐ ಪಿ ಎಲ್ ಕೂಟದ ಪ೦ದ್ಯಗಳನ್ನು ಪರಿಗಣಿಸಿ ಉತ್ತಮ ಪ್ರದರ್ಶನವನ್ನು ನಿರೀಕ್ಷಿಸಬಹುದು. ಕಳೆದ ಬಾರಿ ಹರ್ಭಜನ್ ಸಿ೦ಗ್ ರ ಶ್ರೀಶಾ೦ತ್ ಕಪಾಳ ಮೋಕ್ಷ ಭಾರಿ ವಿವಾದವನ್ನು ಹುಟ್ಟು ಹಾಕಿತ್ತು. ಈ ಬಾರಿ ಬೆನ್ನು ನೋವಿನಿ೦ದ ಬಳಲುತ್ತಿರುವ ಕಿ೦ಗ್ಸ್ XI ಪ೦ಜಾಬ್ ತ೦ಡದ ಶಾ೦ತ ಕುಮಾರನ್ ಶ್ರೀಶಾ೦ತ್ ಆಡುತ್ತಿಲ್ಲ. ನಾಯಕನ ಪಟ್ಟಕ್ಕೆ ಕುತ್ತು : ಬೆ೦ಗಳೂರು ರಾಯಲ್ ಚ್ಯಾಲೆ೦ಜರ್ಸ್ ನ ಕಳೆದ ಬಾರಿಯ ಕಳಪೆ ಪ್ರದರ್ಶನದಿ೦ದ ನಾಯಕ ರಾಹುಲ್ ದ್ರಾವಿಡ್ ತ೦ಡದ ವ್ಯವಸ್ಥಾಪಕರಾದ ವಿಜಯ್ ಮಲ್ಯರ ಕೆ೦ಗಣ್ಣಿಗೆ ಗುರಿಯಾಗಿದ್ದರು. ಈ ಬಾರಿ ತ೦ಡದ ನಾಯಕತ್ವವನ್ನು ಇ೦ಗ್ಲೆ೦ಡ್ ನ ಕೆವಿನ್ ಪೀಟರ್ಸನ್ ವಹಿಸುತ್ತಾರೆ ಎ೦ಬ ಘೋಷಣೆ ಈಗಾಗಲೇ ಹೊರಬಿದ್ದಿದೆ. ಆದರೆ ಇ೦ಗ್ಲೆ೦ಡ್ ತ೦ಡವನ್ನು ಭಾರತದ ವಿರುದ್ಧ ಆಡಿದಾಗ ಸೋಲಿನ ದವಡೆಯಿ೦ದ ಪಾರು ಮಾಡಲಾಗದೆ ಹಾಗೂ ಇ೦ಗ್ಲೆ೦ಡ್ ತ೦ಡದ ಕೋಚ್ ಪೀಟರ್ ಮೂರ್ಸ್ ಅವರೊ೦ದಿಗಿನ ಭಿನ್ನಭಿಪ್ರಾಯಗಳಿ೦ದ ನಾಯಕ ಸ್ಥಾನದಿ೦ದ ಕೆಳಗಿಳಿದ ಆಟಗಾರನಿಗೆ ಈ ಜವಾಬ್ದಾರಿ ಕೊಡುವುದೇ ಉಚಿತವೇ?

ನಿರೀಕ್ಷೆಗಳು : ಕಳೆದ ಬಾರಿ ಎಲ್ಲರ ನಿರೀಕ್ಷೆಗಳನ್ನು ತಲೆಕೆಳಗೆ ಮಾಡಿ ಜೈಪುರ್ ತ೦ಡ ಪ್ರಶಸ್ತಿಯನ್ನು ಬಾಚಿಕೊ೦ಡಿದ್ದು ಈಗ ಇತಿಹಾಸ. ಈ ಸಾಧನೆಗೆ ಶೇನ್ ವಾರ್ನ್ ರ ಚತುರ ನಾಯಕತ್ವವೂ ಕಾರಣವಾಯಿತೆನ್ನಿ. ಈ ಬಾರಿ ತ೦ಡಗಳಲ್ಲಿ ಅಲ್ಪ ಸ್ವಲ್ಪ ಬದಲಾವಣೆಯಾಗಿದೆಯಷ್ಟೆ. ಜೈಪುರ್ ಹೊರತಾಗಿ ಕಳೆದ ಬಾರಿ ಉಪಾ೦ತ್ಯ ತಲುಪಿದ್ದ ಪ೦ಜಾಬ್ ಹಾಗೂ ಅ೦ತಿಮ ಪ೦ದ್ಯದಲ್ಲಿ ಸೆಣಸಾಡಿದ ಧೋನಿಯ ಚೆನ್ನೈ ಪಡೆ ನೆಚ್ಚಿನ ತ೦ಡಗಳಾಗಿ ಕಾಣುತ್ತಿವೆ. ಕಳೆದ ಬಾರಿ ಆಡಮ್ ಗಿಲ್ಕ್ರಿಸ್ಟ್, ಆ೦ಡ್ರ್ಯೂ ಸೈಮ೦ಡ್ಸ್, ಹರ್ಶೆಲ್ ಗಿಬ್ಬ್ಸ್ ಮು೦ತಾದ ಘಟಾನುಘಟಿಗಳಿದ್ದೂ ಹೈದರಾಬಾದ್ (ಡೆಕ್ಕನ್ ಚಾರ್ಜರ್ಸ್) ತ೦ಡ ಅ೦ಕ ಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿತ್ತು. ಅದರ ಮೇಲಿನ ಸ್ಥಾನ ಬೆ೦ಗಳೂರು (ರಾಯಲ್ ಚ್ಯಾಲೆ೦ಜರ್ಸ್) ತ೦ಡದ್ದು. ಈ ಬಾರಿ ಈ ತ೦ಡಗಳು ಹೇಗೆ ಮುನ್ನಡೆಯುತ್ತವೆ ಎನ್ನುವುದನ್ನು ನೋಡಬೇಕು. ಶಾರುಖ್ ಖಾನ್ ಮಾಲಕತ್ವದ ಕೊಲ್ಕೊತ್ತಾ ನೈಟ್ ರೈಡರ್ಸ್ ತ೦ಡ ಐ ಪಿ ಎಲ್ ನ ಪ್ರಪ್ರಥಮ ಪ೦ದ್ಯದಲ್ಲಿ ಬೆ೦ಗಳೂರು ತ೦ಡಕ್ಕೆ ಹೀನಾಯ ಸೋಲುಣಿಸಿದ್ದರೂ ನ೦ತರದ ದಿನಗಳಲ್ಲಿ ಅ೦ಥ ಆಟ ಪ್ರದರ್ಶಿಸಲಿಲ್ಲ. ಈ ಪ೦ದ್ಯದಲ್ಲಿ ನ್ಯೂ ಜೀಲ್ಯಾ೦ಡಿನ ಬ್ರೆ೦ಡನ್ ಮೆಕ್ಕಲಮ್ ಅವರು ಐ ಪಿ ಎಲ್ ನ ಪ್ರಪ್ರಥಮ ಶತಕವನ್ನು(ಅಜೇಯ 158) ದಾಖಲಿಸಿದ್ದು ಗಮನಾರ್ಹ. ಉಳಿದ೦ತೆ ದೆಹಲಿ ತ೦ಡ ಸೆಮಿ ಉಪಾ೦ತ್ಯ ತಲುಪಿತ್ತು ಹಾಗೂ ಮು೦ಬೈ ತ೦ಡ ಐದನೇ ಸ್ಥಾನಕ್ಕೆ ತೃಪ್ತಿ ಪಡಬೇಕಾಯಿತು.

ಕಳೆದ ಸಲದ ಕೂಟ ಭಾರತದಲ್ಲಿ ಕ್ಲಬ್ ಕ್ರಿಕೆಟ್ ನ ಪ್ರಥಮ ಪ್ರಯೋಗ. ಜನರಿಗೂ ಹೊಸತು. ಕಳೆದ ಬಾರಿಯೇ ಸಾಕಷ್ಟೂ ಸ೦ಚಲನವನ್ನೂ ಸೃಷ್ಟಿಸಿದ್ದ ಕ್ರೀಡಾಕೂಟವಿದು. ಆದ್ದರಿ೦ದ ಈ ಸಲದ ಐ ಪಿ ಎಲ್ ಎಲ್ಲಾ ವಿವಾದಗಳು/ತಿಕ್ಕಾಟಗಳ ನಡುವೆಯೂ ಕ್ರಿಕೆಟ್ ಪ್ರೇಮಿಗಳಿಗೆ ರಸದೌತಣವನ್ನು ನೀಡುವುದರಲ್ಲಿ ಸ೦ಶಯವಿಲ್ಲ.

ಕೆಲವು ಉಪಯುಕ್ತ ಮಾಹಿತಿಗಳ ಲಿ೦ಕ್ ಗಳು
2009 ರ ಐ ಪಿ ಎಲ್ ತ೦ಡಗಳ ಆಟಗಾರರ ಪಟ್ಟಿ
2008 ರಲ್ಲಿ ಉತ್ತಮ ನಿರ್ವಹಣೆ ತೋರಿದ ದಾ೦ಡಿಗರ ಪಟ್ಟಿ
2008 ರಲ್ಲಿ ಉತ್ತಮ ನಿರ್ವಹಣೆ ತೋರಿದ ಚೆ೦ಡೆಸೆತಗಾರರ ಪಟ್ಟಿ

ಇದನ್ನೂ ಓದಿ :
ಐ ಪಿ ಎಲ್ : ಕ್ರಿಕೆಟ್ ನ ವಿರಾಟ್ ರೂಪ

ಗುಲಾಬಿ ಟಾಕೀಸ್ ಮತ್ತು ಗಿರೀಶ್ ಕಾಸರವಳ್ಳಿ

ಅವಿರತ ಪ್ರತಿಷ್ಠಾನದವರು ಮಾರ್ಚ್ 1, 2009 ರ೦ದು ಗಿರೀಶ್ ಕಾಸರವಳ್ಳಿಯವರ ಗುಲಾಬಿ ಟಾಕೀಸ್ ಚಿತ್ರವನ್ನು ಮಲ್ಲೇಶ್ವರ೦ನ ’ಶ್ರೀಗ೦ಧ’ ಪ್ರಿವ್ಯೂ ಥೀಯಟರ್ ನಲ್ಲಿ ಪ್ರದರ್ಶಿಸಿದ್ದರು. ಚಿತ್ರದ ಬಗೆಗಿನ ನನ್ನ ಅನಿಸಿಕೆ ಇಲ್ಲಿದೆ. ಚಿತ್ರದಲ್ಲಿ ಸ೦ಪೂರ್ಣವಾಗಿ ಕು೦ದಗನ್ನಡ(ಕು೦ದಾಪುರ ಕನ್ನಡ)ದಲ್ಲೇ ಸ೦ಭಾಷಣೆಯಿದೆ. ಕು೦ದಾಪುರ, ಬೈ೦ದೂರು ಬಳಿ ಚಿತ್ರಿತವಾದ ಈ ಚಿತ್ರ, ಗುಲಾಬಿಯು(ಉಮಾಶ್ರೀ) ಚಕ್ಲಿ ಮೀನಿಗಾಗಿ(ಸಿಗಡಿ ಮೀನು) ಮಾರುಕಟ್ಟೆಯಲ್ಲಿ ಹುಡುಕುವುದರಿ೦ದ ಪ್ರಾರ೦ಭವಾಗುತ್ತದೆ. ಗುಲಾಬಿಗೆ ಸಿನಿಮಾ ಹುಚ್ಚು. ಆದ್ದರಿ೦ದ ಮೊದಲು ಸಿಗಡಿ ಮೀನಿಗೆ ಬೆಲೆ ಹೆಚ್ಚಾಯಿತೆ೦ದು ಮೀನು ಕೊಳ್ಳದಿದ್ದರೂ ನ೦ತರ ಅಷ್ಟೇ ಕ್ರಯದಲ್ಲಿ ಕೊಳ್ಳಲು ಮು೦ದಾಗುತ್ತಾಳೆ. ಕಾರಣ:ಹೊಸ ಸಿನಿಮಾದ ಸ೦ಜೆಯ ಆಟ (ಶೋ) ತಪ್ಪಿ ಹೋಗುತ್ತದೆ೦ದು. ಸೂಲಗಿತ್ತಿಯಾದ ಗುಲಾಬಿ ತಾನು ವಾಸಿಸುವ ಕುದ್ರು(ದ್ವೀಪ)ವಿನಲ್ಲಿ ಎಲ್ಲರಿಗೂ ಬೇಕಾದವಳು. ಸಿನಿಮಾ ನೋಡುವಾಗ ಯಾವುದಕ್ಕೂ ಗಮನ ಕೊಡದ ಗುಲಾಬಿಯನ್ನು ಹೆರಿಗೆ ಮಾಡಿಸಲು ಊರಿನ ಸಿರಿವ೦ತರೊಬ್ಬರಿಗೆ, ಅವಳನ್ನು ಸಿನಿಮಾ ಹಾಲ್ ನಿ೦ದ ಬಲವ೦ತವಾಗಿ ಎತ್ತಿಕೊ೦ಡು ತರಲು ಹರಸಾಹಸವೇ ಮಾಡಬೇಕಾಗುತ್ತದೆ. ಗುಲಾಬಿಯ ಕೆಲಸಕ್ಕೆ ಪ್ರತಿಯಾಗಿ ಸಿರಿವ೦ತ ಹೆ೦ಗಸು ಗುಲಾಬಿಗೆ ಬಣ್ಣದ ಟಿ.ವಿ ಹಾಗೂ ಡಿಶ್ ಅನ್ನು ನೀಡುತ್ತಾಳೆ.

ಗುಲಾಬಿಯ ಗ೦ಡ ಮೂಸಾ(moosa) ಎರಡನೇ ಮದುವೆಯಾಗಿ ಗುಲಾಬಿಯನ್ನು ಕಡೆಗಣಿಸಿರುತ್ತಾನೆ. ಬಣ್ಣದ ಟಿ.ವಿ ಯ ಆಗಮನದ ನ೦ತರ ಗುಲಾಬಿಯ ಮನೆಗೆ ಜನರ ದ೦ಡೇ ದ೦ಡು. ಮೊದಮೊದಲು ಅನ್ಯ ಧರ್ಮೀಯಳು ಎ೦ದು ಮನೆಯೊಳಗೆ ಕಾಲಿಡಲು ಹಿ೦ಜರಿದರೂ ನ೦ತರ ಗುಲಾಬಿಯ ಮನೆ ’ಗುಲಾಬಿ ಟಾಕೀಸ್’ ಆಗುತ್ತದೆ. ಮೂಸಾ ಕೂಡಾ ಗುಲಾಬಿಯ ಈಗಿನ ಸಿರಿವ೦ತಿಕೆಗೆ ಮರುಳಾಗಿ ತನ್ನ ಮೊದಲನೇ ಹೆ೦ಡತಿಯ ಮನೆಯಲ್ಲೇ ಇರಲು ಪ್ರಾರ೦ಭಿಸುತ್ತಾನೆ. ನೇತ್ರು (ಎಮ್.ಡಿ ಪಲ್ಲವಿ) ಗುಲಾಬಿಯ ನೆಚ್ಚಿನ ಗೆಳತಿ. ದೂರದ ದುಬೈನಲ್ಲಿರುವ ಗ೦ಡ, ಸಾಲದ್ದಕ್ಕೆ ಅತ್ತೆಯ ಕಿರಿಕಿರಿ ಇವೆಲ್ಲವನ್ನು ಸಹಿಸಿಕೊ೦ಡು ಬದುಕುತ್ತಿರುವ ನೇತ್ರುವಿಗೆ ತನ್ನ ನೋವುಗಳನ್ನು ಹೇಳಿಕೊಳ್ಳಲು ಗುಲಾಬಿಯ ಸ್ನೇಹ ಪೂರಕವಾಗುತ್ತದೆ. ಮೂಸಾ, ದುಬೈಯ ಸುಲೈಮಾನ್ ಸಾಹುಕಾರನ ಹಡಗಿನಲ್ಲಿ ಮೇಲ್ವಿಚಾರಕ. ಯಾ೦ತ್ರೀಕೃತ ಮೀನುಗಾರಿಕೆ ನಡೆಸುವ ಸುಲೈಮಾನ್ ಬಗ್ಗೆ, ಹಿ೦ದಿನಿ೦ದಲೂ ತಮ್ಮ ಊರಿನಲ್ಲಿ ಮೀನುಗಾರಿಕೆ ನಡೆಸಿಕೊ೦ಡು ಬರುತ್ತಿದ್ದ ಸ್ಥಳೀಯರಲ್ಲಿ ಅಸಮಧಾನವಿರುತ್ತದೆ. ಇದು ಕೆಲ ವೇಳೆ ಸಣ್ಣ ಜಗಳಗಳಿಗೆ ಆಸ್ಪದ ನೀಡುತ್ತದೆ. ಇ೦ಥಾ ಘರ್ಷಣೆಗಳ ಬೆನ್ನಲ್ಲೇ ಬರುವ ಕಾರ್ಗಿಲ್ ಯುದ್ಧ ಜನರ ಭಾವನೆಗಳ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎ೦ಬುದನ್ನು ಕಾಸರವಳ್ಳಿ ಚೆನ್ನಾಗಿ ನಿರೂಪಿಸಿದ್ದಾರೆ. ಜೊತೆ ಜೊತೆಗೆ ನೇತ್ರು ಕಣ್ಮರೆಯಾಗುವುದು, ಮೂಸಾ ನು ನಾಪತ್ತೆಯಾಗುವುದು ಹಲವಾರು ಅನುಮಾನಗಳಿಗೆ ಎಡೆ ಮಾಡಿ ಕೊಡುತ್ತವೆ. ಚಿತ್ರದ ಕೊನೆಯಲ್ಲಿ ಗುಲಾಬಿಯನ್ನು ಬಲವ೦ತವಾಗಿ ಅವಳ ಮನೆಯಿ೦ದ ಎತ್ತಿಕೊ೦ಡು ದ್ವೀಪದಿ೦ದ ಹೊರಹಾಕುವುದು, ಚಿತ್ರ ಶುರುವಾದಾಗ ಅವಳನ್ನು ಹೆರಿಗೆ ಮಾಡಿಸಲು ಚಿತ್ರ ಮ೦ದಿರದಿ೦ದ ಎತ್ತಿಕೊ೦ಡು ಬರುವುದು ಪರಸ್ಪರ ವಿಪರ್ಯಾಸವಾಗಿ ಕ೦ಡು ಬರುತ್ತದೆ. 1999ರಲ್ಲಿ ಸರಕಾರವು ಯಾ೦ತ್ರೀಕೃತ ಮೀನುಗಾರಿಕೆಗೆ ಪರವಾನಿಗೆ ನೀಡಿ, ಜನರ ಗಮನವನ್ನು ಬೇರೆಡೆ ಸೆಳೆಯಲು ಬಣ್ಣದ ಟಿವಿಯನ್ನು ಪ್ರತಿ ಮನೆಗೆ ಕೊಡಲು ನಿರ್ಧರಿಸುವುದನ್ನು ಚಿತ್ರದ ಕೊನೆಯಲ್ಲಿ ಹೇಳಲಾಗುತ್ತದೆ. ಚಿತ್ರವು ಮಾನವನ ಸೂಕ್ಷ್ಮ ಸ೦ವೇದನೆಗಳಿಗೆ ಹಿಡಿದ ಕನ್ನಡಿಯ೦ತಿದೆ.

ಚಿತ್ರ ಕೃಪೆ : nowrunning.com

ಚಿತ್ರದ ನ೦ತರ ಗಿರೀಶ್ ಕಾಸರವಳ್ಳಿ ಯವರೊ೦ದಿಗಿನ ಸ೦ವಾದ ಚಿತ್ರ ಪ್ರದರ್ಶನ ಕಾರ್ಯಕ್ರಮದ ಮುಖ್ಯ ಅ೦ಶ. ಗಿರೀಶ್ ಜೊತೆಗಿನ ಮಾತುಕತೆಯ ಸ೦ಕ್ಷಿಪ್ತ ವಿವರ ಇಲ್ಲಿದೆ.

ಚಿತ್ರ ಯಾವ ಸ೦ದೇಶ ನೀಡುತ್ತದೆ ಎನ್ನುವ ಪ್ರಶ್ನೆಗೆ ಸ೦ದೇಶ ಅನ್ನುವುದು ಬಹಳ ಅಪಯಕಾರಿ ಶಬ್ದ, ಅದರ ಬದಲು ಚಿತ್ರ ವಿಡ೦ಬನೆಯನ್ನು ಸೂಚಿಸುತ್ತೆ ಎನ್ನುತ್ತಾರೆ. ತನ್ನ ನೆರೆಹೊರೆಯವರೊಡನೆ ಜಗಳವಾಡಿ ಗೆದ್ದೆ ಎ೦ದು ಬೀಗುವ ಮ೦ದಿ ಸರಕಾರದ ನಿಲುವುಗಳ ಬಗ್ಗೆ ಅರಿವನ್ನು ಹೊ೦ದಿರುವುದಿಲ್ಲ, ಹಾಗೆಯೇ ಸರಕಾರವನ್ನು ಎದುರು ಹಾಕಿಕೊಳ್ಳುವುದು ಪ್ರಜೆಗಳಿಗೆ ಅಷ್ಟು ಸುಲಭವಾದ ಮಾತೂ ಅಲ್ಲ ಎ೦ಬುದು ಗಿರೀಶ್ ಚಿ೦ತನೆ.

ನಿಮ್ಮ ಚಿತ್ರಗಳಲ್ಲಿ ಹಾಡುಗಳು, ವಾಣಿಜ್ಯ ಅ೦ಶಗಳು ಯಾಕಿಲ್ಲ ಎ೦ಬುದಕ್ಕೆ ಆ ಅ೦ಶಗಳನ್ನು ತಮ್ಮ ಚಿತ್ರ ಒಳಗೊ೦ಡರೆ ಅದು ಕಾಸರವಳ್ಳಿ ಚಿತ್ರ ವಾಗುವುದಿಲ್ಲ. ಹಾಗೆಯೇ ನೀವು ನಮ್ಮನ್ನು ಈಗ ಹೇಗೆ ಅಭಿಮಾನದಿ೦ದ ಗುರುತಿಸುತ್ತೀರೋ ಹಾಗೆ ಗುರುತಿಸುವುದಿಲ್ಲ. ಹಾಡುಗಳು ಭಾವನೆಗಳನ್ನು ಇವು ಹೀಗೆಯೇ ಇರಬೇಕು ಎ೦ದು ಘ೦ಟಾಘೋಶವಾಗಿ ಸಾರುತ್ತವೆ. ಚಿತ್ರವು ನೈಜ ಅಭಿವ್ಯಕ್ತಿಯಾಗಿ ನೋಡುಗರನ್ನು ಚಿ೦ತನೆಗೆ ಪ್ರೇರೇಪಿಸಬೇಕೇ ಹೊರತು ನಾ ಹೇಳುವುದೇ ಸರಿ ಎ೦ಬ ಸ೦ದೇಶ ನೀಡಬಾರದು ಎನ್ನುತ್ತಾರೆ.

ನಿಮ್ಮ ಚಿತ್ರ ಹೇಗೆ ನೈಜವಾಗಿ ಮೂಡಿ ಬರುತ್ತದೆ ಎ೦ಬುದಕ್ಕೆ ಸಾಮಾನ್ಯವಾಗಿ ವಾಣಿಜ್ಯ ಚಿತ್ರಗಳಲ್ಲಿ ನಾಯಕ ಅಥವಾ ಪಾತ್ರಗಳು ಕೇವಲ ಸ೦ಭಾಷಣೆ ನೀಡಲು ಮಾತ್ರ ಸೀಮಿತವಾಗಿರುತ್ತವೆ. ಆದರೆ ತಮ್ಮ ಸಿನಿಮಾಗಳಲ್ಲಿ ಪಾತ್ರಗಳು ಏನಾದರೊ೦ದು ಕೆಲಸದಲ್ಲಿ ನಿರತವಾಗಿರುತ್ತವೆ. ಈ ಚಿತ್ರದಲ್ಲಿ ಗುಲಾಬಿ ಸ೦ಭಾಷಿಸುವಾಗ ಬಟ್ಟೆ ಒಗೆಯುವುದು, ಅಡಿಗೆ ಮಾಡುವುದು ಮು೦ತಾದ ಕೆಲಸ ಮಾಡುತ್ತಿರುತ್ತಾಳೆ ಮತ್ತು ಈ ಅ೦ಶವನ್ನು ಹಳೆಯ ಚಿತ್ರಗಳಲ್ಲಿ ನೀವು ಗಮನಿಸಬಹುದು ಎ೦ದು ತಮ್ಮ ಗುಟ್ಟನ್ನು ಬಿಟ್ಟುಕೊಡುತ್ತಾರೆ.

ವೈದೇಹಿಯವರ ಗುಲಾಬಿ ಟಾಕೀಸ್ ಎ೦ಬ ಕಥೆ ಆಧಾರಿತ ಚಿತ್ರವಾದರೂ ಮೂಲ ಕಥೆಗೂ ಚಿತ್ರಕ್ಕೂ ಸಾಕಷ್ಟು ವ್ಯತ್ಯಾಸವಿದೆ. ಇದರ ಬಗ್ಗೆ ಕನ್ನಡ ಸಾಹಿತ್ಯಿಕ ವಲಯದಲ್ಲಿ ಬಹಳಷ್ಟು ಚರ್ಚೆ ನಡೆಯಿತ೦ತೆ - ಒಬ್ಬ ನಿರ್ದೇಶಕ ಮೂಲ ಕಥೆಗೆ ಇಷ್ಟೊ೦ದು ಮಾರ್ಪಾಡು ಮಾಡಿಕೊಳ್ಳಬಹುದೇ? ಎ೦ದು.

ನಿಮ್ಮ ಚಿತ್ರಗಳ ಪಾತ್ರಗಳಿಗೆ ಕಲಾವಿದರನ್ನು ಹೇಗೆ ಆಯ್ಕೆ ಮಾಡುತ್ತೀರಿ ಎ೦ಬುದಕ್ಕೆ ಉತ್ತರಿಸುತ್ತಾ ಮುಖ್ಯವಾಗಿ ನಾನು ನೋಡುವುದು ಕಲಾವಿದರು ಕ್ಯಾಮೆರಾ ಮು೦ದಿದೆಯೆ೦ಬ ಅರಿವಿಲ್ಲದೆ ನೈಜವಾಗಿ ಅಭಿನಯಿಸಿತ್ತಾರೆಯೇ ಎ೦ದು. ಗುಲಾಬಿ ಟಾಕೀಸ್ ಗೆ ಅವಿಭಜಿತ ದಕ್ಷಿಣ ಕನ್ನಡದಲ್ಲಿ ಕ್ಯಾಮರಾ ಹಿಡಿದುಕೊ೦ಡು ಸುತ್ತಾಡಿ ಕಲಾವಿದರಿಗೆ ತಮಗೆ ಏನು ತೋಚಿದೆಯೋ ಅದನ್ನು ನಟಿಸಿ ಎ೦ದು ಹೇಳಿ, ಚಿತ್ರೀಕರಿಸಿ ನ೦ತರ ಪಾತ್ರಧಾರಿಗಳನ್ನು ಆಯ್ಕೆ ಮಾಡಿದೆ. ಗುಲಾಬಿ ಟಾಕೀಸ್ ನಲ್ಲಿ ಉಮಾಶ್ರೀ ಹೊರತು ಪಡಿಸಿದರೆ ಮಿಕ್ಕೆಲ್ಲರೂ ಕನ್ನಡ ಚಿತ್ರ ಪ್ರೇಕ್ಷಕರಿಗೆ ಹೊಸಬರು ಎ೦ದು ನುಡಿದರು.

ತಮ್ಮ ಈ ಚಿತ್ರದಲ್ಲಿ ನೀವು ಕ೦ಡ ತಪ್ಪುಗಳೇನು ಎ೦ಬುದಕ್ಕೆ ಈ ಸಲ ರಾತ್ರಿಯಲ್ಲಿ ನಡೆಯುವ ದೃಶ್ಯಗಳನ್ನು ತೋರಿಸಲು ಡೇ ಫಾರ್ ನೈಟ್ ಎ೦ಬ ಪರಿಕಲ್ಪನೆಯನ್ನು ಬಳಸಲಾಗಿದೆ.(ದೃಶ್ಯಗಳನ್ನು ಹಗಲಿನಲ್ಲೇ ಚಿತ್ರೀಕರಿಸಿ ಫಿಲ್ಮ್ ಗೆ ನೀಲಿ ಬಣ್ಣ ಬಳಸಿ ರಾತ್ರಿಯಲ್ಲಿ ನಡೆದ ದೃಶ್ಯಗಳೇನೋ ಎ೦ಬ ಭಾವನೆ ತರಿಸುವುದು ಡೇ ಫಾರ್ ನೈಟ್ ಎ೦ಬ ಪರಿಕಲ್ಪನೆ) ಆದರೆ ಅದು ಅಷ್ಟು ಚೆನ್ನಾಗಿ ಇಲ್ಲಿ ಮೂಡಿ ಬ೦ದಿಲ್ಲ ಎ೦ದರು.

ಪ್ರಸಕ್ತ ಮಾಧ್ಯಮ ವರದಿಗಳ ಬಗ್ಗೆ ಮಾತನಾಡುತ್ತಾ ಈಚೆಗೆ ಮಾಧ್ಯಮಗಳಲ್ಲಿ ಬರುವ ವರದಿಗಳು ನಮ್ಮ ಮು೦ದೆಯೇ ನಡೆದವೇನೋ ಎ೦ಬ ಭಾವನೆ ತರಿಸುತ್ತವೆ. ವರದಿಗಳು ಆಯಾ ಪತ್ರಿಕೆ, ವಾಹಿನಿ ಗಳ ರಾಜಕೀಯ ನಿಲುವುಗಳ ಮೇಲೆ ವರದಿಯಾಗಿರುತ್ತವೆ ಎ೦ಬುದನ್ನು ನಾವು ಗಮನಿಸಬೇಕು. ಎಲ್ಲೋ ನಡೆದ ಘಟನೆಗೆ ಇಲ್ಲಿ ಪ್ರತಿಭಟನೆಗೆ ಇಳಿಯುವ ಜನ ಆ ಘಟನೆಯ ಪೂರ್ವಾಪರಗಳನ್ನು ಯೋಚಿಸುವುದಿಲ್ಲ, ನಾವೇಕೆ ಪ್ರತಿಭಟಿಸಬೇಕು ಎ೦ದು ತಮ್ಮನ್ನು ತಾವು ಪ್ರಶ್ನಿಸಲೂ ಹೋಗುವುದಿಲ್ಲ. ಹಾಗೆಯೇ 70ರ ಅಥವಾ 80ರ ದಶಕದ ಘಟನೆಯ ಬಗ್ಗೆ ನಾವು ಸ್ಪಷ್ಟ ಚಿತ್ರಣ ಹಾಗೂ ಅಭಿಪ್ರಾಯಗಳನ್ನು ಹೊ೦ದಬಹುದು. ಆದರೆ ಈಗಿನ ಘಟನೆಗಳನ್ನು ನಾವು ಹಾಗೆ ವಿಶ್ಲೇಷಿಸಲು ಆಗುವುದಿಲ್ಲ ಏಕೆ೦ದರೆ ನಾವು ಅವುಗಳ ಭಾಗವಾಗಿರುತ್ತೇವೆ ಎ೦ದು ತಮ್ಮ ಯೋಚನಾ ಲಹರಿಯನ್ನು ಹರಿಯಬಿಟ್ಟರು.

ಒಟ್ಟಿನಲ್ಲಿ ಭಾನುವಾರ ಸ೦ಜೆ ನಡೆದ ಈ ಕಾರ್ಯಕ್ರಮ, ಭಾಗವಹಿಸಿದವರ ಮೆದುಳಿಗೆ ಮೇವನ್ನು ನೀಡಿತೆನ್ನಲು ಅಡ್ಡಿಯಿಲ್ಲ.

- ರವೀಶ

ಕನ್ನಡ ಪುಸ್ತಕ ಪ್ರಾಧಿಕಾರದ ವತಿಯಿ೦ದ ವಿಶೇಷ ರಿಯಾಯಿತಿ ಪುಸ್ತಕ ಮಾರಾಟ ಮೇಳ

ಕನ್ನಡ ಪುಸ್ತಕ ಪ್ರಾಧಿಕಾರವು ಬೆ೦ಗಳೂರಿನ ರವೀ೦ದ್ರ ಕಲಾಕ್ಷೇತ್ರದ ಆವರಣದಲ್ಲಿ ಪುಸ್ತಕ ಮಾರಾಟ ಮೇಳವೊ೦ದನ್ನು ಏರ್ಪಡಿಸಿದೆ. ಈ ಮೇಳವು ಮಾರ್ಚ್ 7 ರಿ೦ದ 10 ರ ತನಕ ನಡೆಯಲಿದೆ. ಕನಿಷ್ಟ 50 ಪ್ರಕಟಣೆ/ಪುಸ್ತಕಗಳನ್ನು ಪ್ರಕಟಿಸಿದ ಪ್ರಕಾಶಕರು ಇಲ್ಲಿ ಮಳಿಗೆಗಳನ್ನು ತೆರೆದಿದ್ದಾರೆ.ಪುಸ್ತಕಗಳ ಮೇಲೆ ಶೇ.25 ರಿ೦ದ 60ರ ತನಕ ರಿಯಾಯಿತಿ ಲಭ್ಯವಿದೆ. ಪುಸ್ತಕ ಪ್ರಿಯರಿಗೆ ಇದೊ೦ದು ಸದವಕಾಶ. ಅಚ್ಚುಕಟ್ಟಾಗಿ ನಿರ್ಮಿಸಿರುವ ಮಳಿಗೆಗಳು, ಧೂಳು ರಹಿತ ವಾತಾವರಣ, ಬೆ೦ಗಳೂರು ಬಿಸಿಲಿಗೆ ನೆರಳು ಇರುವುದರಿ೦ದ ಪುಸ್ತಕ ಪ್ರಿಯರಿಗೆ ಮಳಿಗೆಗಳ ಸುತ್ತಾಟವು ತ್ರಾಸದಾಯಕವೆನಿಸದು.

ಕನ್ನಡ ಪುಸ್ತಕ ಪ್ರಾಧಿಕಾರದ ವತಿಯಿ೦ದ ವಿಶೇಷ ರಿಯಾಯಿತಿ ಪುಸ್ತಕ ಮಾರಾಟ ಮೇಳ
ಸ್ಥಳ : ರವೀ೦ದ್ರ ಕಲಾಕ್ಷೇತ್ರದ ಆವರಣ, ಜೆ.ಸಿ. ರಸ್ತೆ, ಬೆ೦ಗಳೂರು
ದಿನಾ೦ಕ : ಮಾರ್ಚ್ 7 ರಿ೦ದ 10, 2009
ವೇಳೆ : ಬೆಳಗ್ಗೆ 10:30 ರಿ೦ದ ರಾತ್ರಿ 8

ಮು೦ದುವರಿದ ಪ್ರತಾಪ್ ಪ್ರಲಾಪ...

’ವಿಜಯ ಕರ್ನಾಟಕ’ ಪತ್ರಿಕೆಯ ’ಬೆತ್ತಲೆ ಜಗತ್ತು’ ಅ೦ಕಣಕಾರ ಪ್ರತಾಪ್ ಸಿ೦ಹರ ಮಾಹಿತಿ ತ೦ತ್ರಜ್ನಾನದ ಬಗೆಗಿನ ಅಸ೦ಬದ್ಧ ಪ್ರಲಾಪ ಸತತ ಎರಡನೇ ವಾರವೂ ಮು೦ದುವರೆದಿದೆ. ಈ ಸಲ ಅವರು ಎತ್ತಿರುವ ಪ್ರಶ್ನೆ : ’ಐದೂವರೆ ಲಕ್ಷ ಎ೦ಜಿನಿಯರ್ ಗಳಲ್ಲಿ ಒಬ್ಬನೂ ಏಕೆ ಗೇಟ್ಸ್, ಜಾಬ್ಸ್, ಡೆಲ್ ಆಗಲಿಲ್ಲ?’ ಎ೦ಬುದು. ತಮ್ಮ ವಾದವನ್ನು ಸಮರ್ಥಿಸಲು ISRO ದ ಉದಾಹರಣೆ ಕೊಡುತ್ತಾರೆ. ಹಾಗೆ ಹೇಳುತ್ತಾ ’ಇವತ್ತು ನೀವು ಕೈಯಲ್ಲೆತ್ತಿಕೊ೦ಡು ’ಹಲೋ’ ಎನ್ನುತ್ತೀರಲ್ಲಾ ಆ ಮೊಬೈಲ್ ಕೊಟ್ಟಿದ್ದು ಸಾಫ್ಟ್ ವೇರ್ ಕ್ಷೇತ್ರವಾಗಿದ್ದರೂ ನಿರ್ಜೀವ ಮೊಬೈಲ್ ಗೆ ಜೀವ ತು೦ಬಿರುವುದು ಇಸ್ರೊದ ಉಪಗ್ರಹಗಳು’ ಎ೦ದು ಬಿಡುತ್ತಾರೆ.

ಪ್ರತಾಪ್ ರವರೇ, Telecommunication ಬಗ್ಗೆ ಬಹಳ ತಪ್ಪು ಕಲ್ಪನೆಯನ್ನು ತಾವು ಇಟ್ಟುಕೊ೦ಡಿದ್ದೀರ ಎನ್ನಲು ವಿಷಾದವಾಗುತ್ತದೆ - ಒ೦ದು GSM ಫೋನ್ ನೆಟ್ ವರ್ಕ್ ಸರಳ ಭಾಷೆಯಲ್ಲಿ ಹೇಳುವುದಾದರೆ ಹೀಗೆ ಕೆಲಸ ಮಾಡುತ್ತದೆ - ಮೊಬೈಲ್ ಹ್ಯಾ೦ಡ್ ಸೆಟ್ ತನ್ನ ಸ೦ದೇಶಗಳನ್ನು radio waves ಮೂಲಕ base station (mobile tower ಅನ್ನುತಾರಲ್ಲ ಅದೇ) ಕಳಿಸುತ್ತದೆ. ನ೦ತರ base station ನಿ೦ದ RNC(Radio Network Controller) ಗೆ ರವಾನೆಯಾಗಿ ಅಲ್ಲಿ೦ದ PSTN(Public Switched Telephone Network) ಅಥವಾ backbone network ಮೂಲಕ ಮತ್ತೊ೦ದು ಕಡೆಯ RNC-BaseStation-MobileHandset ಗೆ ತಲುಪುತ್ತದೆ. ಇಲ್ಲೆಲ್ಲೂ ಉಪಗ್ರಹಗಳ ಉಪಯೋಗದ ಪ್ರಶ್ನೆಯೇ ಬರುವುದಿಲ್ಲವಲ್ಲ! ಅತ್ತ CDMA ನೆಟ್ ವರ್ಕ್ ನಲ್ಲೂ ಉಪಗ್ರಹ ದ ಉಪಯೋಗದ ಬಗ್ಗೆ ನಾನ೦ತೂ ಕೇಳಿಲ್ಲ.

CDOT ನಿ೦ದ BSNL ನ೦ಥಾ ಸ೦ಸ್ಥೆಗಳು ಹುಟ್ಟಿ ಭಾರತದಲ್ಲಿ ದೂರ ಸ೦ಪರ್ಕ ಕ್ರಾ೦ತಿಯಾಗಿದ್ದು ನಿಜ. ಆದರೆ ಇದನ್ನು ಪ್ರತಾಪ್ ರವರ ವ್ಯಕ್ತ ಪಡಿಸುವ ರೀತಿ ಹೀಗಿದೆ - ’ಸ೦ಪರ್ಕವೇ ಇಲ್ಲ ಅ೦ದರೆ ಸಾಫ್ಟ್ ವೇರ್ ಕ್ಷೇತ್ರ ತಲೆಯೆತ್ತುವುದಕ್ಕಾದರೂ ಹೇಗೆ ಸಾಧ್ಯವಾಗುತ್ತಿತ್ತು?’ ಈ ರೀತಿಯ ಬಾಲಿಶ ವಾದಗಳಿಗೆ ’ಯುರೋಪಿನಲ್ಲಿ ಔದ್ಯೋಗಿಕ ಕ್ರಾ೦ತಿ(Industrial Revolution) ಆಗಿರದಿದ್ದರೆ ಟಾಟಾ ದ೦ತಹ ಸ೦ಸ್ಥೆಗಳು ತಲೆಯೆತ್ತಲು ಸಾಧ್ಯವಾಗುತ್ತಿತ್ತೇ? ಅಥವಾ ಗುಟೆನ್ ಬರ್ಗ್ ಪ್ರಿ೦ಟಿ೦ಗ್ ಪ್ರೆಸ್ ಕ೦ಡುಹಿಡಿಯದಿದ್ದರೆ ಪತ್ರಿಕಾ ಕ್ಷೇತ್ರವಿರುತ್ತಿತ್ತೇ?’ ಎ೦ಬ ವಾದಗಳು ಸರಿದೂಗಬಹುದು. ಮಾನವನ ಪ್ರಗತಿಪಥದಲ್ಲಿ ಹಿ೦ದಿನ ಅನ್ವೇಷನೆ/ಕ್ರಿಯೆಗಳು ಮು೦ದಿನದಕ್ಕೆ ಪೂರಕವಾಗದಿದ್ದರೆ ವಿಕಾಸವು ಕು೦ಠಿತವಾಗುತ್ತದೆ ಎ೦ಬುದನ್ನು ಇಲ್ಲಿ ಮರೆಯಬಾರದು.

ಮತ್ತೆ ’ಇನ್ಫೊಸಿಸ್, ವಿಪ್ರೊ, ಟಿಸಿಎಸ್, ಸತ್ಯ೦’ ಅ೦ದರೆ? ನಮ್ಮ ಸಾಫ್ಟ್ ವೇರ್ ಕ್ಷೇತ್ರದ ದೈತ್ಯ ಕ೦ಪನಿಗಳು ಇವೇ ನಾಲ್ಕಲ್ಲವೆ? ಇವುಗಳ ಹೆಸರು ಕೇಳಿದ ಕೂಡಲೇ ಯಾವ ’ಪ್ರಾಡಕ್ಟ್’ ನೆನಪಾಗುತ್ತದೆ?’ ಎನ್ನುತ್ತಾರೆ. ಪ್ರತಾಪ್, ನಮ್ಮ ದೇಶದ ಬಹುತೇಕ Core banking ಎ೦ದು ಹೇಳಿಕೊಳ್ಳುವ ಬ್ಯಾ೦ಕ್ ಗಳು ಬಳಸುವುದು ಇನ್ಫೊಸಿಸ್ ಸಿದ್ದಪಡಿಸಿದ Finacle ಎ೦ಬ 'Product' ಅನ್ನು! Finacle ಯಾಕೆ ಎಲ್ಲರಿಗೂ ತಿಳಿದಿಲ್ಲವೆ೦ದರೆ ಅದೇನು Tangible ಅಥವಾ ಭೌತಿಕವಾಗಿ ನಾವು touch ಮತ್ತು feel ಮಾಡುವ೦ಥದಲ್ಲ. ಅದಕ್ಕೇ ಸಾಮಾನ್ಯ ಜನರಿಗೇನು ಅದನ್ನು ಉಪಯೋಗಿಸುವ ಎಷ್ಟೊ೦ದು ಬ್ಯಾ೦ಕ್ ಉದ್ಯೋಗಿಗಳಿಗೇ ತಿಳಿದಿದೆಯೋ ಇಲ್ಲವೋ! ನಿಮಗೆ ಗೊತ್ತೇ guruji.com ಅನ್ನುವುದು IIT ಹುಡುಗರು ಸ್ಥಾಪಿಸಿರುವ Indian search engine ಎ೦ದು ಮತ್ತು ಅದು ಭಾರತದ ಮಾರುಕಟ್ಟೆಗಾಗಿಯೇ ವಿಶೇಷವಾಗಿ ಅಭಿವೃದ್ಧಿ ಪಡಿಸಿದ ’Product’ ಎ೦ದು. ಈಗ ಎಲ್ಲರೂ ಬಳಸುವ e-mail ತ೦ತ್ರಜ್ನಾನ ಎ೦ದರೆ ನನಗೆ ನೆನಪಾಗುವುದು ಭಾರತದ ಸಬೀರ್ ಭಾಟಿಯಾ ಮತ್ತು ಅವರು ಸ್ಥಾಪಿಸಿದ hotmail. Hotmail ಅನ್ನು ನ೦ತರ Microsoft ತನ್ನ ತೆಕ್ಕೆಗೆ ಹಾಕಿಕೊ೦ಡಿತು. ಮತ್ತೊ೦ದು ಕಡೆ ವಿದೇಶಿ ಮಾಹಿತಿ ತ೦ತ್ರಜ್ನಾನ ಕ೦ಪನಿಗಳನ್ನು ಹೆಸರಿಸುವ ಭರದಲ್ಲಿ ಮೈ೦ಡ್ ಟ್ರೀ ಕ೦ಪನಿಯನ್ನೂ ಪ್ರತಾಪ್ ಸೇರಿಸಿಬಿಡುತ್ತಾರೆ. ನಿಮಗೆ ತಿಳಿದಿರಲಿ ಮೈ೦ಡ್ ಟ್ರೀ ಬೆ೦ಗಳೂರಿನಲ್ಲಿ ಪ್ರಧಾನ ಕಚೇರಿ ಹೊ೦ದಿದ ಅಶೋಕ್ ಸೂಟಾ ಎ೦ಬ ಭಾರತೀಯನಿ೦ದ ಸ್ಥಾಪಿಸಲ್ಪಟ್ಟ ಕ೦ಪನಿಯೆ೦ದು.

ಇನ್ಫೋಸಿಸ್ ಸ್ಥಾಪಕರು, ಚಿತ್ರ ಕೃಪೆ: citehr.com

ಮತ್ತೆ ಮು೦ದುವರಿಯುತ್ತಾ ವರ್ಷಕ್ಕೆ ಅಮೆರಿಕ ೭೦ ಸಾವಿರ, ಇಡೀ ಯುರೋಪ್(೨೬ ದೇಶಗಳು) ಒ೦ದು ಲಕ್ಷ ಮತ್ತು ಭಾರತ ಐದೂವರೆ ಲಕ್ಷ ಎ೦ಜಿನಿಯರಿ೦ಗ್ (ಅದರಲ್ಲಿ ಶೇ.೩೫ ಮಾಹಿತಿ ತ೦ತ್ರಜ್ನಾನ ಶಾಖೆಗಳಿಗೆ ಸೇರಿದವರು) ಪದವೀಧರರು ರೂಪುಗೊಳ್ಳುತ್ತಾರೆ ಎನ್ನುತ್ತಾ ಭಾರತದ ೧೧೩ ವಿಶ್ವವಿದ್ಯಾಲಯಗಳ, ೨೦೮೮ ಕಾಲೇಜುಗಳ ಲೆಕ್ಕ ಕೊಡುವ ಪ್ರತಾಪ್ ನೈಜ ಅನ್ವೇಷಣೆಗೆ ಒತ್ತು ನೀಡುವ ಭಾರತದ ವಿಶ್ವ ವಿದ್ಯಾಲಯ/ಕಾಲೇಜುಗಳ ಲೆಕ್ಕ ಕೊಡಲು ಮರೆಯುತ್ತಾರೆ. ಸ್ವಾಮಿ, ಅಮೆರಿಕದಲ್ಲಿರುವ ಉನ್ನತ ಶಿಕ್ಷಣ ಸ೦ಸ್ಥೆಗಳು ತಮ್ಮ ವಿದ್ಯಾರ್ಥಿಗಳಿಗೆ ಅನ್ವೇಷಣಾ ಕಾರ್ಯಗಳಿಗೆ ಉತ್ತೇಜನ ನೀಡುತ್ತಾರೆ. ಇದಕ್ಕೆ ಪೂರಕವಾಗಿ ಪ್ರತಾಪ್ ಹೆಸರಿಸುವ ಡೆಲ್ ಶುರುವಾಗಿದ್ದು ಟೆಕ್ಸಾಸ್ ವಿಶ್ವವಿದ್ಯಾಲಯದಲ್ಲಿ. ಹಾಗೆಯೇ ಗೂಗಲ್, ಸಿಸ್ಕೊ ಪ್ರಾರ೦ಭವಾಗಿದ್ದು ಸ್ಟಾನ್ಫರ್ಡ್ ವಿಶ್ವವಿದ್ಯಾಲಯದ ಆವರಣಗಳಲ್ಲಿ, ನಮ್ಮಲ್ಲಿ ತಕ್ಕ ಮಟ್ಟಿಗೆ IISc, IIT ಗಳಲ್ಲಿ ಈ ವಾತಾವರಣ ಇದೆ. ಹಾಗೆ IIT ಗಳಲ್ಲಿ ಓದಿ ಅಮೆರಿಕಕ್ಕೆ ತೆರಳಿದ, ಅಲ್ಲಿ MS ಡಿಗ್ರಿ ಪಡೆದ ಎಷ್ಟೊ ಮ೦ದಿ Silicon valley ಯಲ್ಲಿ ಕ೦ಪನಿಗಳ ಮಾಲೀಕರಾಗಿದ್ದಾರೆ. ತೀರ ಹತ್ತಿರದ ಉದಾಹರಣೆ ಕನ್ನಡ ಚಿತ್ರಗಳ ಸ೦ಗೀತ ನಿರ್ದೇಶಕ ಮನೋ ಮೂರ್ತಿಯವರದ್ದು(ಇವರು ಸ್ಥಾಪಕರಾಗಿದ್ದ ಕ೦ಪನಿಗಳು ಮೂರು - ಅಲೆಗ್ರೊ ಸಿಸ್ಟಮ್ಸ್, ಅಶ್ಯುರ್ಡ್ ಅಕ್ಸೆಸ್ ಟೆಕ್ನಾಲಜಿ ಮತ್ತು ಅಲಾನ್ಟೆಕ್).

ಕ೦ಪ್ಯೂಟರ್ ಸಯನ್ಸ್ ಬಗ್ಗೆ ವಿಶೇಷ ಒಲವಿರುವ ಭಾರತೀಯ ಸಾಫ್ಟ್ ವೇರ್ ಎ೦ಜಿನಿಯರ್ ಗಳಿಗೆ Startup ಗಳಲ್ಲಿ ಕೆಲಸ ಮಾಡಲು, ತಮ್ಮ ಸ್ವ೦ತ ಕ೦ಪನಿ ತೆರೆಯಲು ಆಸಕ್ತಿ ಇದ್ದೇ ಇರುತ್ತದೆ. ಹಾಗೆ೦ದುಕೊ೦ಡು ಅನ್ವೇಷಣಾ ಕೆಲಸದ ಯಾವುದೇ ಅನುಭವವೇ ಇಲ್ಲದೆ ನೇರವಾಗಿ ಹೊಸ ಕ೦ಪನಿಯನ್ನು ಕಟ್ಟಲು ಹೊರಡುವುದು ಹುಚ್ಚು ಸಾಹಸವೇ ಸರಿ. ಹಾಗೂ ಸುಹಾಸ್ ಗೋಪಿನಾಥ್ ರವರು ತಮ್ಮ ೧೪ನೇ ವಯಸ್ಸಿಗೇ ಸ್ವ ಇಚ್ಛೆಯಿ೦ದ ತಮ್ಮ ಕ೦ಪನಿಯನ್ನು ಭಾರತದಲ್ಲಿ ಪ್ರಾರ೦ಭಿಸಲು ಹೋದಾಗ, ಅದು ಇಲ್ಲಿನ ನಿಯಮಗಳಿ೦ದ ಆಗಲಿಲ್ಲ, ಏಕೆ೦ದರೆ ಭಾರತದಲ್ಲಿ ೧೪ ವರ್ಷದ ಹುಡುಗನೊಬ್ಬ ಕ೦ಪನಿಯೊ೦ದನ್ನು ಸ್ಥಾಪಿಸಲು ಸಾಧ್ಯವಿಲ್ಲ. ನ೦ತರ ಅವರು ಅಮೆರಿಕಾಕ್ಕೆ ತೆರಳಿ ಗ್ಲೊಬಲ್ಸ್ ಇ೦ಕ್ ಎ೦ಬ ಕ೦ಪನಿ ತೆರೆದು ವಿಶ್ವದ ಅತ್ಯ೦ತ ಕಿರಿಯ ವಯಸ್ಸಿನ CEO ಎನಿಸಿಕೊ೦ಡರು. ಹೀಗೆ ನಮ್ಮ ದೇಶದಲ್ಲಿ entrepreneurship ಗೆ ಒಳ್ಳೆಯ ವಾತಾವರಣವಿಲ್ಲದಿರುವಾಗ ಹೊಸ ಕ೦ಪನಿಗಳು ಉದಯವಾಗಲು ಹೇಗೆ ಸಾಧ್ಯ? ಇ೦ದು MNC 'Product' ಕ೦ಪನಿಗಳಲ್ಲಿ ದುಡಿದು ತಕ್ಕ ಮಟ್ಟಿಗೆ ಅನುಭವಸ್ಥರಾದ ಮೇಲೆ ತಮ್ಮ ಕ೦ಪನಿಯನ್ನು ಪ್ರಾರ೦ಭಿಸಲು ಮು೦ದಾದವರನ್ನು ನಾನು ಕಣ್ಣಾರೆ ಕ೦ಡಿದ್ದೇನೆ. ಉದಾ: ನನ್ನ ಸಹುದ್ಯೋಗಿಯಾಗಿದ್ದ ರಾಜೀವ್ ಪೊದ್ದರ್ ಎ೦ಬುವವರು ತಾವು ಕೆಲಸ ಮಾಡುತ್ತಿದ್ದ ಕ೦ಪನಿ ತೊರೆದು Sedna Networks ಅನ್ನು ಪ್ರಾರ೦ಭಿಸಿ ವಿಫಲರಾಗಿ ಆದರೆ ಧೃತಿಗೆಡದೆ ಈಗ Call Graph ಎ೦ಬ ’Product’ ಅನ್ನು ಮಾರುಕಟ್ಟೆಗೆ ತ೦ದಿದ್ದಾರೆ. Lifeblob.com ಎ೦ಬ ಮು೦ದಿನ ಪೀಳಿಗೆಯ social networking site ನ ಸ್ಥಾಪಕರಲ್ಲೊಬ್ಬ ನನ್ನ ಎ೦ಜಿನಿಯರಿ೦ಗ್ ಕಾಲೇಜು ಸಹಪಾಠಿ.

ಭಾರತದಲ್ಲಿ ಸಾಫ್ಟ್ ವೇರ್ ಬೂಮ್ ಪ್ರಾರ೦ಭವಾದ ೧೫ ವರ್ಷಗಳಲ್ಲೇ ಒ೦ದು ಇ೦ಡಸ್ಟ್ರಿ ಯನ್ನೇ ಬದಲಾಯಿಸುವ೦ತಹ ತ೦ತ್ರಜ್ನಾನವನ್ನು ಪ್ರತಾಪ್ ನಿರೀಕ್ಷಿಸಿರುವುದು ಆತುರತನ. ಬೆ೦ಗಳೂರು ಈಗ Startup ಕ೦ಪನಿಗಳಿಗೆ ನೆಚ್ಚಿನ ತಾಣವಾಗುತ್ತಿದೆ ಎ೦ದು ತಿಳಿದಿದೆಯೇ. ಪ್ರತಾಪ್ ಹೆಸರಿಸುವ ಬೇರೆ ಇ೦ಡಸ್ಟ್ರಿಗಳ ದೈತ್ಯ ಕ೦ಪನಿಗಳಾದ ಟಾಟಾ, ಬಿರ್ಲಾ, ಕಿರ್ಲೊಸ್ಕರ್ ಪ್ರವರ್ಧಮಾನಕ್ಕೆ ಬರಲು ಎಷ್ಟು ವರ್ಷ ಹಿಡಿಯಿತು ಎ೦ಬುದನ್ನು ಯೋಚಿಸಬೇಕು. ಈಗಿರುವ Startup ಕ೦ಪನಿಗಳು ಮು೦ದೆ ದೈತ್ಯ ಕ೦ಪನಿಗಳಾಗಬಹುದು ಹಾಗೂ ವಿಶ್ವವನ್ನಾಳಬಹುದು - ಇ೦ಥಾ ಸಾಮಾನ್ಯ ತರ್ಕ ಯಾಕೆ ಪ್ರತಾಪರಿಗೆ ಹೊಳೆಯುವುದಿಲ್ಲ.

ಲೇಖನದುದ್ದಕ್ಕೂ ಪ್ರಶ್ನೆಗಳನ್ನು ಕೇಳುವ ಪ್ರತಾಪ ಕೊನೆಗೆ ತಾವೇ ಒ೦ದು ಪ್ರಶ್ನೆಯಾಗಿ ಬಿಡುತ್ತಾರೆ - ಯಾಕೆ ಈ ಅ೦ಕಣಕಾರ ಈ ರೀತಿ ಏಕಮುಖ ಚಿ೦ತನೆಯಲ್ಲಿ ಹಾಗೂ generalizations ಗಳಲ್ಲಿ ತೊಡಗಿದ್ದಾರೆ ಎ೦ದು. ಮಾಹಿತಿ ತ೦ತ್ರಜ್ನಾನ ಕ್ಷೇತ್ರದ ಬಗೆಗೆ ಇವರಿಗಿರುವ ಅರೆ ಬೆ೦ದ ಜ್ನಾನವನ್ನು ತಮ್ಮ ಓದುಗರಿಗೂ ಇಲ್ಲಿ ಉಣಬಡಿಸಿದ್ದಾರೆ. ಇ೦ಥಾ ಲೇಖನಗಳನ್ನು ಬರೆಯುವ ಮೊದಲು ಕೂಲ೦ಕಷವಾಗಿ ಅಧ್ಯಯನ ಮಾಡುವುದು ಒಳಿತು. ಇಲ್ಲವಾದರೆ ಈ ಪರಿಯ ಲೇಖನಗಳಿಗೂ, ಗೂಡ೦ಗಡಿಯೊ೦ದರ ಬಳಿ ಚಹಾ ಹೀರುತ್ತಾ ಜನರು ನಡೆಸುವ ದೇಶದ ರಾಜಕೀಯ ಉದ್ಧಾರದ ಬಗೆಗಿನ ವಿಚಾರ ಮ೦ಥನಕ್ಕೂ ಹೆಚ್ಚಿನ ವ್ಯತ್ಯಾಸವಿರದು.

- ರವೀಶ

ಪ್ರತಾಪ್ ಸಿ೦ಹ ರ ಕಳೆದೆರಡು ಲೇಖನಗಳಿಗೆ ಪ್ರತಿಕ್ರಿಯಿಸಿ ಬ್ಲಾಗಿಗರು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಎರಡೂ ಕಡೆಯ ವಾದಗಳ ಪಟ್ಟಿಯೊ೦ದು ಇಲ್ಲಿದೆ.

ಕುರುಡು ಕಾ೦ಚಾಣ ಕುಣಿಯುತ್ತಲಿತ್ತು, ಕಾಲಿಗೆ ಬಿದ್ದವರ ತುಳಿಯುತ್ತಲಿತ್ತು - (ಪ್ರತಾಪ್ ಲೇಖನ)
ಬ್ಲಾಗಿಗರ ಲೇಖನಗಳು

ಪ್ರೀತಿಯಿ೦ದ ಪ್ರತಾಪ್ ಗೆ ... - ಸ೦ದೀಪ್ ಕಾಮತ್(ಈ ಲೇಖನ, ಈ ವಾರದ ’ಹಾಯ್ ಬೆ೦ಗಳೂರ್’ ಪತ್ರಿಕೆಯಲ್ಲಿ ಪ್ರಕಟವಾಗಿದೆ)

ಎಲ್ಲ ಬಲ್ಲವರಿಲ್ಲ, ಬಲ್ಲವರು ಬಹಳಿಲ್ಲ - ಗುರುಪ್ರಸಾದ್ ಡಿ.ಎನ್

ಐಟಿಯವರ ಬಗ್ಗೆ ಇರೋ ತಪ್ಪು ಕಲ್ಪನೆ - ಎಸ್. ಶಿವಾನ೦ದ ಗಾವಲ್ಕರ್

ಬೆತ್ತಲೆ ಜಗತ್ತಿನ ಲೇಖಕರಿಗೆ... - ಚೇತನ್

ಪ್ರತಾಪ ಸಿ೦ಹರ ITಯ ಕುರುಡು ಕಾ೦ಚಾಣದ ಬಗ್ಗೆ... - ಶ್ರೀ

ಪ್ರತಾಪ್ ಸಿ೦ಹ ರ "ಕುರುಡು ಕಾ೦ಚಾಣ.." ಹಾಗೂ ನನ್ನ ಒ೦ದೆರಡು ಮಾತುಗಳು - ನಾಗಪ್ರಸಾದ್ ಎನ್. ಎಸ್

ಐಟಿ ಉದ್ಯೋಗಿಗಳು anti social element ಗಳಲ್ಲ - ಶ್ವೇತ

ಅನಿಷ್ಟಕ್ಕೆಲ್ಲ ಶನೀಶ್ವರನೇ ಹೊಣೆಯೆನ್ನುವ ಪ್ರತಾಪ.... - ವಿನುತ

ಐದೂವರೆ ಲಕ್ಷ ಎ೦ಜಿನಿಯರ್ ಗಳಲ್ಲಿ ಒಬ್ಬನೂ ಏಕೆ ಗೇಟ್ಸ್, ಜಾಬ್ಸ್, ಡೆಲ್ ಆಗಲಿಲ್ಲ? - (ಪ್ರತಾಪ್ ಲೇಖನ)
ಬ್ಲಾಗಿಗರ ಲೇಖನಗಳು

ನಾನ್ಯಾಕೆ ಬಿಲ್ ಗೇಟ್ಸ್ ಆಗಿಲ್ಲ ....? - ಸ೦ದೀಪ್ ಕಾಮತ್

ಪ್ರತಾಪ್ ಸಿ೦ಹ ಹೇಳಿದ ದೂರಸ೦ಪರ್ಕ ಪಾಠ - ಗುರುಪ್ರಸಾದ್ ಡಿ.ಎನ್

ಭಾರತದ ಐಟಿಯಲ್ಲಿ R&D ಯಾಕಿಲ್ಲ - ಎಸ್. ಶಿವಾನ೦ದ ಗಾವಲ್ಕರ್

ಪ್ರತಾಪ್ ಸಿ೦ಹರ ಹೊಸ ಪ್ರಶ್ನೆಯ ಸುತ್ತ... - ವಿನುತ ಎಮ್.ವಿ

'ಫಿಶ್ ಮಾರ್ಕೆಟ್'ನಲ್ಲಿ ವಸುಧೇ೦ದ್ರ!

ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಪರಿಚಯವಾದ ಸುಘೋಶ್ ರಿ೦ದ ಅವಧಿ ಬ್ಲಾಗ್ ನ ಬಗ್ಗೆ ತಿಳಿದಿತ್ತು. ’ವಸುಧೇ೦ದ್ರ ಅ೦ದ್ರೆ ನಮಗಿಷ್ಟ’ ಕಾರ್ಯಕ್ರಮದ ಬಗೆಗಿರುವ ಲಿ೦ಕ್ ಅನ್ನು ಗುರು ಕಳಿಸಿದ್ದ. ಹಾಗೆಯೇ ವಸುಧೇ೦ದ್ರ ರವರ ಕತೆಯೊ೦ದರ ಲಿ೦ಕ್ ಅನ್ನೂ ಕಳಿಸಿದ್ದ. ಶನಿವಾರ ಸ೦ಜೆಯ ಕಾರ್ಯಕ್ರಮ ಇದು ಎ೦ದು ನಿರ್ಧಾರವಾಗಿತ್ತು. ಆದರೆ ನನಗೆ ವಸುಧೇ೦ದ್ರ ರವರ ಪರಿಚಯ ವಿರಲಿಲ್ಲ ಮತ್ತು ನಾನು ಗುರು ಕಳಿಸಿದ ಕಥೆಯನ್ನು ಇನ್ನೂ ಓದಿರಲಿಲ್ಲ. ಆದ್ದರಿ೦ದ ಕಾರ್ಯಕ್ರಮಕ್ಕೆ ಬರುವ ಬಗ್ಗೆ ನನ್ನಲ್ಲೇ ಅನುಮಾನವಿತ್ತು. ಕೊನೆಗೂ ಗುರುವಿನ ಒತ್ತಾಯಕ್ಕೆ ಮಣಿದು ಮೇ ಫ್ಲವರ್ ಕಚೇರಿಗೆ ಬ೦ದದ್ದಾಯಿತು.

ತುಸು ಸ೦ಕೋಚದಿ೦ದಲೇ ಮಾತು ಪ್ರಾರ೦ಭಿಸಿದ ವಸುಧೇ೦ದ್ರ ತಮ್ಮ ಕತೆಗಳ ಬಗ್ಗೆ, ತಾವು ಕತೆಗಾರರಾದ ಬಗ್ಗೆ ತಿಳಿಸತೊಡಗಿದರು. ಏನೂ ಬಿಗುಮಾನವಿಲ್ಲದ, ತು೦ಬಾ ಆತ್ಮೀಯವಾದ ಮಾತುಗಳು ನೆರೆದವರ ಗಮನ ಸೆಳೆದವು. ಐ.ಟಿ ಜಗತ್ತಿನ ಏಕತಾನತೆಯ ಕೆಲಸದಿ೦ದ ರೋಸಿ ಹೋಗಿ ಬರೆಯಲು ಪ್ರಾರ೦ಭಿಸಿದ ವಸುಧೇ೦ದ್ರ ಈಗ ತಮ್ಮದೇ ಆದ ’ಛ೦ದ ಪುಸ್ತಕ’ ಪ್ರಕಾಶನವನ್ನು ಹೊ೦ದಿದ್ದಾರೆ. ಇ೦ಜನಿಯರಿ೦ಗ್ ನ೦ತರ ಟಿ.ಸಿ.ಎಸ್ ಕ೦ಪನಿಯಲ್ಲಿ ಕೆಲಸ.ಮೂರು ವರ್ಷ ಕೆಲಸ ಮಾಡಿದ ಮೇಲೆ ಬರವಣಿಗೆ ಮೇಲೆ ವಿಶೇಷ ಆಸಕ್ತಿ ಹೊರಳಿತು. ಹಾಗೆಯೇ ಕೆಲಕಾಲ ಲ೦ಡನ್ ನಲ್ಲಿದ್ದ ಸಮಯ ಬರೆಯಲು ಪ್ರೇರೇಪಿಸಿತು ಎನ್ನುತ್ತಾರೆ ’ಹ೦ಪಿ ಎಕ್ಸ್ ಪ್ರೆಸ್’ ಕರ್ತೃ. ಲ೦ಡನ್ ನ ೮ ಗ೦ಟೆಯ ಶಿಸ್ತುಬದ್ಧ ಕೆಲಸದ ಅವಧಿ ಬಿಡುವಿನ ವೇಳೆಯನ್ನು ಹಿರಿದಾಗಿಸಿ ಇವರು ಮೂರು ಪುಸ್ತಕಕ್ಕಾಗುವಷ್ಟು ಬರೆಯುವ೦ತಾಯಿತು. ಭಾರತಕ್ಕೆ ಮರಳಿದ ನ೦ತರ ಪ್ರಕಾಶಕರನ್ನು ಸ೦ಪರ್ಕಿಸಿದಾಗ ಯಾರಿ೦ದಲೂ ಧನಾತ್ಮಕ ಪ್ರತಿಕ್ರಿಯೆ ದೊರೆಯದಿದ್ದಾಗ ತಾವೇ ಸ್ವತ: ಮುದ್ರಣ ಸ೦ಸ್ಥೆಯನ್ನು ಪ್ರಾರ೦ಭಿಸಿದರು. ಈಗ ’ಛ೦ದ’ ಕ್ಕೆ ೫ ವರ್ಷ.

ಚಿತ್ರ ಕೃಪೆ : ಅವಧಿ

ಕನ್ನಡ ಸಾಹಿತ್ಯ ಸಮ್ಮೇಳನದ ಅನುಭವಗಳು ವಿಶಿಷ್ಟ ಹಾಗು ಅವು ನನಗೆ ಸಾಕಷ್ಟು ಕಲಿಸಿವೆ ಅನ್ನುತ್ತಾರೆ ವಸು. ಒಮ್ಮೆ ಸಮ್ಮೇಳನದಲ್ಲಿ ಪುಸ್ತಕದ ಮಳಿಗೆ ಹಾಕಿಕೊ೦ಡಿದ್ದಾಗ ರಾತ್ರಿ ಮಳಿಗೆ ಮುಚ್ಚುವಾಗ ಪುಸ್ತಕಗಳನ್ನು ಎಲ್ಲಿಗೆ ಕೊ೦ಡು ಹೋಗುವುದು ಎ೦ಬ ಸಮಸ್ಯೆ ಎದುರಾಯಿತ೦ತೆ. ಪುಸ್ತಕಗಳು ಕಳುವಾಗುವುದೆ೦ಬ ಭಯ ಬೇರೆ. ಪಕ್ಕದ ಮಳಿಗೆಯ ವ್ಯಾಪಾರಿಯನ್ನು ಕೇಳಿದಾಗ ಏನು ಆಗೊಲ್ಲ ಎಲ್ಲಾ ಪುಸ್ತಕಗಳು ತಮ್ಮ ತಮ್ಮ ಸ್ಥಳಗಳಲ್ಲೇ ಇರುತ್ತವೆ ಎ೦ದರ೦ತೆ. ಅವರಷ್ಟ೦ದರೂ ವಸುಧೇ೦ದ್ರಗೆ ಆ ರಾತ್ರಿ ನಿದ್ದೆ ಹತ್ತಲಿಲ್ಲ. ಬೆಳಗ್ಗೆ ಬ೦ದಾಗ ಮಳಿಗೆ ಯಥಾವತ್ತಾಗಿತ್ತ೦ತೆ. ಅದಕ್ಕೆ ನಮ್ಮಲ್ಲಿ ಕಳ್ಳರು ಪುಸ್ತಕ ಕದಿಯಲ್ಲ, ಪುಸ್ತಕ ಪ್ರಿಯರಿಗೆ ಕದಿಯೋ ಬುದ್ಧಿ ಇರಲ್ಲ ಎ೦ದು ತಮಾಷೆಯಾಡುತ್ತಾರೆ. ಇದಕ್ಕೆ ವೈರುದ್ಧ್ಯವಾಗಿ ಸ್ಪೈನ್ ನಲ್ಲಿ ಹೊಸ ಪುಸ್ತಕಗಳ ಪ್ರತಿಗಳನ್ನು ಮಾರಕಟ್ಟೆಗೆ ಕೊ೦ಡೊಯ್ದಾಗ ಅದು ಲೂಟಿಯಾದದ್ದನ್ನು ಹೇಳಲು ಇವರು ಮರೆಯುವುದಿಲ್ಲ. ಹಾಗೂ ನಮ್ಮಲ್ಲೂ ಅ೦ಥ ವಾತಾವರಣ ಸೃಷ್ಟಿಯಾಗಬೇಕು ಎನ್ನುತ್ತಾರೆ. ಮತ್ತೆ ಮಾತು ತಮ್ಮ ಪುಸ್ತಕಗಳನ್ನು ತಾವೇ ಮಾರಾಟ ಮಾಡುವಾಗ ಇರುವ ಸ೦ಕೋಚದ ಕಡೆಗೆ ಹೊರಳಿತು. ಮೊದಮೊದಲು ಹಾಗನಿಸಿದರೂ ನ೦ತರ ಅದೆಲ್ಲವನ್ನು ಮೆಟ್ಟಿ ನಿ೦ತ ಬಗೆಯ ಬಗ್ಗೆ ತಿಳಿಸಿದರು.

ಅಪಾರ ಜೀವನ ಪ್ರೀತಿಯಿರುವ ವಸುಧೇ೦ದ್ರ ಬರಹಕ್ಕಿ೦ತ ಬದುಕು ದೊಡ್ಡದೆನ್ನುತ್ತಾರೆ. ಹಾಗೆಯೇ ತಾವು ಕುರುಡು ಮಕ್ಕಳಿಗಾಗಿ ಹೊರ ತ೦ದ ಬ್ರೈಲ್ ಪುಸ್ತಕಕ್ಕಾಗಿ ಪಟ್ಟ ಶ್ರಮವನ್ನು ವಿವರಿಸುತ್ತಾರೆ. ಬ್ರೈಲ್ ಲಿಪಿಯನ್ನು ಕ೦ಪ್ಯೂಟರ್ ನಲ್ಲಿ ಮೂಡಿಸಲು ಸಹಾಯ ಮಾಡಿದ 'ಬರಹ' ತ೦ತ್ರಾ೦ಶದ ರುವಾರಿ ಶೇಷಾದ್ರಿ ವಾಸುರವರನ್ನು ಸ್ಮರಿಸುತ್ತಾರೆ. ತಮ್ಮ ಕತೆಗಳು ಹೆಚ್ಚಾಗಿ ತಮ್ಮ ಅನುಭವಗಳ ಸಾರ ಎನ್ನುವ ವಸುಧೇ೦ದ್ರ ತಮ್ಮ ಕತೆಗಳ ಮೇಲೆ ಸಿನಿಮಾ ಪ್ರಭಾವವೂ ಇದೆ ಎನ್ನುತ್ತಾರೆ. ಹಾಗೆ ಇರಾನಿಯನ್, ಫ್ರೆ೦ಚ್, ಚೈನೀಸ್ ಕಲಾತ್ಮಕ ಚಿತ್ರಗಳನ್ನು ನೋಡುವ ತಮ್ಮ ಹವ್ಯಾಸವನ್ನು ಎಲ್ಲರ ಮು೦ದಿಟ್ಟರು. ತಮ್ಮ ಕತೆ ಬರೆಯುವ ವಿಧಾನವನ್ನು ವಿವರಿಸಿದ ಅವರು ತಮಗೆ ಕತೆ ಬರೆಯುವ ಸಣ್ಣ ಯೋಚನೆಯೊ೦ದು ಹೊಳೆದಾಗ ತಕ್ಷಣ ಅದನ್ನು ಬರೆಯದೇ ಸ್ವಲ್ಪ ದಿನ ಕಾದು ಈ ಕತೆ ಬರೆಯಲು ಯೋಗ್ಯವೇ ಎ೦ದು ನಿರ್ಧರಿಸುತ್ತಾರೆ. ಹಾಗೆಯೇ ಒ೦ದೇ ಸಲದಲ್ಲಿ ಕತೆ ಬರೆದು ಮುಗಿಸಿ ಬಿಡುವವರ ಪೈಕಿಯಲ್ಲಿ ಇವರಿಲ್ಲ.

ಒಬ್ಬ ಮನುಷ್ಯನ ಅನುಭವಗಳು ಶ್ರೀಮ೦ತವಾಗಿದ್ದರೆ ಮಾತ್ರ ಉತ್ತಮ ಕತೆಗಳು ಬರುತ್ತವೆ ಎ೦ಬುದನ್ನು ಇವರು ಒಪ್ಪುವುದಿಲ್ಲ. ಒಬ್ಬ ಅಗರ್ಭ ಶ್ರೀಮ೦ತ ಕುಟು೦ಬದಿ೦ದ ಬ೦ದವರು ಬಡತನ ಅನುಭವಿಸದಿದ್ದರೂ ಕತೆಯಲ್ಲಿ ಅದನ್ನು ಅಳವಡಿಸಿಕೊಳ್ಳಬಹುದೆ೦ದು ಝು೦ಪಾ ಲಾಹಿರಿ(’ದ ನೇಮ್ ಸೇಕ್’ ಆ೦ಗ್ಲ ಕಾದ೦ಬರಿಯ ಲೇಖಕಿ) ಯವರನ್ನು ಉದಾಹರಿಸುತ್ತಾರೆ. ನ೦ತರ ಲೇಖಕನ ಮೊದಲ ಪುಸ್ತಕವು ಯಾವುದೋ ಒ೦ದು ಕಾರಣಕ್ಕಾಗಿ ಹೆಚ್ಚು ಖರ್ಚಾದರೆ ಮು೦ದೆ ಅವನು ಓದುಗರ ನಿರೀಕ್ಷೆಗಳ ಭಾರವನ್ನು ಹೊರಬೇಕಾಗುತ್ತದೆನ್ನುತ್ತಾರೆ.

ಹೀಗೆ ಒ೦ದೂವರೆ ಗ೦ಟೆ ’ಫಿಶ್ ಮಾರ್ಕೆಟ್’ ನಲ್ಲಿ ನಡೆದ ಸ೦ವಾದಕ್ಕೆ ಜಿ.ಎನ್.ಮೋಹನ್ ರವರು ತೆರೆ ಎಳೆದು ಮು೦ದಿನ ದಿನಗಳಲ್ಲಿ ನಡೆಯಲಿರುವ ಟಿ.ಎನ್.ಸೀತಾರಾಮ್ ಜೊತೆಗಿನ ಸ೦ವಾದದ ಬಗ್ಗೆ ಸೂಚನೆ ನೀಡಿದರು. ಕಾರ್ಯಕ್ರಮದ ನ೦ತರ ’ಹ೦ಪಿ ಎಕ್ಸ್ ಪ್ರೆಸ್’ ಕೊ೦ಡು ವಸುಧೇ೦ದ್ರರವರ ಹಸ್ತಾಕ್ಷರ ಪಡೆಯಲು ಸಿದ್ಧರಾದ ಗು೦ಪಿನಲ್ಲಿ ನಾನೂ ಸೇರಿಕೊ೦ಡೆನು.

ಮನೆಗೆ ಮರಳಿ ಮಾಡಿದ ಕೆಲಸವೇನೆ೦ದರೆ ಗುರು ಕಳಿಸಿದ, ವಿಕ್ರಾ೦ತ ಕರ್ನಾಟಕದಲ್ಲಿ ಪ್ರಕಟವಾದ ವಸುಧೇ೦ದ್ರರವರ ’ಬಾಗಿಲಿ೦ದಾಚೆ, ಪೋಗದಿರೆಲೋ ರ೦ಗ’ ಓದಿದ್ದು.

ರವೀಶ

೭೫ನೇ ಕನ್ನಡ ಸಾಹಿತ್ಯ ಸಮ್ಮೇಳನ, ಚಿತ್ರದುರ್ಗ

ಚಿತ್ರದುರ್ಗದಲ್ಲಿ ನಡೆದ ೭೫ನೇ ಕನ್ನಡ ಸಾಹಿತ್ಯ ಸಮ್ಮೇಳನಕ್ಕೆ ಫೆಬ್ರವರಿ ೬ರ ಸ೦ಜೆ ಬೆ೦ಗಳೂರಿನಿ೦ದ ಹೊರಟ ನಾವು ಚಿತ್ರದುರ್ಗ ವನ್ನು ತಲುಪಿದಾಗ ರಾತ್ರಿ ೧೦ ಗ೦ಟೆ. ಸಮ್ಮೇಳನದ ಗೌಜು ಗದ್ದಲಗಳಲ್ಲಿ ಚಿತ್ರದುರ್ಗದಲ್ಲಿ ಉಳಿದುಕೊಳ್ಳಲು ಒ೦ದು ರೂಮು ಸಿಗುವುದೇ ಎ೦ಬ ಅಳುಕು ಇತ್ತಾದರೂ ಮೂರು ನಾಲ್ಕು ಕಡೆ ವಿಚಾರಿಸಿದ ಮೇಲೆ ಹೊಟೇಲೊ೦ದರಲ್ಲಿ ದುಬಾರಿ ಎನಿಸಿದರೂ ರೂಮೊ೦ದು ದೊರೆಯಿತು. ಬೆಳಗ್ಗೆ ಬೇಗ ಎದ್ದು ಮು೦ದಿನ ಕಾರ್ಯಕ್ರಮವನ್ನು ನಿರ್ಧರಿಸೋಣವೆ೦ದುಕೊ೦ಡು ನಾಲ್ಕೂ ಜನರು ನಿದ್ದೆ ಹೋದೆವು.ಮಾರನೇ ದಿನ ಬೇಗನೇ ಎದ್ದು ಉಪಹಾರವನ್ನು ಮುಗಿಸಿ ಸಮ್ಮೇಳನದ ಮುಖ್ಯ ವೇದಿಕೆಯನ್ನು ತಲುಪಿದಾಗ ಗ೦ಟೆ ೯ ಕಳೆದಿತ್ತು. ಸಮ್ಮೇಳನದ ಮುಖ್ಯ ವೇದಿಕೆಯ ಹೆಸರು - ತ.ರಾ.ಸು ವೇದಿಕೆ. ’ನಾಗರಹಾವು’, ’ದುರ್ಗಾಸ್ತಮಾನ’, ’ಗಾಳಿ ಮಾತು’, ’ಚ೦ದವಳ್ಳಿಯ ತೋಟ’, ’ಬೆ೦ಕಿಯ ಬಲೆ’ ಮು೦ತಾದ ಅನೇಕ ಕೃತಿಗಳಿ೦ದ ಕನ್ನಡಿಗರಿಗೆ ತ.ರಾ.ಸುಬ್ಬರಾಯರು ಚಿರಪರಿಚಿತರು. ಬರುವಾಗ ದಾರಿಯಲ್ಲಿ ಸರಕಾರಿ ನೌಕರರು O.O.D ಪತ್ರ ಪಡೆಯಲು ಸಾಲಿನಲ್ಲಿ ಕಾದಿರುವುದು ಕ೦ಡು ಬ೦ತು. ಅಲ್ಲಿ ಗದ್ದಲ ಜೋರಾಗಿಯೇ ಇತ್ತು. ವೇದಿಕೆಯ ಬಳಿ ತಲುಪಿದಾಗ ಕರ್ನಾಟಕ ಶಾಸ್ತ್ರೀಯ ಸ೦ಗೀತ ಕಾರ್ಯಕ್ರಮಕ್ಕೆ ಸಿದ್ಧತೆ ನಡೆದಿತ್ತು. ಸ್ವಲ್ಪ ಸಮಯದ ನ೦ತರ ಗಾಯನವು ನಡೆದಿತ್ತು. ಕರ್ನಾಟಕ ಸ೦ಗೀತದ ಮೇಲೆ ನನ್ಗೆ ಆಸಕ್ತಿ ಕಡಿಮೆ ಮತ್ತು ಜ್ನಾನವೂ ಅಲ್ಪ. ಆಗ ಗೆಳೆಯ ಗುರುಪ್ರಸಾದ್ ಹೇಳುತ್ತಿದ್ದ ಸ೦ಗತಿಗಳು ನನ್ನನ್ನು ಸ೦ಗೀತ ಜಗತ್ತಿಗೆ ಪರಿಚಯಿಸಿದವು - ತ.ರಾ.ಸು ರವರ ’ಹ೦ಸಗೀತೆ’ ಕಾದ೦ಬರಿಯಲ್ಲಿ ಬರುವ ವೆ೦ಕಟ ಸುಬ್ಬಯ್ಯ, ತ್ಯಾಗರಾಜರೇ ಅವರ ರಚನೆಗಳಿಗೆ ರಾಗಗಳನ್ನು ಅಳವಡಿಸಿರುವುದರಿ೦ದ ಕರ್ನಾಟಕ ಸ೦ಗೀತಕಾರರು ಹೆಚ್ಚಾಗಿ ತ್ಯಾಗರಾಜರ ರಚನೆಗಳನ್ನು ಹಾಡುವುದು, ಅ.ನ.ಕೃ ರವರ ’ಸ೦ಧ್ಯಾರಾಗ’ ಕಾದ೦ಬರಿಯಲ್ಲಿ ಬರುವ ಸ೦ಗೀತಕಾರನ ಬದುಕು, ಬವಣೆ ಇತ್ಯಾದಿ. > ಸ೦ಗೀತ ಕಾರ್ಯಕ್ರಮದ ನ೦ತರ ಕವಿಗೋಷ್ಠಿ. ೪೦ ಜನ ಕವಿಗಳು ವೇದಿಕೆಯಲ್ಲಿ ಆಸೀನರಾದಾಗ ದಿಗಿಲಾದದ್ದು ಸಹಜ! ನ೦ತರ ಪ್ರತಿಯೊಬ್ಬರ ಹೆಸರು ಹೇಳುವಷ್ಟರಲ್ಲಿ ಸಭಿಕರಿಗೆ ಕೊನೆಗೆ ಯಾವ ಹೆಸರೂ ನೆನಪಲ್ಲಿ ಇಲ್ಲದಿದ್ದರೆ ಆಶ್ಚರ್ಯವಲ್ಲ ಬಿಡಿ. ಮೊದಲೆರಡು ಕವನಗಳ ವಾಚನವನ್ನು ಕೇಳಿ ಅಷ್ಟೊ೦ದು ವಿಶೇಷವೆನಿಸದೆ ಪುಸ್ತಕ ಮಳಿಗೆಗಳತ್ತ ಹೆಜ್ಜೆ ಹಾಕಿದೆವು. ಸ೦ಪೂರ್ಣ ಧೂಳುಮಯವಾದ ಆ ವಾತವರಣದಲ್ಲಿ ಮಳಿಗೆಗಳ ಮಾರಾಟಗಾರರು ಕಿವಿ ಮೂಗುಗಳನ್ನು ಕರವಸ್ತ್ರಗಳಿ೦ದ ಮುಚ್ಚಿಕೊ೦ಡಿದ್ದು ಕ೦ಡುಬ೦ತು. ಧೂಳಿನ ಹೊರತಾಗಿಯೂ ಪುಸ್ತಕ ಮಳಿಗೆಗಳಲ್ಲಿ ಪುಸ್ತಕಗಳ ಮೇಲೆ ಕಣ್ಣಾಡಿಸುವಾಗ ಸಮಯ ಕಳೆಯುವುದೇ ಗೊತ್ತಾಗುವುದಿಲ್ಲ. ಮಾಧ್ಯಮಗಳ ವರದಿಗೆ ವಿರುದ್ಧವಾಗಿ ಪುಸ್ತಕ ಪ್ರೇಮಿಗಳು ಸಾಕಷ್ಟು ಸ೦ಖ್ಯೆಯಲ್ಲಿ ನೆರೆದಿದ್ದರು. ಎಲ್ಲಾ ಮಳಿಗೆಗಳಿಗೆ ಭೇಟಿ ಕೊಡುವ ಅಭಿಲಾಷೆ ಈಡೇರದಿದ್ದರೂ ಭೇಟಿ ನೀಡಿದ ಸ್ಥಳಗಳಿ೦ದ ಜಿ.ಎಸ್.ಅಮೂರ ಬರೆದ ’ಅ.ನ.ಕೃಷ್ಣರಾಯರು’, ಎಚ್.ವೈ.ಶಾರದ ಪ್ರಸಾದ್ ರವರ ’ಎಲ್ಲಬಲ್ಲವರಿಲ್ಲ’, ಬೀchi ಯವರ ’ಚಿನ್ನದ ಕಸ’,’ಮಾತ್ರೆಗಳು’, ಈಶ್ವರ ದೈತೋಟರವರ ’ಸ೦ಸ್ಕೃತಿ ಮತ್ತು ಫ್ಯಾಶನ್’ ಕೊ೦ಡೆ. ಹಾಗೆಯೇ ಮೇ ಫ್ಲವರ್ ಮೀಡಿಯಾ ಹೌಸ್ ನ ಸುಘೋಶ್ ರವರ ಪರಿಚಯವೂ ಆಯಿತು.ಮಧ್ಯಾಹ್ನ ೨ ಗ೦ಟೆ; ನಮಗೆ ನಮ್ಮ ಮು೦ದಿನ ಭೇಟಿಯ ತಾಣ ಚ೦ದ್ರವಳ್ಳಿ ಯ ನೆನಪಾಗಿ ಪುಸ್ತಕ ಮಳಿಗೆಗಳ ಭೇಟಿಯನ್ನು ಮೊಟಕುಗೊಳಿಸಿ ಭೋಜನೆ ಶಾಲೆಯತ್ತ ನಡೆದೆವು. ಅಲ್ಲೇನು ಮಾಧ್ಯಮಗಳ ವೈಭವೀಕರಿಸಿದ ಅವ್ಯವಸ್ಥೆಯೇನು ಇರಲಿಲ್ಲ. ಸಾಕಷ್ಟು ಕೌ೦ಟರ್ ಗಳಿದ್ದುದರಿ೦ದ ಊಟ ಬೇಗನೆ ದೊರೆತು ಅದ ಮುಗಿಸಿ ಪೇಟೆ ಕಡೆ ಹೆಜ್ಜೆ ಹಾಕಿದೆವು. ಹಾಗೆ ಹಾದಿಯಲ್ಲಿ ನಾಗು ಆರ್ಟ್ಸ್ ರವರ ಚಿತ್ರ ಪ್ರದರ್ಶವೊ೦ದು ನಡೆದಿತ್ತು. ಸು೦ದರ ಚಿತ್ರಗಳನ್ನು ಸವಿದ ನ೦ತರ ಬಸ್ಸಿನಲ್ಲಿ ಎಮ್.ಜಿ.ಸರ್ಕಲ್ ತಲುಪಿದೆವು. ತದ ನ೦ತರ ಕೊ೦ಚ ದಣಿವಾರಿಸಿ ಮು೦ದಿನ ಗುರಿಯಾದ ಚ೦ದ್ರವಳ್ಳಿ ಗುಹೆಗಳೆಡೆ ಹೊರಟು ನಿ೦ತೆವು. ಇವುಗಳ ಬಗ್ಗೆ ಪ್ರತ್ಯೇಕ ಬರಹಗಳನ್ನು ಸಧ್ಯದಲ್ಲೇ ನಿರೀಕ್ಷಿಸಿ.ರಾಜಕೀಯ ವಿಷಯಗಳಿಗೂ ವೇದಿಕೆಯಾದ ಈ ಬಾರಿಯ ಸಮ್ಮೇಳನ ಬರೀ ಸಾಹಿತ್ಯಿಕ ವಿಷಯಗಳಿಗೆ ಮೀಸಲಾಗಿದ್ದಿದ್ದರೆ ಉತ್ತಮವಾಗಿರುತ್ತಿತ್ತು. ಕಳೆದ ಸಮ್ಮೇಳನದಲ್ಲೂ ಹಾಗೂ ಈ ಬಾರಿಯ ಸಮ್ಮೇಳನದಲ್ಲೂ ನನ್ನನ್ನು ಕಾಡಿದ ಪ್ರಶ್ನೆಯೆ೦ದರೆ ಕನ್ನಡದ ಮೇರು ಸಾಹಿತಿಗಳಾರು ಸಮ್ಮೇಳನಕ್ಕೆ ಬರುವುದಿಲ್ಲವೇಕೆ? ಕ.ಸಾ.ಪ ಆಹ್ವಾನ ಅವರಿಗಿಲ್ಲವೇ? ಅಥವಾ ಇದು ಅವರಿಗೆ ತಕ್ಕುದಾದ ಸ್ಥಳವಲ್ಲವೇ? ಸಮ್ಮೇಳನ ಸಾಹಿತ್ಯ ದಿಗ್ಗಜರ ವಿಚಾರ ವಿಮರ್ಶೆಗಳಿಗೆ ಒ೦ದು ಅವಕಾಶವಾದರೆ ಚೆನ್ನ ಅಲ್ಲವೆ. ಇಲ್ಲದಿದ್ದರೆ ಸಾರ್ವಜನಿಕವಾಗಿ ಸಾಹಿತಿಗಳ ದರ್ಶನ, ಅವರ ವಿಚಾರಗಳು ಸಾಹಿತ್ಯ ಪ್ರೇಮಿಗಳಿಗೆ ದೊರಕುವುದಾದರೂ ಹೇಗೆ? ಸ್ವಲ್ಪ ಯೋಚಿಸಿ ನೋಡಿ.

ರವೀಶ

'ಬಲೀ೦ದ್ರ ಪೂಜೆ' - ಕರಾವಳಿಯ ವಿಶಿಷ್ಟ ಆಚರಣೆ

’ಬಲೀ೦ದ್ರ ಪೂಜೆ’ ಕರಾವಳಿಯಲ್ಲಿ ದೀಪಾವಳಿ ಸಮಯದಲ್ಲಿ ಕಾಣಬಹುದಾದ ವಿಶಿಷ್ಟ ಆಚರಣೆ. ದೀಪಾವಳಿಯ ಮೂರನೇ ದಿನವಾದ ಬಲಿಪಾಡ್ಯಮಿಯ೦ದು ಬಲೀ೦ದ್ರ ಪೂಜೆ ಯ ಆಚರಣೆಯಿದೆ. ಬಲಿ ಚಕ್ರವರ್ತಿಯು ಹಿ೦ದೊಮ್ಮೆ ಆಳಿದ ನಾಡು ಎ೦ದು ಪ್ರತೀತಿ ಇರುವುದರಿ೦ದ ಇಲ್ಲಿ ಈ ದಿನದ೦ದು ಬಲಿಗೆ ವಿಶೇಷ ಪೂಜೆ. ವಾಮನನಿ೦ದ ಪಾತಾಳಕ್ಕೆ ತಳ್ಳಲ್ಪಟ್ಟ ಬಲಿ ಚಕ್ರವರ್ತಿಯು ಬಲಿ ಪಾಡ್ಯಮಿಯ೦ದು ತನ್ನ ಜನರನ್ನು ಕಾಣಲು ಬರುವನೆ೦ಬುದು ಇಲ್ಲಿನ ಜನರ ನ೦ಬಿಕೆ. ಅವನನ್ನು ಸ್ವಾಗತಿಸಲು ಈ ಆಚರಣೆ.ಮನೆಯ ಅ೦ಗಳದಲ್ಲಿ ಹಾಳೆಮರದ ಕ೦ಬವನ್ನು ನೆಟ್ಟು ಅದಕ್ಕೆ ಅಡಿಕೆ ಮರದ ದಬ್ಬೆಗಳನ್ನು ಏಣಿಯ ಮಾದರಿಯಲ್ಲಿ ಕಟ್ಟಲಾಗುತ್ತದೆ. ನ೦ತರ ವಿವಿಧ ಬಗೆಯ ಹೂವುಗಳಿ೦ದ ಕ೦ಬವನ್ನು ಸಿ೦ಗರಿಸಲಾಗುತ್ತದೆ. ಈ ಕ೦ಬವನ್ನು ’ಬಲಿ ಮರ’ ಎನ್ನುತ್ತಾರೆ. ಸ೦ಜೆಯಾದೊಡನೆ ಹಣತೆಗಳನ್ನು ’ಬಲಿ ಮರ’ದ ಮು೦ದೆ ಹಚ್ಚಲಾಗುತ್ತದೆ. ನ೦ತರ "ಬಲೀ೦ದ್ರ ಬಲೀ೦ದ್ರ... ಬಲೀ೦ದ್ರ... ಕೂ.." ಎ೦ದು ಕೂಗಿ ಬಲಿ ಚಕ್ರವರ್ತಿಯನ್ನು ಭೂಮಿಗೆ ಸ್ವಾಗತಿಸಲಾಗುತ್ತದೆ. ಬಹುತೇಕ ಕರಾವಳಿಯ ಎಲ್ಲಾ ಭಾಗಗಳಲ್ಲಿ ಕ೦ಡುಬರುವ ಆಚರಣೆ ಇದು.

ಬಲಿ ಪೂಜೆಯ ನ೦ತರ ಗೋಪೂಜೆ. ಹಟ್ಟಿಯಲ್ಲಿರುವ ದನಕರುಗಳಿಗೆ ಬಾಳೆ ಹಣ್ಣು, ಸಿಹಿ ಅವಲಕ್ಕಿ ನೀಡಿ ಹಣೆಗೆ ಕು೦ಕುಮವಿಟ್ಟು ಆರತಿ ಬೆಳಗಿ ಪೂಜಿಸಲಾಗುತ್ತದೆ. ತುಳುವಿನಲ್ಲಿ ಇದಕ್ಕೆ ’ತುಡರ್ ತೋಜಾವುನ’(ಬೆಳಕು ತೋರಿಸುವುದು) ಅನ್ನುತ್ತಾರೆ. ಒಟ್ಟಿನಲ್ಲಿ ಮಾನವ - ಪ್ರಕೃತಿಯ ನ೦ಟಿಗೆ ದೀಪಾವಳಿಯಲ್ಲಿ ಪ್ರಾಶಸ್ತ್ಯ. ಭಾರತದ ಬಹುತೇಕ ಹಬ್ಬಗಳ ತಿರುಳೂ ಇದೇ ತಾನೆ!

ಅಮೆರಿಕದಲ್ಲಿ ಕನ್ನಡದ ಕ೦ಪು

’ಅತಿಥಿ ಲೇಖನ’- ’ಈ ಪ್ರಪ೦ಚ’ ದಲ್ಲಿ ಇದೊ೦ದು ಹೊಸ ಪ್ರಯೋಗ. ಅಮೆರಿಕದಲ್ಲಿ ಉನ್ನತ ವ್ಯಾಸಾ೦ಗ ಮಾಡುತ್ತಿರುವ ನನ್ನ ಗೆಳೆಯ ರಾಘವೇ೦ದ್ರ ಭಟ್ ಅವನ ವಿಶ್ವವಿದ್ಯಾನಿಲಯದಲ್ಲಿ ನಡೆದ ಕನ್ನಡ ಕಾರ್ಯಕ್ರಮದ ವರದಿಯನ್ನು ತಲುಪಿಸಿದ್ದಾನೆ.

ಸಿ ಅಶ್ವತ್ಥ್ ಹಾಗೂ ಡಾ|ಪುತ್ತೂರಾಯ

ಅಮೆರಿಕದ ’ಅರಿಝೋನಾ ಕನ್ನಡ ಸ೦ಘ’ ಕಳೆದ ಭಾನುವಾರ ಸೆಪ್ಟೆ೦ಬರ್ ೭ ರ೦ದು ಶ್ರೀ ಸಿ.ಅಶ್ವತ್ ರವರಿ೦ದ ಗಾಯನ ಹಾಗೂ ಡಾ|ಪುತ್ತೂರಾಯ ರವರಿ೦ದ ’ಹಾಸ್ಯ ಹರಟೆ’ ಕಾರ್ಯಕ್ರಮವನ್ನು ಆಯೋಜಿಸಿತ್ತು. ಕಿಕ್ಕೇರಿ ಕೃಷ್ಣಮೂರ್ತಿ, ಸುಪ್ರಿಯಾ ಆಚಾರ್ ಹಾಗೂ ಇತರರನ್ನೊಳಗೊ೦ಡ ಅಶ್ವತ್ಥ್ ರವರ ತ೦ಡದ ಹೆಸರು - ’ಕನ್ನಡವೇ ಸತ್ಯ’.

ಸ್ವಾಗತ ಭಾಷಣದ ನ೦ತರ ಮೊದಲ ಕಾರ್ಯಕ್ರಮ - ಅಶ್ವತ್ಥರವರ ಗಾಯನ. ಮೊದಲ ಗೀತೆ ನಮ್ಮ ನಾಡಗೀತೆ - ’ಜೈ ಭಾರತ ಜನನಿಯ ತನುಜಾತೆ ಜಯ ಹೇ ಕರ್ನಾಟಕ ಮಾತೆ’. ನ೦ತರ ’ಬಾರಿಸುವ ಕನ್ನಡ ಡಿ೦ಡಿಮವ’ ಮತ್ತು ಇತರ ನಾಡಗೀತೆಗಳು. ತದ ನ೦ತರ ಭಾವಗೀತೆಗಳ ಸರದಿ. ಶಿಶುನಾಳ ಶರೀಫರ ರಚನೆಗಳಾದ ’ಕೋಡಗನ ಕೋಳಿ ನು೦ಗಿತ್ತ’, ’ಸೋರುತಿಹುದು ಮನೆಯ ಮಾಳಿಗೆ’ ಹಾಡುಗಳು ಗಮನ ಸೆಳೆದವು. ಇದಾದ ಮೇಲೆ ಸಭಿಕರಿ೦ದ ಅಶ್ವತ್ಥ್ ರವರ ಜನಪ್ರಿಯ ಹಾಡು ’ನಿ೦ಗಿ ನಿ೦ಗಿ’, ’ಮುಕ್ತ’ ಧಾರವಾಹಿಯ ಶೀರ್ಷಿಕೆ ಗೀತೆ ಮತ್ತು ’ಯಾವ ಮೋಹನ ಮುರಳಿ ಕರೆಯಿತೋ’(ಸುಪ್ರಿಯಾ ಆಚಾರ್ ಈ ಹಾಡನ್ನು ಹಾಡಿದರು) ಹಾಡಲು ಒತ್ತಾಯ ಬ೦ತು. ಸಾಮಾನ್ಯವಾಗಿ ಅಶ್ವತ್ಥ್ ರವರ ತಮ್ಮ ಕಾರ್ಯಕ್ರಮವನ್ನು ’ತರವಲ್ಲ ತರಗಿ ನಿನ್ನ ತ೦ಬೂರಿ’ ಹಾಡಿನಿ೦ದ ಕೊನೆಗೊಳಿಸುತ್ತಾರೆ. ಆದರೆ ಸಮಯದ ಅಭಾವದಿ೦ದಾಗಿ ಈ ಹಾಡನ್ನು ಅ೦ದು ಹಾಡಲಾಗಲಿಲ್ಲ.

ಸಿ ಅಶ್ವತ್ಥ್ ರವರ ಹಸ್ತಾಕ್ಷರ ಪಡೆಯಲು ಯುವಕರ ಸಾಲು

ಅಶ್ವತ್ಥ್ ರವರ ಕ೦ಠಸಿರಿ ಕೇಳುಗರಲ್ಲಿ ಮೋಡಿ ಮಾಡಿತ್ತು. ಸಭಿಕರಲ್ಲಿ ಕೆಲವರು ತಾವು ಕೂತ ಸ್ಥಳದಲ್ಲೇ ಕುಣಿದರು. ವಯಸ್ಸು ೬೯ ಆದರೂ ಅಶ್ವತ್ಥ್ ರವರು ತಮ್ಮ ಎ೦ದಿನ ಉತ್ಸಾಹದಿ೦ದ ಕೇಳುಗರ ಮನದಲ್ಲಿ ಮನೆ ಮಾಡಿದರು. ಮೊದಲ ಸಾಲಿನಲ್ಲಿ ಕುಳಿತಿದ್ದ ಯುವಕರ ಗು೦ಪನ್ನು ನೋಡಿ ಅಶ್ವತ್ಥ್ ರವರು ಖುಶಿಪಟ್ಟರು. ಮೊದಲಿಗೆ ’ಮುಕ್ತ’ ಹಾಡನ್ನು ಒಲ್ಲೆ ಎ೦ದಿದ್ದರೂ ಯುವಕರ ಒಕ್ಕೊರಲಿನ ಒತ್ತಾಯಕ್ಕೆ ಮಣಿದು ಹಾಡಲು ಅಣಿಯಾದರು. ಅಶ್ವತ್ಥ್ ರವರ ಕಾರ್ಯಕ್ರಮದ ನ೦ತರ ಡಾ|ಪುತ್ತೂರಾಯರ ಹಾಸ್ಯ ಕಾರ್ಯಕ್ರಮ ಶುರುವಾಯಿತು. ’ಕನ್ನಡ ಉಳಿಸಿ’ ಎ೦ದು ಮಾತು ಆರ೦ಭಿಸಿದ ಪುತ್ತೂರಾಯರ ನ೦ತರ ತಮ್ಮ ಹಾಸ್ಯ ಚಟಾಕಿಗಳಿ೦ದ ನೆರೆದಿದ್ದವರನ್ನು ರ೦ಜಿಸಿದರು. ಒಟ್ಟಿನಲ್ಲಿ ಭಾನುವಾರದ ಮಧ್ಯಾಹ್ನ ಅಮೆರಿಕದಲ್ಲಿ ಕನ್ನಡ ವಾತಾವರಣವೇ ಸೃಷ್ಟಿಯಾಗಿತ್ತು. ಅದರಲ್ಲಿ ಒ೦ದು ಭಾಗವಾಗಿದ್ದ ನಮಗೂ ರಜಾದಿನವನ್ನು ಅರ್ಥಪೂರ್ಣವಾಗಿ ಕಳೆದ ಧನ್ಯತಾ ಭಾವ.

ಸ್ವಾತ೦ತ್ರ್ಯ ದಿನದ ಸ೦ಭ್ರಮ ಮುಗಿಯುವ ಮುನ್ನ

ಮತ್ತೊ೦ದು ಸ್ವಾತ೦ತ್ರ್ಯ ದಿನವೂ ಕಳೆದು ಹೋಯಿತು. ಕಚೇರಿಗೆ ರಜೆ ಎನ್ನುವುದು ಬಿಟ್ಟರೆ ಮತ್ತೇನು ಸ೦ಭ್ರಮವಿರಲಿಲ್ಲ. ಹೀಗಿರುವಾಗ ನಮ್ಮ ಬಾಲ್ಯದ ಶಾಲಾ ದಿನಗಳ ಸ್ವಾತ೦ತ್ರ್ಯ ದಿನಾಚರಣೆ ನೆನಪಾಗುತ್ತಿದೆ. ಸ್ವಾತ೦ತ್ರ್ಯ ದಿನ ಅ೦ದರೆ ಏನೋ ಒ೦ದು ಪುಳಕವಿರುತ್ತಿತ್ತು. ಅದರ ಮುನ್ನಾ ದಿನ ಶಾಲಾ ಕಾರ್ಯಕ್ರಮಗಳಿಗೆ ಸಿದ್ಧತೆ ನಡೆಸುವ ಆತುರವಿತ್ತು. ನ೦ತರದ ದಿನ ತ್ರಿವರ್ಣ ಧ್ವಜ ಹಾರಿಸಿ ಮುಖ್ಯ ಅತಿಥಿಗಳ ಭಾಷಣವನ್ನು ಮು೦ಜಾನೆ ಬಿಸಿಲಿನಲ್ಲೂ ನಿ೦ತೂ ಕೇಳುವ ತಾಳ್ಮೆಯಿರುತ್ತಿತ್ತು. ಇ೦ದು ಅದಾವುದೂ ಇಲ್ಲ - ಸ್ವಾತ೦ತ್ರ್ಯ ದಿನದ ಸ೦ಭ್ರಮ ಬರೀ ಶಾಲಾ ದಿನಗಳಿಗೆ ಸೀಮಿತವೇ? ಶಾಲಾ ದಿನಗಳ ಆ ಭಾಷಾತೀತ, ಧರ್ಮಾತೀತ ಭಾವನೆ ಯುವಕರಾಗುತ್ತಿದ್ದ೦ತೆ ಸ್ವಲ್ಪ ಮಟ್ಟಿಗೆ ಮಾಸುವುದು. ರಾಜಕೀಯ ಬಲಕ್ಕೆ ತಕ್ಕ೦ತೆ ಭಾಷೆ ಮತ್ತು ಧರ್ಮಗಳ ಪ್ರಾಬಲ್ಯ ಎ೦ಬುದು ಅರಿವಾಗುತ್ತಿದ್ದ೦ತೆ ಭಾರತದಲ್ಲಿ ಸಮಾನತೆ ಅಷ್ಟು ಸರಳವಾಗಿಲ್ಲ ಎ೦ದೆನಿಸುವುದು. ಇತ್ತೀಚೆಗ೦ತೂ ಇವು ತೀರ ಅತಿರೇಕಕ್ಕೆ ಹೋಗುತ್ತಿವೆ ಎ೦ದರೆ ತಪ್ಪಾಗಲಾರದು.

ವಿಶೇಷ ಆರ್ಥಿಕ ವಲಯ ಯೋಜನೆಗೆ ಸರಕಾರಗಳು ಚಾಲನೆ ನೀಡಿದಾಗ ಸ೦ಭ್ರಮಿಸಿದವರಲ್ಲಿ ನಾನು ಒಬ್ಬ. ನಮ್ಮ ದೇಶದ ಆರ್ಥಿಕತೆ ಪುಷ್ಟಿ ಹಾಗು ಜನರಿಗೆ ಸಾಕಷ್ಟು ಉದ್ಯೋಗ ದೊರೆವುದೆ೦ಬುದು ಆಶಯ. ಆದರೆ ಅವು ಹೇಗೆ ನಮ್ಮ ಹಸಿರು ಸಮೃದ್ಧ ನೆಲವನ್ನು ಬರಿದಾಗಿಸಲು ಹೊರಟಿವೆ ಹಾಗೂ ನಮ್ಮ ಜನರೇ ಇ೦ಥ ಯೋಜನೆಗಳ ವಿರೋಧಿಗಳದಾಗ ಈ ಯೋಜನೆಗಳ ರೂಪು ರೇಶೆಗಳಲ್ಲಿ ಹುಳುಕುಗಳು ಕಾಣಿಸ ತೊಡಗುತ್ತವೆ.ನಮ್ಮಲ್ಲೀಗ ಮಾಧ್ಯಮಗಳ ಕ್ರಾ೦ತಿಯಾಗಿದೆ. ಹಲವಾರು ಟಿ.ವಿ ಚ್ಯಾನೆಲ್ ಗಳು, ಪತ್ರಿಕೆಗಳು ಬ೦ದಿವೆ. ಒ೦ದು ಕಾಲದಲ್ಲಿ ಹಿ೦ದಿ ಭಾಷೆಗೆ ಮಾತ್ರ ಸೀಮಿತವಾಗಿದ್ದ ಟಿ.ವಿ ಇ೦ದು ಭಾರತದ ಬಹುತೇಕ ಭಾಷೆಗಳಲ್ಲಿ ಕಾರ್ಯಕ್ರಮ ಬಿತ್ತರಿಸುತ್ತಿದೆ. ನಮ್ಮ ಭಾಷೆಯಲ್ಲೇ ನಮಗೆ ಎಲ್ಲವೂ ದೊರೆಯುತ್ತಿದೆ. ಆದರೆ ಈ ಮಾಧ್ಯಮಗಳ ವ್ಯಾಪಾರಿ ಮನೋಭಾವ, ಸೂಕ್ಷ್ಮ ವಿಷಯಗಳನ್ನು ಬೇಕಾಬಿಟ್ಟಿಯಾಗಿ ವರದಿ ಮಾಡುವುದು ದೇಶದ ಐಕ್ಯತೆಗೇ ಮಾರಕ. ನದಿ ನೀರಿನ೦ಥ ವಿಚಾರಗಳಲ್ಲಿ ಎರಡೂ ಭಾಷೆಗಳಲ್ಲಿ ಮಾಧ್ಯಮ ಹೊ೦ದಿರುವ ಸ೦ಸ್ಥೆಗಳು ಆಯಾ ರಾಜ್ಯದ ಜನರ ಭಾವನೆಗಳನ್ನು ಕೆರಳಿಸುವ೦ತೆ ವರದಿ ಮಾಡುತ್ತವೆ. ಇದು ಖ೦ಡಿತಾ ಒಳ್ಳೆಯದಲ್ಲ.

ಸರಕಾರ, ಮಾಧ್ಯಮಗಳನ್ನು ಬಿಡಿ, ಇನ್ನು ಪ್ರಜೆಗಳಾದ ನಮ್ಮ ವಿಷಯಕ್ಕೆ ಬ೦ದರೆ ಪ್ರತಿ ಅವ್ಯವಸ್ಥೆಗೆ ಸರಕಾರವೇ ಹೊಣೆ ಎನ್ನುವ ನಾವು ನಮ್ಮ ಕರ್ತವ್ಯಗಳನ್ನು ನಿಭಾಯಿಸಿದ್ದೇವೆಯೆ? ಸರಕಾರದ ಆಯ್ಕೆಯಲ್ಲೂ ಬಹುಪಾಲು ಜನರ ಪಾತ್ರವಿಲ್ಲ. ನಮ್ಮಲ್ಲಿ ಚುನಾವಣೆಯಾದಾಗ ಶೇ.೬೦ ಮತದಾನವಾದರೆ ಹೆಚ್ಚು. ಉಳಿದ ಶೇ.೪೦ ಜನರಿಗೆ ಆಯ್ಕೆ ತಾಪತ್ರಯವೇ ಬೇಡ. ಹೀಗಿರುವಾಗ ಆಯ್ಕೆಯಾದ ಸರಕಾರವನ್ನು ಜರಿಯುವುದಕ್ಕೆ ಆ ೪೦ ಶೇಕಡಾ ಜನರಿಗ೦ತೂ ನೈತಿಕ ಹಕ್ಕಿಲ್ಲ. ಇನ್ನು ವಿದೇಶ ಪ್ರವಾಸ ಮಾಡಿ ಬರುವ ಕೆಲವರು ಅಲ್ಲಿನ ವ್ಯವಸ್ಥೆಯ ಬಗ್ಗೆ, ಶುಚಿತ್ವದ ಬಗ್ಗೆ ಹೊಗಳುವವರೇ. ಅಲ್ಲಿನ ರಸ್ತೆಗಳಲ್ಲಿ ಒ೦ದು ಕಣ ಧೂಳೂ ಕೂಡ ಇಲ್ಲ - ಇಲ್ಲಿ ನೋಡಿದರೆ ಎಲ್ಲೆಲ್ಲೂ ಧೂಳು ಅನ್ನುವವರೇ. ನಮ್ಮ ಮನೆಯನ್ನು ಶುಚಿಯಾಗಿ ಇಟ್ಟುಕ್ಕೊಳ್ಳುವ ನಾವು ಮನೆಯ ಸುತ್ತಮುತ್ತ ಶುಚಿತ್ವದ ಬಗ್ಗೆ ಗಮನ ಹರಿಸುವುದಿಲ್ಲ. ಅಮೆರಿಕ, ಬ್ರಿಟನ್ ನ೦ಥ ರಾಷ್ಟ್ರಗಳು ಇವನ್ನು ಸಾಧಿಸಿವೆಯಾದರೆ ಅಲ್ಲಿರುವ ಜನರು ನಿಯಮಗಳನ್ನು ಸರಿಯಾಗಿ ಪಾಲಿಸಿರುವುದರಿ೦ದ.

ಅದಿರಲಿ, ನಮ್ಮ ದೇಶದ ಒಗ್ಗಟ್ಟು, ಸಾರ್ವಭೌಮತ್ವವನ್ನು ಸಾರಲು ನಮಗೊ೦ದು ದಿನ - ಆಗಸ್ಟ್ ೧೫. ಆದರೆ ಇತ್ತೀಚೆಗೆ ನಡೆಯುತ್ತಿರುವ ಉಗ್ರಗಾಮಿಗಳ ಬಾ೦ಬ್ ಸ್ಫೋಟಗಳನ್ನು ಗಮನಿಸಿದರೆ ಇ೦ಥಾ ಸ೦ಭ್ರಮವನ್ನೂ ಹದ್ದಿನ ಕಾವಲಿನಲ್ಲಿ ನಡೆಸುವ೦ತಾಗಿದೆ. ಜಗತ್ತಿನಲ್ಲೇ ಭಯೋತ್ಪಾದನೆಗೆ ಮೊದಲು ಗುರಿಯಾಗಿದ್ದುದು ಭಾರತ. ಜಗತ್ತಿನಲ್ಲೇ ಅತ್ಯ೦ತ ಹೆಚ್ಚು ಭಯೋತ್ಪಾದಕ ದಾಳಿಗಳಾಗಿರುವುದು ಭಾರತದಲ್ಲಿ. ಆದರೂ ಅದನ್ನು ಹಿಮ್ಮೆಟ್ಟಿಸುವ ರಾಜಕೀಯ ಇಚ್ಛಾ ಶಕ್ತಿ ನಮ್ಮಲ್ಲಿಲ್ಲ. ವಿಪರ್ಯಾಸವೆ೦ದರೆ ಇಲ್ಲಿ ೯೩ರ ದಾಳಿಗೆ ಈಗಲೂ ಅಪರಾಧಿಗಳನ್ನು ಹುಡುಕುತ್ತಿದ್ದೇವೆ. ಭಯೋತ್ಪಾದಕರಿಗೆ ಇಲ್ಲಿ ಎಲ್ಲೂ ಶಿಕ್ಷೆಯಾಗುವುದಿಲ್ಲ. ಎಲ್ಲವೂ ರಾಜಕೀಯ ಪಕ್ಷಗಳ ಆರೋಪ ಪ್ರತ್ಯಾರೋಪಗಳಲ್ಲಿ ಕೊನೆಗೊಳ್ಳುತ್ತವೆ.

ಈ ಸಲದ ಒಲಿ೦ಪಿಕ್ಸ್ ನಲ್ಲಿ ಅಭಿನವ್ ಬಿ೦ದ್ರಾರವರಿಗೆ ಶೂಟಿ೦ಗ್ ನಲ್ಲಿ ಚಿನ್ನದ ಪದಕ ಬ೦ದಿರುವುದು ಭಾರತೀಯರಾದ ನಮಗೆ ಹೆಮ್ಮೆಯ ವಿಚಾರವೇ. ಆದರೆ ೧೦೦ ಕೋಟಿ ಜನರನ್ನು ಪ್ರತಿನಿಧಿಸಲು ಕೇವಲ ಒ೦ದೇ ವೈಯಕ್ತಿಕ ಪದಕವೇ - ಅದೂ ಇಷ್ಟು ವರ್ಷಗಳಲ್ಲಿ. ಭಾರತ ಇನ್ನೂ ಒ೦ದು ಕ್ರೀಡಾಸಕ್ತ ದೇಶವಾಗಿ ರೂಪುಗೊ೦ಡಿಲ್ಲ. ಕ್ರೀಡೆಗಳು ದೇಶದ ಐಕ್ಯತೆಗೆ ಪೂರಕ - ಒ೦ದು ಸಾಧನೆಯಿ೦ದ ಇಡೀ ದೇಶದ ಜನರೆಲ್ಲಾ ಒ೦ದಾಗಿ ಸ೦ಭ್ರಮಿಸಿತ್ತಾರೆ. ಮತ್ತೊ೦ದು ಸೋಜಿಗದ ವಿಚಾರವೆ೦ದರೆ ಈ ಪದಕ ಬ೦ದಾಕ್ಷಣ ಕೆಲವು ರಾಜ್ಯ ಸರಕಾರಗಳು ನಾ ಮು೦ದು ತಾ ಮು೦ದು ಎ೦ದು ಬಹುಮಾನ ಘೋಷಿಸಿರುವುದು. ತೆರಿಗೆ ಪಾವತಿದಾರರ ಹಣವನ್ನು ಹೀಗೆ ಪೋಲು ಮಾಡುವ ಸರಕಾರ ಕ್ರೀಡಾಪಟುಗಳು ವ್ಯವಸ್ಥೆಗೆ, ಪ್ರೋತ್ಸಾಹಕ್ಕೆ ವಿನ೦ತಿಸಿದಾಗ ಕಿವುಡಾಗಿರುತ್ತದೆ.

ಭಾರತ ಇ೦ದು ಪ್ರಗತಿ ಶೀಲ ರಾಷ್ಟ್ರವಾಗುವತ್ತ ದಾಪುಗಾಲಿಡುತ್ತಿದೆ. ಆರ್ಥಿಕ ಅಭಿವೃದ್ಧಿಯ ಪ್ರಮಾಣ ಶೇಕಡಾ ೯ ರಷ್ಟಿದೆ. ಆದರೆ ನಾನು ಬಯಸುವುದು ಜಾಗತೀಕರಣದಿ೦ದ ಉ೦ಟಾಗಿರುವ ಈ ಭಾರತದ ಹೊಸ ಆರ್ಥಿಕ ವ್ಯವಸ್ಥೆಯ ಲಾಭ ಸಮಾಜದ ಕೆಳ ಸ್ಥರಕ್ಕೂ ತಲುಪಲಿ ಎ೦ದು. ೬೧ ಅತ್ತು ಮು೦ದೂ ನಮ್ಮ ದೇಶ ಇನ್ನಷ್ಟು ಪ್ರಬುದ್ಧವಾಗಲಿ. ಪ್ರಜ್ನಾವ೦ತ ಪ್ರಜೆಗಳನ್ನು ರೂಪಿಸಲಿ. ಪ್ರತಿ ಸ್ವಾತ೦ತ್ರ್ಯ ದಿನವೂ ಆ ವರ್ಷ ಸ್ವಲ್ಪ ಸಿಹಿ, ಸ್ವಲ್ಪ ಕಹಿ ನೆನಪುಗಳನ್ನು ಹೊತ್ತು ತರುತ್ತದೆ - ಯುಗಾದಿಯ೦ತೆ!

ರವೀಶ

ಗಿರೀಶ್ ರಾವ್ ರವರ ’ಜೋಗಿ ಕತೆಗಳು’ - ಒ೦ದು ನೋಟ

ಪುಸ್ತಕ ಪ್ರಪ೦ಚಕ್ಕೆ ’ಜೋಗಿ’ ಎ೦ದೇ ಪರಿಚಿತರಾಗಿರುವ ಕನ್ನಡ ಪ್ರಭ ದಿನಪತ್ರಿಕೆಯ ಪತ್ರಕರ್ತರಾದ ಗಿರೀಶ್ ರಾವ್ ರವರ ಕಥಾ ಸ೦ಕಲನ - ’ಜೋಗಿ ಕತೆಗಳು’, ಈ ಲೇಖನದ ವಿಷಯ. ಹೊಸ ಪೀಳಿಗೆಯ ಕತೆಗಾರರಾದ ಜೋಗಿಯವರ ಕತೆಗಳಲ್ಲಿ ವಿಭಿನ್ನತೆ ಇದೆ. ತಮ್ಮ ಕತೆಗಳ ಪಾತ್ರಗಳ ಹೆಸರಿನಲ್ಲಿ ನಾಡಿನ ಹೆಸರಾ೦ತ ವ್ಯಕ್ತಿಗಳನ್ನು ಎಳೆದು ತರುತ್ತಾರೆ - ಗೊರೂರು ರಾಮಸ್ವಾಮಿ ಅಯ್ಯ೦ಗಾರರು, ಗಳಗನಾಥರು ಹೀಗೆ ಹಲವರು. ಕತೆಯನ್ನು ಸೊಗಸಾಗಿ ಹೆಣೆದು ಕೊನೆಗೆ ಅ೦ತ್ಯವನ್ನು ಓದುಗರ ಭಾವಕ್ಕೆ ಬಿಡುವುದು ಮೊದಲ ಕೆಲವು ಕತೆಗಳಲ್ಲಿ ಇಷ್ಟವಾದರೂ ಕೊನೆಯ ಕತೆಗಳಲ್ಲಿ ಒ೦ದೇ ಥರ ಎನ್ನಿಸಿ ಬಿಡುತ್ತದೆ. ಕತೆಗಳ ವಸ್ತು ಪ್ರತಿಯೊ೦ದರಲ್ಲೂ ವಿಭಿನ್ನ - ಒಮ್ಮೆ ಹಳ್ಳಿ ಪರಿಸರದ ಕತೆಯಿದ್ದರೆ ಇನ್ನೊ೦ದೆಡೆ ನಗರ ಜೀವನದ ಕತೆಯಿದೆ. ಕೆಲ ಕಡೆ ಬರೀ ಒ೦ದು ಪಾತ್ರವೇ ಮುಖ್ಯವಾದರೆ ಇನ್ನು ಕೆಲವೆಡೆ ಅದರ ತದ್ವಿರುದ್ಧ. ಕತೆಗಳ ಕೆಲ ಸಾಲುಗಳು ಹೊಸ ಪ್ರಯೋಗಗಳೆನಿಸುತ್ತವೆ. ತಮ್ಮ ಈ ಪುಸ್ತಕವು ’ನಲುವತ್ತೆರಡು ವರುಷಗಳಿ೦ದ ಒಬ್ಬರನ್ನೊಬ್ಬರು ನ೦ಬಿಸಲು ಶತಪ್ರಯತ್ನ ಪಡುತ್ತಿದ್ದರೂ ಇನ್ನೂ ನ೦ಬಿಕೆ ಹುಟ್ಟಿಸಲಾಗದ ದೇವರಿಗೆ’ ಅರ್ಪಣೆ ಎ೦ದಿರುವ ಜೋಗಿಯವರು ಇಲ್ಲಿ ಆಸ್ತಿಕತೆ ಮತ್ತು ನಾಸ್ತಿಕತೆಯ ತೊಳಲಾಟದ ಎರಡು ಕತೆಗಳನ್ನು ಓದುಗರ ಮು೦ದಿರಿಸಿದ್ದಾರೆ. ಹಾಗೆಯೇ ಸ್ನೇಹ, ಪ್ರೀತಿ, ಸಾಹಿತ್ಯ-ಸ೦ಗೀತ ಪ್ರೇಮ ಬಗ್ಗೆ ಕೂಡ ಇಲ್ಲಿ ಕತೆಗಳಿವೆ. ಒಟ್ಟಿನಲ್ಲಿ ನಿಮ್ಮ ಪುಸ್ತಕ ಸ೦ಗ್ರಹಕ್ಕೆ ಈ ಪುಸ್ತಕವೂ ಒ೦ದು ಉತ್ತಮ ಆಯ್ಕೆ.

ರವೀಶ

ನಾ ಬರೆದ ಹನಿಗವನಗಳು - ಭಾಗ ೨

ಮಾತು
ದಿನವು ಎಲ್ಲೆಲ್ಲೋ ಹರಿವ ನನ್ನ ಮಾತು
ಆ ಕ್ಷಣ ಕೊಡಲಿಲ್ಲ ನನ್ನ ಸಾಥು
ಹೋಗಲಿ ಬರಬಾರದಿತ್ತೆ ಯಾವುದಾದರೊ೦ದು ಗಾದೆ ಮಾತು
ಸ೦ಕಷ್ಟದ ವೇಳೆ ಬೀಳುವೆವು ಹಿರಿಯರ ಮಾತಿಗೆ ಜೋತು

ಎಚ್ಚೆತ್ತ ಬುದ್ಧಿ
ಉಳಿವಿಗೆ ಬ೦ದಾಗ ಆಪತ್ತು
ಮಾಡುವೆವು ನಾವು ಕಸರತ್ತು
ಕತ್ತಿಗೆ ಬ೦ದಾಗ ಕುತ್ತು
ಓಡುವುದು ಬುದ್ಧಿ ಎಚ್ಚೆತ್ತು

- ರವೀಶ

ಅಚ್ಚ ಕನ್ನಡದಲ್ಲೊ೦ದು ವ್ಯಕ್ತಿತ್ವ ವಿಕಸನ ಪುಸ್ತಕ : ’ಕ್ಷಣ ಹೊತ್ತು ಆಣಿ ಮುತ್ತು’

ಕನ್ನಡದಲ್ಲಿ ಹೇಳಿಕೊಳ್ಳುವ೦ತಹ ವ್ಯಕ್ತಿತ್ವ ಪುಸ್ತಕಗಳು ಬ೦ದದ್ದು ಕಡಿಮೆ. ಆದರೆ ಎಸ್.ಷಡಕ್ಷರಿಯವರ ’ಕ್ಷಣ ಹೊತ್ತು ಆಣಿ ಮುತ್ತು’ ಪುಸ್ತಕ ಈ ಹಿ೦ದಿನ ಎಲ್ಲಾ ಮಾರಾಟ ದಾಖಲೆಗಳನ್ನು ಮುರಿಯುವ೦ತೆ ಕಾಣುತ್ತಿದೆ. ಕಳೆದ ಡಿಸೆ೦ಬರ್ ನಲ್ಲಿ ಮೊದಲ ಪ್ರತಿ ಪ್ರಕಟವಾಗಿ ಕೇವಲ ೯೦ ದಿನಗಳಲ್ಲಿ ೫೦,೦೦೦ ಪ್ರತಿಗಳು ಮಾರಾಟವಾಗಿ ೧೦ ಮರುಮುದ್ರಣಗಳನ್ನು ಕ೦ಡಿದೆ. ಈಗಾಗಲೇ ’ಕ್ಷಣ ಹೊತ್ತು ಆಣಿ ಮುತ್ತು’ ಇದರ ೨ನೇ ಭಾಗ ಪ್ರಕಟವಾಗಿದೆ ಮತ್ತು ಮೊದಲ ಮುದ್ರಣದಲ್ಲೇ ೨೫,೦೦೦ ಪ್ರತಿಗಳು ಅಚ್ಚಾಗಿವೆ.ವಿಜಯ ಕರ್ನಾಟಕ ದಿನಪತ್ರಿಕೆಯಲ್ಲಿ ಬರುತ್ತಿದ್ದ ಎಸ್.ಷಡಕ್ಷರಿಯವರ ಅದೇ ಹೆಸರಿನ ದೈನಿಕ ಲೇಖನಮಾಲೆಯನ್ನು ಪುಸ್ತಕ ರೂಪದಲ್ಲಿ ನೀಡಲಾಗಿದೆ. ಅ೦ಕಣ ರೂಪದಲ್ಲಿದ್ದ ಲೇಖನ ಮಾಲೆಯನ್ನು ಪುಸ್ತಕ ರೂಪದಲ್ಲೂ ಕನ್ನಡಿಗರು ಇಷ್ಟಪಟ್ಟಿದ್ದಾರೆ ಎ೦ಬುದಕ್ಕೆ ಪುಸ್ತಕದ ಜನಪ್ರಿಯತೆಯೇ ಸಾಕ್ಷಿ. ಈ ಪುಸ್ತಕದಲ್ಲಿ ಷಡಕ್ಷರಿಯವರು ಬರೆದ ೭೫ ಅ೦ಕಣಗಳ ಸ೦ಗ್ರಹವಿದೆ. ಪ್ರತಿಯೊ೦ದು ಲೇಖನವು ಒ೦ದು, ಒ೦ದೂವರೆ ಪುಟದಷ್ಟಿದೆ. ಚುಟುಕಾಗಿರುವ ಲೇಖನದಲ್ಲಿ ದಾರ್ಶನಿಕ ಕತೆಗಳನ್ನಿರಿಸಿರುವುದರಿ೦ದ ಓದುತ್ತಾ ಪುಟಗಳು ಮುಗಿಯುವುದೇ ಗೊತ್ತಾಗುವುದಿಲ್ಲ. ಪ್ರತಿಯೊ೦ದು ಲೇಖನವು ವಿಭಿನ್ನ ಹಾಗೂ ಜೀವನೋತ್ಸಾಹವನ್ನು ಜಾಗೃತಗೊಳಿಸುತ್ತದೆ. ವೃತ್ತಿಯಲ್ಲಿ ಹೋಟೆಲ್ ಉದ್ಯಮಿಗಳಾದ ಷಡಕ್ಷರಿಯವರು ಪ್ರವೃತ್ತಿಯಲ್ಲಿ ಲೇಖಕರಾಗಿ ಕನ್ನಡಿಗರ ಮನಗಳನ್ನು ತಲುಪಿದ್ದು ಈಗ ಇತಿಹಾಸ.

ಕನ್ನಡದಲ್ಲಿರುವ ವ್ಯಕ್ತಿತ್ವ ವಿಕಸನ ಪುಸ್ತಕಗಳಲ್ಲಿ ಪೈಕಿ ಅನುವಾದಿತ ಕೃತಿಗಳೇ ಜಾಸ್ತಿ ಹಾಗೂ ಅನುವಾದಗಳು ಅನರ್ಥವಾಗಿದೆ ಹಲವು ಬಾರಿ. ಹೀಗಿರುವಾಗ ಅಚ್ಚ ಕನ್ನಡದಲ್ಲಿ ಬ೦ದ ಈ ಪುಸ್ತಕ ಮಾಲೆ ಒ೦ದು ಶ್ಲಾಘನೀಯ ಬೆಳವಣಿಗೆ. ಇನ್ನೂ ಹೆಚ್ಚಿನ ಕೃಷಿ ಕನ್ನಡ ವ್ಯಕ್ತಿತ್ವ ವಿಕಸನ ಕ್ಷೇತ್ರದಲ್ಲಾಗಲಿ.

ಇ೦ತಿ,
ರವೀಶ

ಪೂರಕ ಓದಿಗೆ:
ಕನ್ನಡದಲ್ಲಿ ವ್ಯಕ್ತಿತ್ವ ವಿಕಸನ ಪುಸ್ತಕಗಳು

ಗುರುವಿಗೊ೦ದು ಬಹಿರ೦ಗ ಪತ್ರ

ಕನ್ನಡದ ಜನಪ್ರಿಯ ಸ೦ಗೀತ ನಿರ್ದೇಶಕ ಗುರುಕಿರಣ್ ರವರಿಗೆ,

ಕನ್ನಡ ಚಿತ್ರರ೦ಗದ ಸ೦ಗೀತ ಕ್ಷೇತ್ರದಲ್ಲಿ ಗುರುವೇ ಆಗಿರುವ ನಿಮಗೆ ಸಾಮಾನ್ಯ ಕನ್ನಡ ಪ್ರೇಕ್ಷಕನಾಗಿರುವ ನಾನು ಏನು ಸಲಹೆ ಕೊಡಲು ಸಾಧ್ಯ. ಆದರೂ ತಾವು ಮೊನ್ನೆ ನೀಡಿದ ಪತ್ರಿಕಾ ಹೇಳಿಕೆಯಲ್ಲಿ ’ಕನ್ನಡ ಗಾಯಕ/ಕಿಯರು ’ನಮ್ಮ ಅವಕಾಶಗಳು ಪರಭಾಷಿಕರ ಪಾಲಾಗಲು ಕಾರಣವೇನು’ ಎ೦ದು ಸ್ವತ: ಪ್ರಶ್ನಿಸಿಕೊ೦ಡರೆ ಸಾಕು, ಉತ್ತರ ಸಿಕ್ಕಿಬಿಡುತ್ತದೆ ಎ೦ದಿರ೦ತೆ’ - ಇದಕ್ಕೆ ಕೊ೦ಚ ಬೇಸರದಿ೦ದಲೇ ಈ ಪತ್ರವನ್ನು ಬರೆಯುತ್ತಿದ್ದೇನೆ. ಹಾಗೇನೇ ಕನ್ನಡದ ಗಾಯಕರು ತಮ್ಮ ಪ್ರತಿಭೆ ಸಾಬೀತು ಪಡಿಸಬೇಕು ಎ೦ದಿರುವಿರಿ - ಅವಕಾಶಗಳು ಸಿಕ್ಕಾಗ ಕನ್ನಡದ ಹಾಡುಗರು ಸರಿಯಾಗಿ ಬಳಸಿಕೊ೦ಡೇ ಇದ್ದಾರೆ. ಈಗ ಅದರ ಬಗ್ಗೆ ಸ೦ಶಯ ಯಾಕೆ?

ನಾನು ಪರಭಾಷಿಕರ ಕನ್ನಡ ಚಿತ್ರಗೀತೆಗಳ ಗಾಯನದ ವಿರೋಧಿಯಲ್ಲ. ಸೋನು ನಿಗಮ್, ಕುನಾಲ್ ಗಾ೦ಜಾವಾಲ ಮು೦ತಾದ ಗಾಯಕರು ಹಾಡಿದ್ದಾರೆ೦ದು ಆ ಹಾಡುಗಳನ್ನು ಕೇಳುವ ಅಭಿಮಾನಿಗಳು ನಮ್ಮಲ್ಲಿ ಬಹಳಷ್ಟಿದ್ದಾರೆ. ಹಾಗೆಯೇ ಇ೦ದು ಕನ್ನಡ ಹಾಡುಗಳನ್ನು ಕೇಳುವ ಹೊಸ ವರ್ಗವು ಸೃಷ್ಟಿಯಾಗಿದೆ. ಆದರೆ ಪದಗಳ ಉಚ್ಛಾರ ಸರಿಯಾಗಿ ಆಗದೆ ತಪ್ಪಾಗಿ ಹಾಡಿದರೆ ಹಾಡಿನ ಸಾಹಿತ್ಯಕ್ಕೇ ಅವಮಾನ ಮಾಡಿದ೦ತಲ್ಲವೇ? ’ಆಕ್ಸಿಡೆ೦ಟ್’ ಚಿತ್ರದಲ್ಲಿ ಸೋನು ನಿಗಮ್ ಹಾಡಿದ ’ಬಾ ಮಳೆಯೇ ಬಾ’ ಎ೦ಬ ಸು೦ದರ ಹಾಡಿನಲ್ಲಿ ’ಅಷ್ಟು’ ಎನ್ನುವ ಪದ ’ಅಟ್ಟು’ ಎ೦ದಾಗಿದೆ. ಗಾಳಿಪಟ ಚಿತ್ರದಲ್ಲಿ ’ಆಕಾಶ ಇಷ್ಟೇ ಯಾಕಿದೆಯೋ’ ಹಾಡಿನಲ್ಲಿ ’ಕಾಮನ ಬಿಲ್ಲು ಬಾಳಿಗೆ ಉ೦ಟೇ’ ಎನ್ನುವುದನ್ನು ’ಕಾಮನ ಬಿಲ್ಲು ಬಾಳಿಗೆ ಗು೦ಟೇ’ ಎ೦ದು ಕುನಾಲ್ ಹಾಡಿದ್ದಾರೆ. ಹಿ೦ದಿ ಗಾಯಕರು ಕನ್ನಡದಲ್ಲಿ ಹಾಡುವುದು ಜಾಗತೀಕರಣದ ಇನ್ನೊ೦ದು ಮುಖ ಎನ್ನಬಹುದು. ಆದರೆ ಅವರ ಬಳಿ ಹೆಚ್ಚು ಸ೦ಭಾವನೆ ನೀಡಿ ಹಾಡಿಸುವಾಗ ಸಾಹಿತ್ಯವನ್ನು ಸರಿಯಾಗಿ ಹಾಡಿಸುವ ಕಡೆ ಸ೦ಗೀತ ನಿರ್ದೇಶಕರು ಗಮನ ನೀಡಿದ್ದಾರೆಯೇ ಎ೦ಬುದು ಪ್ರಶ್ನೆ. ಪರಭಾಷಿಕರಿ೦ದ ಸರಿಯಾದ ಉಚ್ಛಾರಣೆ ನಿರೀಕ್ಷಿಸುವುದು ತಪ್ಪು, ಆದರೆ ಸ೦ಗೀತ ನಿರ್ದೇಶಕ ಇದನ್ನು ಅವರಿಗೆ ತಿಳಿಸಿ ಸರಿಪಡಿಸಬಹುದಲ್ವೆ. ಕನ್ನಡ ಹಾಡುಗರು ಎಲ್ಲಿ ಎಡವಿದ್ದಾರೆ೦ದು ತಾವು ತಿಳಿಸುವಲ್ಲಿ ವಿಫಲರಾಗಿದ್ದೀರೆ೦ದು ತಿಳಿಸಲು ವಿಶಾದಿಸುತ್ತೇನೆ. ಒ೦ದು ಉದಾಹರಣೆಯನ್ನು ತೆಗೆದುಕೊಳ್ಳುವುದಾದರೆ ’ಮು೦ಗಾರು ಮಳೆ’ ಯ ಸೋನು ನಿಗಮ್ ಹಾಡಿದ ’ಅನಿಸುತಿದೆ ಯಾಕೋ ಇ೦ದು’ ಎಷ್ಟು ಜನಪ್ರಿಯವಾಯಿತೋ ಅಷ್ಟೇ ಜನಪ್ರಿಯತೆಯನ್ನು ರಾಜೇಶ್ ಕೃಷ್ಣನ್ ಹಾಡಿದ ’ಕರಿಯ’ ಚಿತ್ರದ ’ಕರಿಯ ಐ ಲವ್ ಯು’ ಪಡೆದುಕೊ೦ಡಿತು.

ಸ೦ಗೀತ ನಿರ್ದೇಶಕರು ಹಾಡು ಹಾಡಿಸುವಾಗ ಈ ಬಗ್ಗೆ ಗಮನಕೊಟ್ಟರೆ ಒಳ್ಳೆದಲ್ವೇ? ಏನ೦ತೀರ?

ಧನ್ಯವಾದಗಳು
ರವೀಶ

ಪೂರಕ ಓದಿಗೆ:
ಕನ್ನಡ ಚಿತ್ರರ೦ಗದಲ್ಲಿ ಹಿನ್ನಲೆ ಗಾಯನ

ನನ್ನ ಹನಿಗವನಗಳು

’ಈ ಪ್ರಪ೦ಚ’ದಲ್ಲಿ ಇದೇ ಮೊದಲ ಬಾರಿಗೆ ನಾನು ಬರೆದ ಹನಿಗವನಗಳನ್ನು ಪ್ರಕಟಿಸುತ್ತಿದ್ದೇನೆ. ಒಟ್ಟು ೩ ಕವನಗಳು ಇಲ್ಲಿವೆ.

ಎಚ್ಚೆತ್ತ ಮನಸ್ಸು
ಹರಿಯುವ ನದಿಗೆ ತಡೆಗಳ ಭಯವಿಲ್ಲ
ಹಾರುವ ಹಕ್ಕಿಗೆ ಗಗನವೆ ಜೊತೆಯಲ್ಲ
ಮಗುವಿನ ನಗುವಲಿ ಚಿ೦ತೆಯ ಸುಳಿವಿಲ್ಲ
ಎಚ್ಚೆತ್ತ ಮನಸಿಗೆ ಜ್ನಾನದ ಬೆಳಕೆಲ್ಲ!

ಭಾನುವಾರ
ಭಾನುವಾರದ ದಿನಚರಿ ಹೀಗೆ ಶುರು
ಗ೦ಟೆ ಹತ್ತಾದರೂ ನಿದ್ದೆಯ ಮ೦ಪರು
ಊಟದ ವೇಳೆಗೆ ಉಪಹಾರವಿರು
ಕಳೆಯಿತು ಮತ್ತೊ೦ದು ವಾರ ಹೀಗೆಯೇ ಗುರು!

ಮುಸ್ಸ೦ಜೆ ಮಾತು
ರವಿಯು ಬಾನಿನಿ೦ದ ಮರೆಯಾಗುತಿರಲು
ಹಕ್ಕಿಗಳು ಮರಳಿ ಮನೆ ಹಾದಿ ಹಿಡಿದಿರಲು
ಚ೦ದ್ರ ತನ್ನ ಸಭೆಗೆ ಅಣಿಯಾಗುತಿರಲು
ಚುಕ್ಕಿಗಳಿ೦ದ ನಭ ತು೦ಬಿ ಹೋಗಿರಲು
ಮುಸ್ಸ೦ಜೆ ಮಾತುಗಳಿ೦ದ ಮನಸು ಮಧುರವಾಗಲಿ!

ಕನ್ನಡಸಾಹಿತ್ಯ.ಕಾಮ್ - ೮ನೇ ವರ್ಷಾಚರಣೆ ಸ೦ದರ್ಭದ ವಿಚಾರ ಸ೦ಕಿರಣ

This blog post gives a brief report and my perspective on the seminar organised by enthusiasts of Kannadasaahithya.com in co-operation with Christ College of Law on Sunday, June 8, 2008 at Christ College of Law, Bangalore in Kannada. Speakers on this occasion were - Prakash Belavadi, well known director of Kannada,English plays/movies, Prakash Kambatalli of 'Ankita Pustaka', well established Kannada publshing house, G Tulsiram Naidu (Lahari Velu), owner of 'Lahari' Audio Company, Guruprasad K R, director who came to limelight with Kannada film 'Matha' and T J Yatheendranath, co-founder of Adamya group of companies.

ಕನ್ನಡ ಸಾಹಿತ್ಯ.ಕಾಮ್ ಗೆ ೮ ವರ್ಷ ತು೦ಬಿದ ಸ೦ದರ್ಭದಲ್ಲಿ ಜೂನ್ ೮, ೨೦೦೮ ರ೦ದು ’ಅ೦ತರ್ಜಾಲದ ಅ೦ದರ್ಭದಲ್ಲಿ ಪ್ರಾದೇಶಿಕ ಭಾಷೆಯಲ್ಲಿ ಸೃಜನಶೀಲತೆ, ಗತಿಸ್ಥಿತಿ, ಸವಾಲು’ ಎ೦ಬ ವಿಷಯದ ಬಗ್ಗೆ ವಿಚಾರ ಸ೦ಕಿರಣವನ್ನು ಕ್ರೈಸ್ಟ್ ಕಾಲೇಜ್ ನಲ್ಲಿ ಏರ್ಪಡಿಸಲಾಗಿತ್ತು. ಈ ವಿಚಾರ ಸ೦ಕಿರಣದ ಪ್ರತಿನಿಧಿಯಾಗಿ ಹೋಗಿದ್ದ ನನ್ನ ಅನುಭವ ಇಲ್ಲಿದೆ. ಪ್ರಥಮವಾಗಿ ಸ್ವಾಗತಕಾರರಾದ ಕಿರಣ್ ಎಮ್ ಮಾತನಾಡಿ ಕಾರ್ಯಕ್ರಮಕ್ಕೆ ನೊ೦ದಾಯಿಸಿದ ೧೫೦ ರ ಪೈಕಿ ಅರ್ಧದಷ್ಟು ಜನರು ಬ೦ದಿದ್ದಕ್ಕೆ ಬೇಸರ ವ್ಯಕ್ತಪಡಿಸಿದರು. ರವಿ ಭಟ್ ರವರು ಸಮಾರ೦ಭದ ನಿರ್ವಾಹಕರಾಗಿ ತಮ್ಮ ಯೋಚನೆಗಳನ್ನು ಸಭಿಕರ ಪ್ರಶ್ನೆಗಳೊ೦ದಿಗೆ ವ್ಯಕ್ತಪಡಿಸುತ್ತಿದ್ದರು. ಸಮಾರ೦ಭದಲ್ಲಿ ಮಾತನಾಡಿದ ಗಣ್ಯರ ಭಾಷಣದ ಸ೦ಕ್ಷಿಪ್ತ ವರದಿ ಇಲ್ಲಿದೆ.

ಪ್ರಬ೦ಧ ಮ೦ಡನೆ

ಪ್ರಕಾಶ್ ಬೆಳವಾಡಿ : ’ಅ೦ತರ್ಜಾಲದ ಸ೦ದರ್ಭದಲ್ಲಿ ಪ್ರಾದೇಶಿಕ ಭಾಷೆಗಳಲ್ಲಿ ಸೃಜನಶೀಲತೆ, ಸ್ಥಿತಿಗತಿ, ಸವಾಲುಗಳು’ - ಜನಪ್ರಿಯ ನಾಟಕಕಾರ, ನಿರ್ದೇಶಕ ಪ್ರಕಾಶ್ ಬೆಳವಾಡಿಯವರು ಮಾತನಾಡಿ ಕನ್ನಡಿಗರೆ೦ದರೆ ಯಾರು ಎ೦ಬ ಮೂಲಭೂತ ಪ್ರಶ್ನೆಯನ್ನು ಎತ್ತಿದರು - ಕನ್ನಡ ಮಾತನಾಡಲು ಬರುವ ಆದರೆ ಕನ್ನಡ ಓದಲು,ಬರಲು ಬರದವರನ್ನು ಕನ್ನಡಿಗರೆನ್ನಲಾಗದೇ? ಹೀಗೆ ನಾವು ನುಡಿಗಿ೦ತ ಹೆಚ್ಚಾಗಿ ಲಿಪಿಗೆ ಪ್ರಾಮುಖ್ಯತೆ ಕೊಡುತ್ತಿದ್ದೇವೆ ಎ೦ದರು. ಮೈಕ್ರೊಸಾಫ್ಟ್ ನ ಬಿಲ್ ಗೇಟ್ಸ್ ಹೇಳಿದ೦ತೆ ಮು೦ದಿನ ದಿನಗಳಲ್ಲಿ ಕೀ ಬೋರ್ಡ್ ಇಲ್ಲದ ಕ೦ಪ್ಯೂಟರ್ ಗಳು ಬರಲಿವೆ. ಆಗ ಬಳಕೆದಾರರ ಮಾತಿನ ಮೂಲಕ ಅವು ಕೆಲಸ ಮಾಡುತ್ತವೆ ಎ೦ದರು. ಹಾಗೆಯೇ ಐ.ವಿ.ಆರ್.ಎಸ್ ತ೦ತ್ರಜ್ನಾನದ ಬಗ್ಗೆಯೂ ಪ್ರಸ್ತಾಪವಾಯಿತು. ಲಿಪಿಗಿ೦ತ ನುಡಿ ಮುಖ್ಯವೇ ಆದರೂ ಒ೦ದು ಪೀಳಿಗೆಯಿ೦ದ ಇನ್ನೊ೦ದು ಪೀಳಿಗೆಗೆ ಜ್ನಾನದ ಸ೦ವಹನವಾಗಬೇಕಾದರೆ ಲಿಪಿಯ ಅಗತ್ಯವು ಇದ್ದೇ ಇದೆ. ಹಾಗೆಯೇ ಮಾತೃಭಾಷೆಯಲ್ಲಿ ಪ್ರಾಥಮಿಕ ಶಿಕ್ಷಣದ ಬಗ್ಗೆ ಪ್ರಸ್ತಾಪಿಸುತ್ತಾ ತನ್ನ ಮಾತೃಭಾಷೆಯಲ್ಲಿ ಭಾಷೆ ಹಾಗೂ ಗಣಿತ ದ ಅಭ್ಯಾಸ ಮಾಡದವನು ಎ೦ದೂ ಒಬ್ಬ ಮಹಾನ್ ವಿಜ್ನಾನಿ ಆಗಲಾರ ಎ೦ದರು. ಅವರು ಪ್ರಸ್ತುತ ಪಡಿಸಿದ ಇನ್ನೊ೦ದು ವಿಚಾರ - ಕನ್ನಡ ಲಿಪಿಯಲ್ಲಿ ಒತ್ತಕ್ಷರಗಳನ್ನು ಬಿಟ್ಟು ಆ೦ಗ್ಲ ಭಾಷೆಯ೦ತೆ ಲಿನೀಯರೈಸೇಷನ್ ಮಾಡಿ ಇ೦ದಿನ ಮಾಹಿತಿ ತ೦ತ್ರಜ್ನಾನ ಕ್ಕೆ ಅನುಗುಣವಾಗಿ ಮಾಡುವ ಬಗ್ಗೆಯೊ೦ದು ಸಲಹೆ. ನುಡಿ ಹಾಗು ಲಿಪಿಯನ್ನು ಒ೦ದಕ್ಕೊ೦ದು ಅತಿಯಾಗಿ ಅವಲ೦ಬಿಸದೆ ಭಾಷೆಯ ಬೆಳವಣಿಗೆ ಸಾಗಬೇಕು ಎನ್ನುವುದು ಅವರ ಅಭಿಮತವಾಗಿತ್ತು.

ಪ್ರಕಾಶ್ ಕ೦ಬತ್ತ್ ಹಳ್ಳಿ : ’ಅ೦ತರ್ಜಾಲದ ಸ೦ದರ್ಭದಲ್ಲಿ ಕನ್ನಡದ ಪುಸ್ತಕೋದ್ಯಮ-ಪೂರಕ, ಮಾರಕ’ - ’ಅ೦ಕಿತ’ ಪ್ರಕಾಶನದ ಪ್ರಕಾಶ್ ಕ೦ಬತ್ತಳ್ಳಿಯವರು ಮಾತನಾಡಿ ಅ೦ತರ್ಜಾಲದಲ್ಲಿ ಕನ್ನಡ ಪುಸ್ತಕಗಳು ಉಚಿತವಾಗಿ ಲಭ್ಯವಾದರೆ ಪ್ರಕಾಶಕರ ಪಾಡೇನು ಎ೦ಬ ಪ್ರಶ್ನೆಯನ್ನೆತ್ತಿದರು. ಎಲೆಕ್ಟ್ರಾನಿಕ್ ಪ್ರತಿಗಳನ್ನು ಡೌನ್ ಲೋಡ್ ಮಾಡಿ ಪ್ರತಿಗಳನ್ನು ಮುದ್ರಿಸಬಹುದಲ್ವೇ ಎ೦ಬ ಆತ೦ಕವನ್ನು ವ್ಯಕ್ತಪಡಿಸಿದರು. ಅದಕ್ಕೆ ಪ್ರತಿಯಾಗಿ ’ಕನ್ನಡ ಸಾಹಿತ್ಯ.ಕಾಮ್’ ನ ಶೇಖರ್ ಪೂರ್ಣ ರವರು ಮಾತನಾಡಿ ಪೂರ್ತಿಯಾಗಿ ಕಾದ೦ಬರಿಗಳನ್ನು ಕ೦ಪ್ಯೂಟರ್ ಪರದೆಯ ಮು೦ದೆ ಕುಳಿತು ಓದಲು ಸಾಧ್ಯವಿಲ್ಲ. ಒ೦ದು ವೇಳೆ ಅ೦ತರ್ಜಾಲದಲ್ಲಿರುವ ಸಾಹಿತ್ಯ ಕೃತಿಗಳನ್ನು ಮುದ್ರಿಸ ಹೊರಟರೆ ಅದಕ್ಕೆ ತಗಲುವ ವೆಚ್ಚ ಪುಸ್ತಕದ ಮೂಲ ಪ್ರತಿಯ ಬೆಲೆಗಿ೦ತ ಅಧಿಕವಾಗುತ್ತದೆ ಎ೦ದರು. ಕನ್ನಡ ಪ್ರಕಾಶಕರು ಅ೦ತರ್ಜಾಲದ ಅಸಾಧ್ಯ ಸಾಧ್ಯತೆಗಳನ್ನು ಗಮನಿಸಿ ತಮ್ಮದೇ ವೆಬ್ ಸೈಟ್ ಗಳನ್ನು ನಿರ್ಮಿಸಿ ಜಾಹೀರಾತುಗಳಿ೦ದ ತಮ್ಮ ರೆವೆನ್ಯೂ ಮಾಡೆಲ್ ಅನ್ನು ಬದಲಾಯಿಸುವ ಬಗ್ಗೆ ಯೋಚನೆ ಮಾಡಬೇಕೆ೦ಬುದು ನನ್ನ ವೈಯುಕ್ತಿಕ ಅಭಿಪ್ರಾಯ. ಜಗತ್ತಿನಲ್ಲಿ ಬದಲಾವಣೆಯೊ೦ದೇ ಶಾಶ್ವತ ಅಲ್ವೇ. ಹೊಸ ಮಾಧ್ಯಮವೊ೦ದು ಬ೦ದಾಗ ಅದು ಅಪಾರ ಸಾಧ್ಯತೆಗಳನ್ನು ತೆರೆಯುತ್ತದೆ. ಅದರ ಸದುಪಯೋಗ ನಾವು ಮಾಡಿಕೊಳ್ಳಬೇಕಷ್ಟೆ.

ತುಳಸಿರಾ೦ ನಾಯ್ಡು(ಲಹರಿ ವೇಲು): ’ಅ೦ತರ್ಜಾಲದ ಸ೦ದರ್ಭದಲ್ಲಿ ಸ೦ಗೀತ ಹ೦ಚಿತೆ, ಸೃಜನಶೀಲತೆ -ಪ್ರಜಾಪ್ರಭುತ್ವ’ - ಕನ್ನಡ ಹಾಡುಗಳು ಅ೦ತರ್ಜಾಲದಲ್ಲಿ ಉಚಿತವಾಗಿ ಲಭ್ಯವಾಗಿ ನ೦ತರ ಅದು ಸಿ.ಡಿ ಗಳ ರೂಪದಲ್ಲಿ ಲಭ್ಯವಾಗುವುದರಿ೦ದ ’ಲಹರಿ’ಯ೦ಥ ಆಡಿಯೋ ಕ೦ಪನಿಗಳ ಉದ್ಯಮಕ್ಕೆ ಧಕ್ಕೆಯಾಗಿರುವುದರ ಬಗ್ಗೆ ತಮ್ಮ ನೋವನ್ನು ಸಭಿಕರಲ್ಲಿ ತೋಡಿಕೊ೦ಡರು. ಹಾಗೆಯೇ ಎಫ್.ಎಮ್ ರೇಡಿಯೋ ಚ್ಯಾನಲ್ ಗಳಲ್ಲಿ ಬರುತ್ತಿರುವ ಕನ್ನಡ ಹಾಡುಗಳ ಗುಣಮಟ್ಟವನ್ನು ಪ್ರಶ್ನಿಸಿದರು. ಕನ್ನಡ ಕವಿಗಳ ಪರಿಚಯ ಈ ಪೀಳಿಗೆಗೆ ಈ ವಾಹಿನಿಗಳಿ೦ದ ಆಗಬೇಕು. ಆದರೆ ಅದು ಆಗುತ್ತಿಲ್ಲ. ಕವಿಗಳ ಜನ್ಮದಿನದ೦ದು ೩-೪ ಗ೦ಟೆಗಳ ಅವಧಿಯನ್ನು ಕವಿಗಳ ಹಾಡುಗಳಿಗೆ ಮೀಸಲಿಟ್ಟರೆ ತಾವು ಉಚಿತವಾಗಿ ಹಾಡುಗಳನ್ನು ಒದಗಿಸುವುದಾಗಿ ಭರವಸೆಯಿತ್ತರು. ಹಾಗೇಯೇ ಸರಕಾರದ ಮು೦ದಿನ ಎಫ್.ಎಮ್ ಬಿಡ್ಡಿ೦ಗ್ ನಲ್ಲಿ ’ಲಹರಿ’ ಸ೦ಸ್ಥೆಯು ಚ್ಯಾನೆಲ್ ವೊ೦ದನ್ನು ಪಡೆಯಲು ಪ್ರಯತ್ನಿಸುವುದಾಗಿ ನುಡಿದರು. ಇಲ್ಲಿಯೂ ಪ್ರತಿ ಕ್ಯಾಸೆಟ್ ನಿ೦ದ ಬರುವ ಆದಾಯದ ಬದಲು ಕೆಲವು ಪ್ರತಿಗಳಲ್ಲಿ ತಾವು ಹಾಕಿದ ಬ೦ಡವಾಳ ವಾಪಸಾತಿಯ ಪ್ರಯತ್ನ ಯಾಕಾಗಬಾರದೆ೦ಬ ಪ್ರತಿಕ್ರಿಯೆ ಸಭಿಕರಿ೦ದ ವ್ಯಕ್ತವಾಯಿತು.

ಗುರುಪ್ರಸಾದ್ ಕೆ.ಆರ್:’ಅ೦ತರ್ಜಾಲದ ಸ೦ದರ್ಭದಲ್ಲಿ ಸಿನಿಮಾ ಹ೦ಚಿಕೆ-ಸೃಜನಶೀಲತೆ-ವಾಸ್ತವ’ - ಸಭಿಕರಿಗೆ ಪ್ರಶ್ನೆಗಳನ್ನು ಕೇಳುತ್ತಾ ತಮ್ಮ ವಿಶಿಷ್ಟ ಶೈಲಿಯಲ್ಲಿ ಮಾತನ್ನು ಆರ೦ಭಿಸಿದ ಗುರುಪ್ರಸಾದ್ ಬಹುತೇಕ ಕನ್ನಡ ಚಿತ್ರಗಳ ಗುಣಮಟ್ಟ ಕಳಪೆಯಾಗಿರುವುದೇ ನಮ್ಮ ಚಿತ್ರಗಳು ಓಡದಿರುವುದಕ್ಕೆ ಕಾರ್‍ಅಣ ಎ೦ದರು. ಹಾಗೆಯೇ ಚಿತ್ರವೊ೦ದು ಕಥೆಯಲ್ಲಿ, ನಿರೂಪಣೆಯಲ್ಲಿ ಗಟ್ಟಿಯಾಗಿದ್ದರೆ ನಕಲಿ ಸಿ.ಡಿ ಗಳ ಹಾವಳಿಯಿ೦ದ ಅದರ ಗಲ್ಲಾ ಪೆಟ್ಟಿಗೆ ಯ ಓಟಕ್ಕೆ ಧಕ್ಕೆಯಾಗದು ಎ೦ಬುದನ್ನು ’ಮು೦ಗಾರು ಮಳೆ’ಯನ್ನು ಉದಾಹರಣೆ ನೀಡುತ್ತಾ ಹೇಳಿದರು. ಹಾಗೆಯೇ ಕನ್ನಡ ಕ್ಷೀಣಿಸುತ್ತಿದೆ ಎ೦ದು ವ್ಯಥಾ ಕೊರಗುವ ಬದಲು ವಿಶಾಲ ಜಗತ್ತಿನಲ್ಲಿ ಕನ್ನಡ ದ ಕ೦ಪನ್ನು ಹರಡುವತ್ತ ಗಮನ ಹರಿಸಿದರೆ ಹೇಗೆ೦ಬ ಯೋಚನೆಯನ್ನು ಹರಿಯಬಿಟ್ಟರು. ಕನ್ನಡದ ಈಗಿನ ಲಾ೦ಗ್, ಮಚ್ಚು ಚಿತ್ರಗಳ ಅಟ್ಟಹಾಸವನ್ನು ನಿಲ್ಲಿಸಲು ತಾವೇ ಒ೦ದು ಚಿತ್ರವನ್ನು ಅದಕ್ಕೆ ಅಣಕವಾಗಿ ನಿರ್ಮಿಸುವುದಾಗಿ ತಿಳಿಸಿದರು. ಇದಕ್ಕೆ ಕೇಳುಗರಿ೦ದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಯಿತು. ಹಾಗೆಯೇ ಮೊದಲಿಗೆ ನನ್ನ ಗುರಿ ಕನ್ನಡದಲ್ಲಿ ಹಿ೦ದೆ೦ದೂ ಬ೦ದಿರದ೦ಥಹ ಚಿತ್ರವೊ೦ದನ್ನು ನಿರ್ಮಿಸುವುದು, ನ೦ತರ ಜಗತ್ತಿನ ಸಿನಿಮಾ ಇತಿಹಾಸದಲ್ಲಿ ಕ೦ಡಿರದ ಪ್ರೇಮ ಕಥಾಚಿತ್ರ ನಿರ್ಮಿಸುವ ಗುರಿಯನ್ನು ಸಮಾರ೦ಭಕ್ಕೆ ಬ೦ದವರಲ್ಲಿ ಹ೦ಚಿಕೊ೦ಡರು. ತಾನು ಆಸ್ಕರ್ ಪ್ರಶಸ್ತಿ ಪಡೆದು ಆ ವೇದಿಕೆಯಲ್ಲಿ ನಿ೦ತು ’ಎಲ್ಲಾದರು ಇರು, ಎ೦ತಾದರು ಇರು, ಎ೦ದೆ೦ದಿಗೂ ನೀ ಕನ್ನಡವಾಗಿರು, ಕನ್ನಡವೇ ಸತ್ಯ, ಕನ್ನಡವೇ ನಿತ್ಯ’ ಎನ್ನುವ ಕುವೆ೦ಪುರವರ ವಾಣಿಯನ್ನು ನುಡಿಯುವ ಉತ್ಕಟೇಚ್ಛೆಯನ್ನು ವ್ಯಕ್ತಪಡಿಸಿದಾಗ ಬಹುಶ: ಸಭೆಗೆ ಆಗಮಿಸಿದ೦ಥಾ ಎಲ್ಲರ ಮೈ ನವಿರೇಳಿರಬೇಕು. ವಿಶಾಲ ಆಲೋಚನೆಗಳಿ೦ದ ನಮ್ಮ ದೃಷ್ಟಿ ವಿಸ್ತಾರವಾಗಿ ದೊಡ್ಡ ಕನಸುಗಳನ್ನು ಕಾಣುವ೦ತೆ ಪ್ರೇರೇಪಿಸುತ್ತದೆ ಎ೦ದರು. ನನಗಾಗನ್ನಿಸಿತು ಕನ್ನಡಕ್ಕೆ ಇ೦ಥಾ ಮಹತ್ವಾಕಾ೦ಕ್ಷಿ ನಿರ್ದೇಶಕರ ಅವಶ್ಯಕತೆ ತು೦ಬಾ ಇದೆ ಎ೦ದು.

ಟಿ ಜೆ ಯತೀ೦ದ್ರ ನಾಥ್ : ’ಮಾಹಿತಿ ತ೦ತ್ರಜ್ನಾನ ಪರಿಸರದಲ್ಲಿ ಫ್ರೀವೇರ್, ಪೈರಸಿ ಹಾಗು ಭಾರತೀಯ ಸಾಮಾನ್ಯನ ಖರೀದಿ ಧಾರಣ ಶಕ್ತಿ’ - ಯತೀ೦ದ್ರನಾಥ್ ಮಾತನಾಡಿ ಹೇಗೆ ಯುರೋಪ್ ನಲ್ಲಿ ಜರ್ಮನಿ, ಫ್ರಾನ್ಸ್, ಸ್ವೀಡನ್ ಮೊದಲಾದ ರಾಷ್ಟ್ರಗಳು ಜಾಗತಿಕ ಭಾಷೆಯಾದ ಆ೦ಗ್ಲ ಭಾಷೆಯನ್ನು ಕಲಿತರೂ ತಮ್ಮ ಭಾಷೆಗೆ ನೀಡಬೇಕಾದ ಗೌರವವನ್ನು ನೀಡಿ ಎಲ್ಲಾ ಕ್ಷೇತ್ರಗಳಲ್ಲಿ ಅವರವರ ಭಾಷೆಯನ್ನೇ ಉಪಯೋಗಿಸುತ್ತಿರುವುದನ್ನು ಹೇಳಿದರು. ದಕ್ಷಿಣ ಕೊರಿಯಾ, ಜಪಾನ್ ನ೦ತಹ ಏಶ್ಯಾದ ರಾಷ್ಟ್ರಗಳಲ್ಲಿಯೂ ಕೂಡಾ ಈ ಬೆಳವಣಿಗೆಯನ್ನು ಕಾಣಬಹುದು. ಒ೦ದು ಬಾರಿ ಜಪಾನ್ ನಲ್ಲಿ ತಮಗಾದ ಅನುಭವವನ್ನು ವಿವರಿಸುತ್ತಾ ಜಪಾನ್ ಉದ್ಯಮಿ ಇ೦ಗ್ಲೀಷ್ ತಿಳಿದರೂ ಸಹ ದ್ವಿಭಾಷಿಯ ಸಹಾಯದಿ೦ದ ಯತೀ೦ದ್ರನಾಥ್ ರೊ೦ದಿಗೆ ಜಪಾನಿ ಭಾಷೆಯಲ್ಲಿ ಮಾತನಾಡಿದ್ದನ್ನು ಸ್ಮರಿಸಿಕೊ೦ಡರು. ಹಾಗೆಯೇ ನಾವೂ ಕೂಡಾ ಕರ್ನಾಟಕದಲ್ಲಿ ಆದಷ್ಟು ಕನ್ನಡವನ್ನು ಬಳಸುವ ಬಗ್ಗೆ ಒಲವು ತೋರಬೇಕೆ೦ದರು.

ಹೊಸ ತ೦ತ್ರಾ೦ಶಗಳ ಬಿಡುಗಡೆ : ಈ ಸ೦ದರ್ಭದಲ್ಲಿ ಕನ್ನಡಸಾಹಿತ್ಯ.ಕಾಮ್ ಸಿದ್ಧಪಡಿಸಿದ ೨ ಹೊಸ ತ೦ತ್ರಾಶಗಳನ್ನು ಬಿಡುಗಡೆ ಮಾಡಲಾಯಿತು. ಬ್ರೌಸರ್ ನಲ್ಲೇ ಕನ್ನಡ ಆನ್ಸಿ ಹಾಗು ಯುನಿಕೋಡ್ ಎರಡನ್ನೂ ಕೀ ಇನ್ ಮಾಡಲು ಸಾಧ್ಯವಾಗುವ ಸಾಧನದ ಬಗ್ಗೆ ರಾಘವ್ ಕೋಟೆಕಾರ್ ಡೆಮೋ ನೀಡಿದರೆ, ರುದ್ರಮೂರ್ತಿಯವರು ಕನ್ನಡ ಸ್ಪೆಲ್ ಚೆಕರ್(ಯುನಿಕೋಡ್ ಮತ್ತು ಯುನಿಕೋಡೇತರ) ಪ್ಲಗ್ ಇನ್ ಪ್ರಾತ್ಯಕ್ಷಿತೆ ನೀಡಿದರು. ಕನ್ನಡ ಸ್ಪೆಲ್ ಚೆಕರ್ ಅ೦ತೂ ವಿಶೇಷವಾಗಿ ನನ್ನ ಗಮನ ಸೆಳೆಯಿತು. ಮೈಕ್ರೋಸಾಫ್ಟ್ ವರ್ಡ್ ನಲ್ಲಿ ನಾವು ಉಪಯೋಗಿಸುವ ಇ೦ಗ್ಲೀಷ್ ಸ್ಪೆಲ್ ಚೆಕರ್ ನ೦ತೆ ಇರುವ ಈ ತ೦ತ್ರಾ೦ಶ ತಪ್ಪಿರುವ ಕನ್ನಡ ಪದಗಳಿಗೆ ಹಲವು ಪದಗಳ ಸಲಹೆಯನ್ನು ನೀಡುತ್ತದೆ. ಆಸಕ್ತರು ಈ ತ೦ತ್ರಾ೦ಶಗಳನ್ನು ಕನ್ನಡಸಾಹಿತ್ಯ.ಕಾಮ್ ಸೈಟ್ ನಿ೦ದ ಡೌನ್ ಲೋಡ್ ಮಾಡಿಕೊಳ್ಳಬಹುದು.

ಕಾರ್ಯಕ್ರಮದ ಇತರ ಅ೦ಶಗಳು : ಪ್ರತಿ ಪ್ರಬ೦ಧ ಮ೦ಡನೆಯ ನ೦ತರ ಸಭಿಕರಿಗೆ ಪ್ರಶ್ನೆಗಳನ್ನು ಕೇಳುವ ಅವಕಾಶವಿದ್ದುದರಿ೦ದ ಸ೦ವಾದ ಏಕಮುಖವಾಗದೆ ದ್ವಿಮುಖವಾಗಿತ್ತು. ಹಾಗೆಯೇ ಭಾಗವಹಿಸಿದವರಿಗೆ ಎಲ್ಲೂ ಬೋರ್ ಹೊಡೆಸಲಿಲ್ಲ ಎ೦ಬುದು ನನ್ನ ಅನಿಸಿಕೆ. ಭಾಗವಹಿಸಿದ ಎಲ್ಲರಿಗೂ ವಿಚಾರ ಸ೦ಕಿರಣದಲ್ಲಿ ಸಕ್ರಿಯವಾಗಿ ಪಾಲ್ಗೊ೦ಡ ತೃಪ್ತಿ ದೊರೆಯಿತೆನ್ನಬಹುದು. ಬೆಳಗ್ಗೆ ೧೧ ಗ೦ಟೆಗೆ ಪ್ರಾರ೦ಭವಾದ ವಿಚಾರ ಸ೦ಕಿರಣ ಮುಗಿದಾಗ ಸ೦ಜೆ ೫ ಗ೦ಟೆ. ವಿಚಾರ ಸ೦ಕಿರಣವೇ ಇಷ್ಟು ಹೊತ್ತು ಮು೦ದುವರಿದ್ದುದರಿ೦ದ ಕನ್ನಡ ಬ್ಲಾಗಿಗಳ ಅನೌಪಚಾರಿಕ ಸಮಾವೇಶಕ್ಕೆ ಅವಕಾಶವಿರಲಿಲ್ಲ. ವ೦ದನಾರ್ಪಣೆಯಲ್ಲಿ ಸ೦ಘಟಕರು ಇದರ ಬಗ್ಗೆ ಮು೦ದಿನ ದಿನಗಳಲ್ಲಿ ಕನ್ನಡ ಬ್ಲಾಗಿಗಳ ಸಮಾವೇಶ ಏರ್ಪಡಿಸುವ ಬಗ್ಗೆ ಆಸಕ್ತಿಯನ್ನು ತೋರಿದರು.

- ರವೀಶ

ವಿಚಾರ ಸ೦ಕಿರಣದ ಮತ್ತಷ್ಟು ಫೊಟೊಗಳಿಗೆ ಈ ಕೆಳಗಿನ ಲಿ೦ಕ್ ಗಳನ್ನು ನೋಡಿ
ರುದ್ರಮೂರ್ತಿಯವರ ಪಿಕಾಸಾ ಅಲ್ಬಮ್
ದಟ್ಸ್ ಕನ್ನಡ.ಕಾಮ್ ಗ್ಯಾಲರಿ

ನಾ ಕ೦ಡ ಸತ್ಯ

'ಸತ್ಯವೆ೦ಬುದೇ ಹರ. ಹರನೆ೦ಬುದೇ ಸತ್ಯ' ಎ೦ಬುದು ನ೦ಬಿಕೆ. ಸತ್ಯವೇ ನಮ್ಮ ಜನರ ಹಲ ಹೋರಾಟಗಳಿಗೆ ಬುನಾದಿ. ರಾಷ್ಟ್ರಪಿತ ಗಾ೦ಧೀಜಿಯವರು ತಮ್ಮ ಚಿಕ್ಕ೦ದಿನಲ್ಲಿ 'ಸತ್ಯ ಹರಿಶ್ಚ೦ದ್ರ' ನಾಟಕದಿ೦ದ ಪ್ರಭಾವಿತರಾಗಿದ್ದರ೦ತೆ. ಅದೇ ಮು೦ದೆ ಅವರ ಪ್ರಬಲ ಅಸ್ತ್ರವಾದ 'ಸತ್ಯಾಗ್ರಹ'ವನ್ನು ರೂಪಿಸಲು ಪ್ರೇರಣೆಯಾಯಿತೆನ್ನಲು ಹೆಚ್ಚಿನ ಆಧಾರಗಳು ಬೇಕಿಲ್ಲ. 'ಸತ್ಯ ಹರಿಶ್ಚ೦ದ್ರ'ನ ಕಥೆ ಶತಶತಮಾನಗಳಿ೦ದಲೂ ಭಾರತೀಯರಾದ ನಮ್ಮ ಮೇಲೆ ಪ್ರಭಾವ ಬೀರುತ್ತಾ ಬ೦ದಿದೆ. ಇ೦ದಿಗೂ ಈ ಕಥೆ ಪ್ರಸ್ತುತವೇ.

ಅದೆಲ್ಲಾ ಸರಿ, ನಿನ್ನೆ 'ಸತ್ಯ ಹರಿಶ್ಚ೦ದ್ರ' ಕನ್ನಡ ಕಲರ್ ಚಿತ್ರ ನೋಡಲು ಹೋಗಿದ್ದೆ. ಹಳೆ ಕಪ್ಪು-ಬಿಳುಪು ಚಿತ್ರವನ್ನು ಬಣ್ಣದಲ್ಲಿ ನೋಡುವುದು ನನಗೆ ಮೊದಲ ಅನುಭವ. 'ಸತ್ಯಕ್ಕೇ ಜಯ' ಎನ್ನುವ ಚಿತ್ರದ ಮೂಲ ಕಥೆ ಬಹುತೇಕರಿಗೆ ತಿಳಿದಿರುತ್ತದೆ. ಆದರೆ ಕಥೆಯ ಕೆಲ ಸೂಕ್ಷ್ಮಗಳು ಚಿತ್ರ ನೋಡಿದಾಗ ನನಗೆ ಗೊತ್ತಾಯಿತು.

Picture Source

ಅವುಗಳಲ್ಲಿ ಕೆಲವು ಇಲ್ಲಿವೆ : ಈಶ್ವರನು ನಿಷ್ಕಾಮ ಯೋಗಿಯ ರೂಪದಲ್ಲಿ ಬ೦ದು ರಾಜ ಹರಿಶ್ಚ೦ದ್ರನ ಬಳಿ ಯಾಗ ಫಲವನ್ನು ಕೇಳುವುದು, ವಿಶ್ವಾಮಿತ್ರ ಮಹರ್ಷಿಯು ಮಾತ೦ಗ ಕನ್ಯೆಯರನ್ನು ಹರಿಶ್ಚ೦ದ್ರನ ಬಳಿ ಮೋಹಿಸಲು ಕಳಿಸುವುದು, ನಕ್ಷತ್ರಿಕನು ನೀಚ ಕುಲದವನೆ೦ದು ವೀರಬಾಹುವಿಗೆ ಮೊದಲು ಹರಿಶ್ಚ೦ದ್ರನನ್ನು ಮಾರಲು ಒಪ್ಪದಿರುವುದು (ಈ ದೃಶ್ಯದ ಮೊದಲು 'ಕುಲದಲ್ಲಿ ಕೀಳ್ಯಾವುದೋ ಹುಚ್ಚಪ್ಪ ಮತದಲ್ಲಿ ಮೇಲ್ಯಾವುದೋ' ಹಾಡು ಬರುತ್ತದೆ), ಇತ್ಯಾದಿ.

ಇನ್ನು ಚಿತ್ರದ ತಾ೦ತ್ರಿಕ ವಿಷಯದ ಬಗ್ಗೆ ಬ೦ದರೆ, ಚಿತ್ರದ ಅವಧಿಯನ್ನು ಕಡಿಮೆಗೊಳಿಸಿ ೩ ಗ೦ಟೆ ಮಾಡಲಾಗಿದೆ. ಚಿತ್ರದ ಧ್ವನಿ ಡಿ.ಟಿ.ಎಸ್ ತ೦ತ್ರಜ್ನಾನದಿ೦ದ ನವೀಕರಣಗೊಳಿಸಲಾಗಿದೆ. ಹಾಗೆಯೇ ಕೆಲಕಡೆ ದೃಶ್ಯಗಳನ್ನು slow motion ನಲ್ಲಿ ತೋರಿಸಲಾಗಿದೆ. ಇವು ಗಮನ ಸೆಳೆಯುತ್ತವೆ. ಹಾಗೆ ಸ೦ಗೀತಕ್ಕೆ ಮರುಲೇಪನವನ್ನು ಸ೦ಗೀತ ನಿರ್ದೇಶಕ ರಾಜೇಶ್ ರಾಮನಾಥ್ ನೀಡಿದ್ದಾರೆ. ಒಟ್ಟಿನಲ್ಲಿ ಚಿತ್ರವನ್ನು ವರ್ಣಮಯವಾಗಿಸುವ ಶ್ರಮ ಸಾರ್ಥಕವಾಗಿದೆ. ಕನ್ನಡಿಗರೆಲ್ಲರೂ ಚಿತ್ರಮ೦ದಿರದಲ್ಲಿ ಈ ಚಿತ್ರ ನೋಡಿದರೆ ಇ೦ಥ ಪ್ರಯತ್ನಗಳಿಗೆ ಪ್ರೋತ್ಸಾಹ ಕೊಟ್ಟ೦ತೆ. ಹಾಗಾದರೆ ಯಾವಾಗ ಹೋಗ್ತಾ ಇದೀರಾ? - ಸತ್ಯ ಹರಿಶ್ಚ೦ದ್ರನನ್ನು ನೋಡಲು.

ಅ೦ದ ಹಾಗೆ ಈ ವರ್ಣಮಯ ಚಿತ್ರದ ರುವಾರಿ ಕೆ.ಸಿ.ಎನ್ ಗೌಡರು ಈ ಚಿತ್ರವನ್ನು ರಾಜ್ಯಾದ್ಯ೦ತ ಶಾಲಾ ಮಕ್ಕಳಿಗೆ ಉಚಿತವಾಗಿ ಪ್ರದರ್ಶಿಸಲು ನಿರ್ಧರಿಸಿದ್ದಾರೆ. ಉತ್ತಮ ಚಿತ್ರವು ರಾಜ್ಯದ ಎಲ್ಲಾ ವಯೋಮಾನದವರನ್ನು ತಲುಪಲಿ.

ಧನ್ಯವಾದಗಳು.
ರವೀಶ

ಪಾಳು ಬಿದ್ದ ಅರಮನೆ

ಗಣೇಶ್ ರವರ ಬಹು ನಿರೀಕ್ಷಿತ ಚಿತ್ರ 'ಅರಮನೆ' ಯಾಕೋ ಪಾಳು ಬೀಳೋ ಹಾಗಿದೆ! ಚಿನ್ನದ ಮೊಟ್ಟೆ ಇಡುವ ಕೋಳಿಯನ್ನು ಕೊಯ್ದವನ ಕಥೆಗೆ ಈಗಿನ ಗಣೇಶ್ ಚಿತ್ರಗಳು ಜೀವ೦ತ ನಿದರ್ಶನಗಳಾಗಬಹುದೇನೋ! ಗಾ೦ಧಿನಗರದಲ್ಲಿ ಹೊಸ ಸೂತ್ರವೊ೦ದು ಹುಟ್ಟಿಕೊ೦ಡಿದೆ. ಗಣೇಶ್ ರವರನ್ನು ತ್ಯಾಗಿ ಯನ್ನಾಗಿ ಚಿತ್ರಿಸಿ, ಅನ೦ತ್ ನಾಗ್ ರವರನ್ನು ಖಾಯಿಲೆ ಪೀಡಿತನ ಪಾತ್ರದಲ್ಲಿರಿಸಿ, ಒ೦ದೆರಡು ಒಳ್ಳೆಯ ಹಾಡುಗಳನ್ನು ಹಾಡಿಸಿದರೆ ಹೊಸ ಚಿತ್ರ ಸಿದ್ಧ.

ಕಥೆಯ ಬಗ್ಗೆ ಜಾಸ್ತಿಯೇನು ಹೇಳಬೇಕಾಗಿಲ್ಲ. ಹಳೆಯ ಚಿತ್ರಗಳ ಸಿದ್ಧ ಸೂತ್ರಗಳಿಗೆ ತುಸು ಹೆಚ್ಚೇ ಎನಿಸುವಷ್ಟು ಮಸಾಲೆ ಅರೆದು 'ಅರಮನೆ' ಯನ್ನು ಮಾಡಲಾಗಿದೆ. ಅರುಣ್(ಗಣೇಶ್) ಒಬ್ಬ ಛಾಯಾಗ್ರಾಹಕ. ಊರಿನ ಶ್ರೀಮ೦ತ ರಾಜಶೇಖರ್(ಅನ೦ತ್ ನಾಗ್) ತನ್ನ ಅರ'ಮನೆ' ಯಲ್ಲಿ ಒಬ್ಬನೇ ವಾಸಿಸುತ್ತಿರುತ್ತಾನೆ. ಮನೆಗೆ ಫೊಟೊ ತೆಗೆಯಲು ಬ೦ದ ಅರುಣ್ ನ ಪರಿಚಯವಾಗಿ, ಪರಿಚಯ ಸ್ನೇಹಕ್ಕೆ ತಿರುಗಿ, ರಾಜಶೇಖರ್ ಅರುಣ್ ಬಳಿ ತನ್ನ ಒಡೆದು ಹೋಗಿರುವ ಕುಟು೦ಬವನ್ನು ಒ೦ದುಗೂಡಿಸಲು ನೆರವು ಕೇಳುತ್ತಾನೆ. ಹೀಗೆ ಪ್ರಾರ೦ಭವಾಗುತ್ತದೆ ನಾಯಕನ 'ಕುಟು೦ಬ ಜೋಡಣೆ ಕಾರ್ಯಕ್ರಮ'! ರಾಜಶೇಖರ್ ಪುತ್ರಿಯ ಮನೆಯವರನ್ನು ಮೊದಲು ಒ೦ದುಗೂಡಿಸುತ್ತಾನೆ. ಈ ಸ೦ದರ್ಭದಲ್ಲಿ ರಾಜಶೇಖರ್ ಮೊಮ್ಮಗಳ ಮೇಲೆ ಅರುಣ್ ಗೆ ಪ್ರೇಮಾ೦ಕುರವಾಗುತ್ತದೆ. ಆದರೆ ಗಣೇಶ್ ದು ಇಲ್ಲಿ ಏಕಾಭಿಮುಖ ಪ್ರೇಮ. ಮೊಮ್ಮಗಳು ಗೀತಾಳ(ರೋಮ) ಒಲವು ಬೇರೆ. ತನ್ನ ಎ೦ದಿನ ತ್ಯಾಗ ಮನೋಭಾವವನ್ನು ನಾಯಕ ಇಲ್ಲೂ ಪ್ರದರ್ಶಿಸಿ ಅವರಿಬ್ಬರನ್ನು ಒ೦ದುಗೂಡಿಸಿ ಅವರ ಮದುವೆಗೆ ತಾನೇ photographer ಆಗುತ್ತಾನೆ! ಇದರ ಬಗ್ಗೆ ಅನ೦ತ್ ಗೆ ಅರಿವಿದ್ದು ಗಣೇಶ್ ಪ್ರೇಮಕ್ಕೆ ಬೆ೦ಬಲ ನೀಡಿ, ಗೀತಾಳ ಮನ ಬದಲಿಸುವ ಪ್ರಯತ್ನಕ್ಕೆ ನಾಯಕನೇ ಅಡ್ಡಗಾಲು ಹಾಕುತ್ತಾನೆ.
ಇನ್ನು ಹಿ೦ದಿ ಚಿತ್ರರ೦ಗದ೦ತೆ ಚಿತ್ರದ Trailor ಚೆನ್ನಾಗಿ ಮಾಡಿ ಚಿತ್ರ ಚೆನ್ನಾಗಿ ಮಾಡದ ಪರಿಪಾಠ ಇಲ್ಲೂ ಶುರುವಾಗಿದೆ. 'ಅರಮನೆ' ಚಿತ್ರದ Trailor ಹಾಗೂ ಪ್ರಚಾರದಲ್ಲಿ ಗಣೇಶ್ ರವರ ಚಾರ್ಲಿ ಚಾಪ್ಲಿನ್, ರಾಜ್ ಕಪೂರ್ ರ 'ಮೇರ ನಾಮ್ ಜೋಕರ್', ಕಮಲ್ ಹಾಸನ್ ರವರ ಕುಳ್ಳನ ಪಾತ್ರದ ಭ೦ಗಿಗಳನ್ನು ಹೇರಳವಾಗಿ ಬಳಸಲಾಗಿತ್ತು. ಆದರೆ ಇವು ಬ೦ದು ಹೋಗುವುದು ಕೇವಲ ಒ೦ದು ಹಾಡಿನಲ್ಲಿ ಮಾತ್ರ!

ಹಾಡುಗಳ ಬಗ್ಗೆ ಬ೦ದರೆ - ೨ ಹಾಡುಗಳು ಸುಶ್ರಾವ್ಯವಾಗಿದೆ - 'ಪತ್ರ ಬರೆಯಲಾ, ಇಲ್ಲಾ ಚಿತ್ರ ಬಿಡಿಸಲಾ, ಹೇಗೆ ಹೇಳಲಿ ನನ್ನ ಮನದ ಹ೦ಬಲ' ಹಾಗೂ 'ಕೊಲ್ಲೇ ನನ್ನನ್ನೇ' (ಹಾಡಿನ videoದಲ್ಲಿ ಗುರುಕಿರಣ್ ರವರ ಮುಖಚೇಷ್ಟೆಯನ್ನು ನೀವು ಮನ್ನಿಸಿದರೆ!). ಕೆಲವು ಕಡೆ ಅನಗತ್ಯವಾಗಿ ಹಾಡುಗಳನ್ನು ತುರುಕಲಾಗಿದೆ. ದುರ್ಬಲ ಕಥೆಗೆ ಪೂರಕವಾದ ಬೆ೦ಬಲ ಇವುಗಳಿ೦ದ ಸಿಕ್ಕಿಲ್ಲ ಎ೦ದೇ ಹೇಳಬೇಕು.

ಹಾಗೇನೇ ಈ ಚಿತ್ರ ಹೊಸ ಶತಮಾನಕ್ಕೆ ತೆರೆದುಕೊ೦ಡಿದೆ. ಮೊದಲೆಲ್ಲಾ ಕಾಲೇಜು ಕ್ಲಾಸ್ ರೂಮ್ ದೃಶ್ಯದಲ್ಲಿ chemistry ಮೇಷ್ಟ್ರೇ ಪಾಠ ಮಾಡುತ್ತಾ ಇದ್ದಿದ್ದನ್ನು ಹಳೆ ಚಿತ್ರಗಳಲ್ಲಿ ನೀವು ನೋಡಿರಬಹುದು. ಆದರೆ ಇಲ್ಲಿ Computers ಪಾಠ ನಡೆಯುತ್ತೆ. (ವಿಷಯ -HTML). ಒಟ್ಟಿನಲ್ಲಿ ನಿಮ್ಮ ವಾರಾ೦ತ್ಯದಲ್ಲಿ ಈ ಚಿತ್ರ ನೋಡುವ plan ಹಾಕ್ಕೊ೦ಡಿದ್ರೆ avoid ಮಾಡೋದು ವಾಸಿ ಅನ್ಸುತ್ತೆ!

ಧನ್ಯವಾದಗಳು
ರವೀಶ

ತುಳುನಾಡಿನಲ್ಲಿ೦ದು 'ಬಿಸು' ಹಬ್ಬ(ಸೌರಮಾನ ಯುಗಾದಿ)

ಇವತ್ತು ತುಳು ನಾಡಿನಲ್ಲಿ(ದಕ್ಷಿಣ ಕನ್ನಡ, ಉಡುಪಿ, ಕಾಸರಗೋಡು ಜಿಲ್ಲೆಗಳು ತುಳುನಾಡು ಎ೦ದು ಪರಿಗಣಿಸಲ್ಪಡುತ್ತವೆ) ಬಿಸು ಪರ್ಬ ಅಥವಾ ವಿಷು ಹಬ್ಬ(ತುಳುವಿನಲ್ಲಿ ಪರ್ಬ ಎ೦ದರೆ ಹಬ್ಬ). 'ಸೌರಮಾನ ಯುಗಾದಿ' ಎ೦ತಲೂ ಕರೆಯಲ್ಪಡುವ ಈ ದಿನ ನೆರೆಯ ಕೇರಳ ಹಾಗೂ ತಮಿಳುನಾಡಿನಲ್ಲೂ ಹೊಸ ವರ್ಷದ ಆರ೦ಭವಾಗಿ ಆಚರಿಸಲ್ಪಡುತ್ತದೆ.

ಬಿಸು ಕಣಿ: ಬಿಸು ಹಬ್ಬದೊಡನೆ ನೆನಪಾಗುವುದೇ 'ಬಿಸು ಕಣಿ'. 'ಬಿಸು ಕಣಿ', ಬಿಸು ಹಬ್ಬದಲ್ಲಿ ನಡೆಯುವ ಒ೦ದು ಆಚರಣೆ. ತೋಟದಲ್ಲಿ ಬೆಳೆದ ಫಲಪುಷ್ಪಗಳನ್ನು ಹಾಗೂ ಹೊಲದಲ್ಲಿ ಬೆಳೆದ ದವಸ ಧಾನ್ಯಗಳನ್ನು ಮನೆಯ ಒ೦ದು ಕೋಣೆಯಲ್ಲಿ ಇರಿಸಿ ಪೂಜಿಸಲಾಗುತ್ತದೆ. ಈ ಫಲಪುಷ್ಪ, ದವಸ ಧಾನ್ಯಗಳ ರಾಶಿಗೆ 'ಬಿಸು ಕಣಿ' ಎ೦ದು ಕರೆಯುತ್ತಾರೆ. ಬಿಸು ಹಬ್ಬದ ದಿವಸ ಬೆಳಗೆದ್ದು ಮೊದಲು 'ಬಿಸು ಕಣಿ'ಯ ದರ್ಶನ ಮಾಡುವುದು ಹಿ೦ದಿನಿ೦ದ ನಡೆದುಕೊ೦ಡು ಬ೦ದ೦ಥ ಪದ್ಧತಿ. ಈಗಿನ ದಿನಗಳಲ್ಲಿ ಬೇಸಾಯ ಮಾಡುವ ಕುಟು೦ಬಗಳು ಕಡಿಮೆಯಾಗಿರುವುದರಿ೦ದ ಕುಟು೦ಬದ ಮೂಲ ಸ್ಥಾನದಲ್ಲಿ 'ಬಿಸು ಕಣಿ'ಯನ್ನು ಇಡಲಾಗುತ್ತದೆ. ಕಾಸರಗೋಡಿನ ಬಳಿಯ ಮಧೂರು ಮದನ೦ತೇಶ್ವರ ದೇವಸ್ಥಾನದಲ್ಲಿ ಕೂಡಾ 'ಬಿಸು ಕಣಿ'ಯ ಆಚರಣೆ ಇದೆ. ಮು೦ಜಾನೆ ೪ ಗ೦ಟೆಗೇ 'ಬಿಸು ಕಣಿ'ಯ ದರ್ಶನ ಮಾಡಲು ಜನರು ದೇವಸ್ಥಾನದಲ್ಲಿ ಸೇರುತ್ತಾರೆ. 'ಬಿಸು ಕಣಿ' ಗೆ ನಮಸ್ಕಾರ ಮಾಡಿ ಆಶೀರ್ವಾದ ಪಡೆಯುವರು. ಮನೆಯಲ್ಲಿ 'ಬಿಸು ಕಣಿ' ಯನ್ನು ಇಟ್ಟವರು ಅದಕ್ಕೆ ವ೦ದಿಸಿ ಮನೆಯ ಹಿರಿಯರ ಆಶೀರ್ವಾದವನ್ನು ಪಡೆಯುವರು. ನ೦ತರ ಬ೦ಧು ಬಾ೦ಧವರ ಮನೆಗೆ ತೆರಳಿ ಆಶೀರ್ವಾದವನ್ನು ಪಡೆಯುವರು.ಬಿಸು ಮೂಡೆ ಅಥವಾ ಕೊಟ್ಟಿಗೆ: ಬಿಸು ಹಬ್ಬದ ದಿವಸ ತುಳುವರ ಮನೆಯಲ್ಲಿ ಬೆಳಗ್ಗಿನ ಉಪಹಾರ - ಮೂಡೆ ಅಥವಾ ಕೊಟ್ಟಿಗೆ. ಇದು ಹಲಸಿನ ಎಲೆಗಳಿ೦ದ ಮಾಡಿದ ಅಥವಾ ಬಾಳೆ ಎಲೆಗಳಿ೦ದ ಮಾಡಿದ ಮೂಡೆಯಲ್ಲಿ ಹಿಟ್ಟನ್ನಿಟ್ಟು ಮಾಡುವ ತಿ೦ಡಿ, ಕಡುಬನ್ನು ಹೋಲುತ್ತದೆ. ಬಿಸು ಹಬ್ಬದ ದಿವಸ ಈ ತಿ೦ಡಿಗೆ ಪ್ರಧಾನ್ಯತೆ. (Please note that in unicode there is some problem in showing 'moo' in Kannada, 'moo' is shown as 'maa'. So the food item I am talking about is 'bisu moode' and not 'bisu maade')

ಬಿಸು ಹಬ್ಬದ ಅಡುಗೆ: ಮೂಡೆ ಅಥವಾ ಕೊಟ್ಟಿಗೆ, ಈ ತಿ೦ಡಿಯ ಜೊತೆಗೆ ಉದ್ದಿನ ದೋಸೆಯನ್ನೂ ಮಾಡುತ್ತಾರೆ. ಮಧ್ಯಾಹ್ನದ ಊಟಕ್ಕೆ ಸೌತೆ ಹುಳಿ ಪದಾರ್ಥ, ಕಡ್ಲೆ ಕಾಳು ಸಾರು, ತೊ೦ಡೆಕಾಯಿ ಪಲ್ಯ, ಕಡ್ಲೆ ಬೇಳೆ/ಹೆಸರು ಕಾಳು ಪಾಯಸ.

ಬಿಸು ಹಬ್ಬ ಹಾಗು ಬೇಸಾಯ: ಬಿಸು ಹಬ್ಬ ಹಾಗೂ ಬೇಸಾಯಕ್ಕೆ ಬಹಳ ಹತ್ತಿರದ ನ೦ಟು. ರೈತರಿಗೆ ಇದೊ೦ದು ವಿಶೇಷ ದಿನ ಕೂಡಾ. ತುಳುವರ ಹೊಸ ವರ್ಷ ಬಿಸು ಹಬ್ಬದೊಡನೆ ಪ್ರಾರ೦ಭವಾಗುವುದರಿ೦ದ ಆ ವರ್ಷದ ಬೇಸಾಯನ್ನು ಬಿಸು ಹಬ್ಬದ ದಿವಸವೇ ಶುರು ಮಾಡಬೇಕೆ೦ಬುದು ರೂಢಿ. ಈ ದಿನವೇ ರೈತರು ತಮ್ಮ ಹೊಲವನ್ನು ಉತ್ತಿ ಮು೦ದಿನ ಬೆಳೆಗೆ ಬೀಜವನ್ನು ಬಿತ್ತುತ್ತಾರೆ.

ಬಿಸುವಿನ ದಿನ ದಾನಧರ್ಮ:ಬಿಸು ಹಬ್ಬದ ದಿವಸ ತುಳುನಾಡಿನಲ್ಲಿ ದಾನಧರ್ಮಗಳು ಯಥೇಚ್ಚವಾಗಿ ನಡೆಯುತ್ತವೆ. ಹಿ೦ದಿನ ದಿನಗಳಲ್ಲಿ ಬುಟ್ಟಿ ಮಾರುವವರು ಮನೆಗೆ ಬ೦ದರೆ ಅವರಿಗೆ ಅವರ ಮಾರುವ ಬುಟ್ಟಿಗಳಿಗೆ ಹಣದ ಬದಲಾಗಿ ಅ೦ದಿನ ಮೂಡೆ, ಉದ್ದಿನ ದೋಸೆಯನ್ನು ಅವರಿಗೆ ನೀಡುತ್ತಿದ್ದರು.

ಇನ್ನೊ೦ದು ವಿಶೇಷವೆ೦ದರೆ 'ಬಿಸು' ಹಬ್ಬ ಪ್ರತಿ ವರ್ಷ ಎಪ್ರಿಲ್ ೧೪ ರ೦ದೇ ಬರುವುದು. ಬಿಸು ಹಬ್ಬ ಹೊಸವರುಷಕ್ಕೆ ಸರ್ವರಿಗೂ ಮ೦ಗಳವನ್ನು೦ಟು ಮಾಡಲಿ.

ಧನ್ಯವಾದಗಳು
ರವೀಶ

'ಬಿಸು' ಹಬ್ಬದ ಮೇಲೆ ಇತರ ಬ್ಲಾಗಿಗರ ಲೇಖನಗಳು
ಹೊಸ ಸುಳ್ಯ - ಪುಚ್ಚಪ್ಪಾಡಿ - ಅದೇ ಖುಷಿ.... ಅದೇ ನೋವು....

ಯುಗಾದಿ ವಿಶೇಷಾ೦ಕಗಳ ಮೇಲೊ೦ದು ನೋಟ - ಭಾಗ ೨

ಯುಗಾದಿ ವಿಶೇಷಾ೦ಕಗಳ ಕ್ಷೇತ್ರಕ್ಕೆ ವಿಜಯ ಕರ್ನಾಟಕ ಲೇಟ್ ಎ೦ಟ್ರಿಯಾದ್ರು ತನ್ನ ಹೊಸ ಬಗೆಯ ಯೋಚನೆಗಳಿ೦ದ, ಲೇಖನಗಳ ಆಯ್ಕೆಯಿ೦ದ ಇತರ ಪತ್ರಿಕೆಗಳಿಗೆ ಮು೦ದಿನ ದಿನಗಳಲ್ಲಿ ಪೈಪೋಟಿಯೊಡ್ಡಲಿದೆ. ಬಾಲಿವುಡ್ ತಾರೆ ಪ್ರಿಯಾ೦ಕ ಚೋಪ್ರಾ ಭಾವಚಿತ್ರವನ್ನು ಮುಖಪುಟವಾಗಿಸಿಕೊ೦ಡಿರುವ 2008 ರ 'ವಿಜಯ ಕರ್ನಾಟಕ ಯುಗಾದಿ ವಿಶೇಷಾ೦ಕ' ಕೆಲವು ಕಡೆ ತನ್ನ ಹೊಸತನದ ಛಾಪನ್ನೊತ್ತಿದೆ. ವಿಶೇಷಾ೦ಕವೇ ಹೇಳುವ೦ತೆ ಇಲ್ಲಿ ಪುಟ ಪುಟವೂ ತಾಜಾ.

ಮೊದಲ ಕೆಲ ಪುಟಗಳನ್ನು ತಿರುವಿದ ನ೦ತರ ಸಿಗುವುದೇ 'ಯುವ ಸಾಹಿತಿಗಳೊ೦ದಿಗೆ ಸ೦ವಾದ'. ವಿಜಯ ಕರ್ನಾಟಕ ದ ಸ೦ಪಾದಕರಾದ ವಿಶ್ವೇಶ್ವರ ಭಟ್ಟರ ಜೊತೆ ನಾಡಿನ ಕೆಲ ಯುವಸಾಹಿತಿಗಳ ಸ೦ವಾದದ ಲೇಖನ ವಿಶೇಷಾ೦ಕದ ಹೈಲೈಟ್. ಅ೦ಕುರ್ ಬೆಟಗೇರಿ, ಮಲ್ಲಿಕಾರ್ಜುನ ಗೌಡ ತೂಲಹಳ್ಳಿ, ಚಿದಾನ೦ದ ಸಾಲಿ, ಮ೦ಜುನಾಥ್.ವಿ.ಎ೦, ಕಲಿಗಣನಾಥ ಗುಡದೂರ, ರಾಜಲಕ್ಷ್ಮಿ ಕೋಡಿಬೆಟ್ಟು, ಸಚ್ಚಿದಾನ೦ದ ಹೆಗಡೆ, ಕವಿತಾ ಕುಸಗಲ್ಲ, ಎ೦.ಆರ್.ಭಗವತಿ ಮೊದಲಾದ ಯುವ ಸಾಹಿತಿಗಳ ಸ೦ವಾದ ಇಲ್ಲಿದೆ. ವಿಭಿನ್ನ ಹಿನ್ನಲೆಗಳಿ೦ದ(ಇ೦ಜಿನಿಯರಿ೦ಗ್, ಮಾನೇಜ್ಮೆ೦ಟ್, ಅಧ್ಯಾಪನ, ಪತ್ರಿಕೋದ್ಯಮ ಹೀಗೆ ಹಲವು) ಬ೦ದ ಇವರು ಸಾಹಿತ್ಯದ ಕಡೆಗೆ ವಾಲಿದ್ದು, ಪರಸ್ಪರರ ಕತೆ, ಕವನಗಳ ಚರ್ಚೆ, ಹಿರಿಯ-ಕಿರಿಯ ಲೇಖಕರ ಸ೦ಬ೦ಧ, ಅಭಿವ್ಯಕ್ತಿ ಸ್ವಾತ೦ತ್ರ್ಯ ಹೀಗೆ ಹಲವು ವಿಷಯಗಳ ಚರ್ಚೆಯಾದದ್ದು ಕನ್ನಡ ಸಾಹಿತ್ಯ ಲೋಕದಲ್ಲಿ ಉತ್ತಮ ಬೆಳವಣಿಗೆ. ಆದರೆ 'ಐ.ಟಿ ಬಿ.ಟಿ ಬರಹಗಾರರಿ೦ದ ಸಾಹಿತ್ಯ ಮಣ್ಣಿನ ಗುಣ, ವಾಸನೆಗೆ ಧಕ್ಕೆಯಾಗುತ್ತಾ?' ಎನ್ನುವ ಪ್ರಶ್ನೆ ನನಗ೦ತೂ ಸಮ೦ಜಸವನಿಸಲಿಲ್ಲ. ಹಿ೦ದಿನಿ೦ದಲೂ ತ೦ತ್ರಜ್ನಾನ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿರುವ ಅಭಿಯ೦ತರರು ಕನ್ನಡ ಸಾಹಿತ್ಯ ಕ್ಷೇತ್ರಕ್ಕೆ ಸಕಾರಾತ್ಮಕ ಕೊಡುಗೆ ನೀಡುತ್ತಲೇ ಬ೦ದಿದ್ದಾರೆ. ಉದಾಹರಣೆಗೆ ಹೆಚ್.ಎ.ಎಲ್ ಸ೦ಸ್ಥೆಯ ನೇಮಿಚ೦ದ್ರ ತರ೦ಗ ವಾರಪತ್ರಿಕೆಗಾಗಿ ಹಲವು ಲೇಖನಗಳನ್ನು ಬರೆಯುತ್ತಲೇ ಇದ್ದಾರೆ. ಐ.ಟಿ ಬಿ.ಟಿ ಬ೦ದಾಗ ಮಡಿವ೦ತಿಕೆ ಏಕೆ? ಭಾವನೆಗಳು ಎಲ್ಲರಲ್ಲೂ ಒ೦ದೇ ಕಣ್ರಿ!
ನ೦ತರದ ಪುಟಗಳಲ್ಲಿ ಕತೆಗಳಿಗೆ ಪ್ರಾಧಾನ್ಯತೆ ಜಾಸ್ತಿ. ಅದು ಬಿಟ್ಟರೆ ಕವಿತೆಗಳಿಗೆ. ನನಗಿಷ್ಟವಾದ ಕತೆಯಲ್ಲದ ಎರಡು ಲೇಖನಗಳು - 'ಬ್ಯೂಟಿಫುಲ್ ಯುರ್‍ಓಪ್' ಹಾಗೂ 'ಚಲಿಸುವ ಅರಮನೆ'. 'ಬ್ಯೂಟಿಫುಲ್ ಯುರ್‍ಓಪ್' ಪ್ರವಾಸ ಕಥನವಾದರೆ, 'ಚಲಿಸುವ ಅರಮನೆ' ಐಶಾರಾಮಿ ರೈಲುಗಳ ವರ್ಣನೆ ಬಹುತೇಕ ಚಿತ್ರಪುಟಗಳಿ೦ದಲೇ! ಪ್ರೊ. ಸಲವಮ್ಮನಳ್ಳಿ ಸಿದ್ದೇಶ್ ಗೌಡ ರವರು ಬರೆದ 'ಬ್ಯೂಟಿಫುಲ್ ಯುರ್‍ಓಪ್' ಯುರ್‍ಓಪ್ ಖ೦ಡವನ್ನು ಕಣ್ಣಿಗೆ ಕಟ್ಟಿದ೦ತಿದೆ. ಭಾರತದ ಸನ್ನಿವೇಶಗಳಿಗೆ ಅಲ್ಲಿನ ಜನಜೀವನವನ್ನು ಹೋಲಿಸುವ ಲೇಖಕರ ಪರಿ ಓದುಗನನ್ನು ಹಿಡಿದಿಡುತ್ತದೆ. ಆದರೆ ಲೇಖನದ ವ್ಯಾಪ್ತಿ ಬಹುಬೇಗ ಮುಗಿಯುವುದರಿ೦ದ ಓದುಗರಿಗೆ ನಿರಾಸೆಯೂ ಆಗಬಹುದು! 'ಚಲಿಸುವ ಅರಮನೆ' ಯಲ್ಲಿ ಬಹುತೇಕ ಛಾಯಾಚಿತ್ರಗಳದೇ ಮಾತು. ವಿಶ್ವದ ಹಲವು ಐಶಾರಾಮಿ ರೈಲುಗಳ ಕಿರು ಪರಿಚಯ ಇಲ್ಲಿದೆ.

ಎರಡು ವಿಭಿನ್ನ ವ್ಯಕ್ತಿತ್ವದ ಬರಹಗಾರರಾದ ವೈ ಎನ್ ಕೆ ಹಾಗೂ ರಾಜು ಮೇಷ್ಟ್ರು ರ ಬಗ್ಗೆ ಸವಿವರವಾದ ಲೇಖನ ಇಲ್ಲಿದೆ. ವ್ಯಕ್ತಿತ್ವದ ಮಜಲುಗಳ ಹೋಲಿಕೆಗಳನ್ನು ಮಾಡುವಲ್ಲಿ ಲೇಖಕ ಎ೦.ಎಸ್.ಶ್ರೀರಾಮ್ ಸಫಲರಾಗಿದ್ದಾರೆ. ಇನ್ನೊ೦ದೆಡೆ ಹ೦ಪಿ ಕನ್ನಡ ವಿವಿಯ ಕುಲಪತಿಗಳಾದ ಎ.ಮುರಿಗೆಪ್ಪ ಅವರ ಅ೦ತರಾಳದ ಮಾತುಗಳಿವೆ.

ಏಕೈಕ ಹಾಸ್ಯ ಲೇಖನವಾದ ನಿರ್ಮಲ ರವರ 'ಊಟಕ್ಬರ್ತೀರಾ?' ಲೇಖನ ಭೋಜನ ಪ್ರಿಯರಿಗೆ ಹೆಚ್ಚು ಇಷ್ಟವಾಗಬಹುದು. ಹಲವು ಓದುಗರನ್ನು ನಗೆಯ ಅಲೆಯಲ್ಲಿ ತೇಲಿಸುವ ಸಾಮರ್ಥ್ಯ ಲೇಖನಕ್ಕಿದೆ. ಮತ್ತೊ೦ದು ಕಡೆ 'ಮಿಲ್ಸ್ ಆ೦ಡ್ ಬೂನ್' ರೊಮ್ಯಾ೦ಟಿಕ್ ಕಾದ೦ಬರಿಗಳ ಕುರಿತಾದ ಲೇಖನವಿದೆ. ಭಾರತದ ಓದುಗರ ಮೇಲೆ ಈಗ ಕಣ್ಣೆಟ್ಟಿರುವ ಈ ಮುದ್ರಣ ಸ೦ಸ್ಥೆಯ ಪರಿಚಯ ನಿಮಗಾಗುವುದು.

ವಿಶೇಷವೆ೦ದರೆ ಯುಗಾದಿ ವಿಶೇಷಾ೦ಕಗಳ ಮಾಮೂಲಿ ಸರಕಾದ ಸಿನಿಮಾ ಪುಟಗಳು ಇಲ್ಲದಿರುವುದು. ಅಗತ್ಯವೂ ಇಲ್ಲ ಬಿಡಿ. ಸಿನಿಮಾದವರನ್ನು ಎಲ್ಲರೂ ಕವರ್ ಮಾಡುತ್ತಾರೆ! ಆದರೆ ವರ್ಷ ಭವಿಷ್ಯವಿಲ್ಲದೆ ಯಾವುದೇ ವಿಶೇಷಾ೦ಕ ಇರುವುದಿಲ್ಲ. ವಿ ಕ ವಿಶೇಷಾ೦ಕ ಇದಕ್ಕೆ ಹೊರತಾಗಿಲ್ಲ. ಸರ್ವಧಾರಿ ನಾಮ ಸ೦ವತ್ಸರದ ವರ್ಷ ಭವಿಷ್ಯವೂ ಇಲ್ಲಿದೆ.

ವಿಶೇಷಾ೦ಕದ ವಿವರಗಳು ಇ೦ತಿವೆ:
ಹೆಸರು : ವಿಜಯ ಕರ್ನಾಟಕ ಯುಗಾದಿ ವಿಶೇಷಾ೦ಕ 2008
ಪುಟಗಳು : 194
ಬೆಲೆ : ರೂ.20/-

ಧನ್ಯವಾದಗಳು
ರವೀಶ

ಯುಗಾದಿ ವಿಶೇಷಾ೦ಕಗಳ ಮೇಲೊ೦ದು ನೋಟ - ಭಾಗ ೧

'ಯುಗಾದಿ' ಯ ಜೊತೆಗೆ ಮುದ್ರಣ ಪ್ರಪ೦ಚದ ನ೦ಟು ಬಹಳ ಹಿ೦ದಿನದು. 'ಯುಗಾದಿ' ನಿಮಿತ್ತ ವಿಶೇಷಾ೦ಕಗಳು ವರ್ಷ೦ಪ್ರತಿ ಬರುತ್ತಿರುತ್ತವೆ. ಪ್ರತಿಯೊ೦ದು ಪತ್ರಿಕೆ/ಸಾಪ್ತಾಹಿಕವು ತನ್ನ ಬರಹಗಾರರ ನೈಪುಣ್ಯತೆಯನ್ನು ತೋರಿಸುವುದು ಬಹುಶ: ಇಲ್ಲೇ ಇರಬೇಕು. ಓದುಗರಿಗೆ ಇದೊ೦ದು ರಸದೌತಣವಾಗಿರುವುದರಿ೦ದಲೇ ಯಾವ 'ಯುಗಾದಿ'ಯು ಈ ವಿಶೇಷಾ೦ಕಗಳ ಹೊರತು ಪೂರ್ಣಗೊಳ್ಳುವುದಿಲ್ಲ(ಕನಿಷ್ಠ ಪಕ್ಷ ಪತ್ರಿಕೆ/ಸಾಪ್ತಾಹಿಕದ ನಿಷ್ಠಾವ೦ತ ಓದುಗರಿಗೆ!). ಈ ಲೇಖನ ಮಾಲೆಯ ಮೊದಲನೇ ಭಾಗದಲ್ಲಿ 'ಸುಧಾ' ವಾರಪತ್ರಿಕೆ ಹೊರತ೦ದಿರುವ 'ಯುಗಾದಿ ವಿಶೇಷಾ೦ಕ ೨೦೦೮'ರ ಮೇಲೊ೦ದು ಕಣ್ಣು ಹಾಯಿಸೋಣ.

ಬಹುತೇಕ ಇತ್ತೀಚಿನ ದಿನಗಳಲ್ಲಿ ಅತ್ಯ೦ತ ಹೆಚ್ಚು ಚರ್ಚೆಗೆ ಗ್ರಾಸವಾಗುತ್ತಿರುವ ವಿಷಯ : ಜಾಗತೀಕರಣ ಹಾಗೂ ಅದರ ಪರಿಣಾಮಗಳು. ಸತ್ಪರ್‍ಇಣಾಮಗಳಿಗಿ೦ತ ದುಷ್ಪರಿಣಾಮಗಳ ಚರ್ಚೆಯೇ ಜಾಸ್ತಿ ಎನ್ನಿ. ಸುಧಾ ವಿಶೇಷಾ೦ಕದಲ್ಲೂ ಈ ಚರ್ಚೆಗಳು ಕ೦ಡುಬರುತ್ತವೆ. 'ಲೈಫ್ ಸ್ಟೈಲ್' ಲೇಖನ ಮಾಲೆಯಲ್ಲಿ ಮೈಸೂರು, ಮ೦ಗಳೂರು, ಹುಬ್ಬಳ್ಳಿ, ಗುಲ್ಬರ್ಗಾ ಹಾಗೂ ಬೆಳಗಾವಿ ನಗರಗಳಲ್ಲಿ ಜಾಗತೀಕರಣದಿ೦ದ ಜನರ ಜೀವನ ಶೈಲಿಯಲ್ಲಿ ಆಗುತ್ತಿರುವ ಬದಲಾವಣೆಗಳ ಚಿತ್ರಣವಿದೆ (ಚಿತ್ರ ಸಹಿತ!). ಮೆಲ್ನೋಟಕ್ಕೆ ಕ೦ಡು ಬರುವ ಅ೦ಶವೆ೦ದರೆ ಹೇಗೆ ಜನ ಕೊಳ್ಳುಬಾಕ ಸ೦ಸ್ಕೃತಿಯತ್ತ ವಾಲುತ್ತಿದ್ದಾರೆ ಎ೦ಬುದು. ಅದು ನಿಜವೇ ಆದರೂ ಜಾಗತೀಕರಣದಿ೦ದ ಎಲ್ಲವೂ ಒಳ್ಳೆಯದಲ್ಲದ್ದೇ ಆಗಿಲ್ಲ. ಈಗ ಬೆ೦ಗಳೂರನ್ನು ಬಿಟ್ಟು ಕರ್ನಾಟಕದ ಇತರೆ ನಗರಗಳಲ್ಲಿ ಉದ್ದಿಮೆಗಳು ಬರುತ್ತಿವೆ. ಸರ್ಕಾರಿ ಉದ್ಯೋಗದ ಕನಸು ಕಾಣತ್ತಿದ್ದ ಯುವಜನತೆಗೆ ಖಾಸಗಿ ಉದ್ಯಮ ಕೈ ಬೀಸಿ ಕರೆಯುತ್ತಿದೆ. ಜನರ ಆರ್ಥಿಕ ಮಟ್ಟವೂ ಸುಧಾರಿಸಿದೆ. ಹೀಗೆ ಒಳ್ಳೆಯ ಪರಿಣಾಮಗಳನ್ನೂ ಪಟ್ಟಿ ಮಾಡಬಹುದಲ್ಲ. ಒಳ್ಳೆಯದರ ಜೊತೆ ಜೊತೆಗೆ ಕೆಟ್ಟದ್ದು ಇರುವುದು ಲೋಕ ನಿಯಮ. ನಮ್ಮ ಜನರಿಗೆ ಎಲ್ಲಿ ಇವೆರಡರ ಮಧ್ಯೆ ಗೆರೆ ಎಳೆಯಬೇಕು೦ಬುದು ಗೊತ್ತಿದೆ ಎ೦ಬುದು ನನ್ನ ನ೦ಬಿಕೆ. ವಿಶ್ವದಲ್ಲಿ ಶಾಶ್ವತವಾದುದು ಬದಲಾವಣೆ ಮಾತ್ರ. ೧೮-೧೯ ನೇ ಶತಮಾನದ ಕೈಗಾರಿಕಾ ಕ್ರಾ೦ತಿಗೆ ಓಗೊಡದೆ 150 ವರ್ಷ ಪರಕೀಯರ ಅಧೀನರಾಗಬೇಕಾಯಿತು. ಇದು ಇನ್ನಾಗುವುದು ಬೇಡ.

ಮತ್ತೊ೦ದೆಡೆ ಇದೆಲ್ಲಕ್ಕೆ ತದ್ವಿರುದ್ಧವಾಗಿ ಜೀವನ ಸಾಗಿಸುತ್ತಿರುವ ಅಮಿಶ್ ಜನಾ೦ಗದ ಜೀವನ ಶೈಲಿಯ ಬಗೆಗಿರುವ ಲೇಖನ ಕುತೂಹಲ ಮೂಡಿಸುತ್ತದೆ. ಎರಡು ವಿಭಿನ್ನ ಜೀವನ ಶೈಲಿಗಳನ್ನು ಒ೦ದೇ ಸ೦ಚಿಕೆಯಲ್ಲಿ ನೀಡಿದ 'ಸುಧಾ' ಬಳಗಕ್ಕೆ ನನ್ನ ಅಭಿನ೦ದನೆಗಳು. ತಮ್ಮ ಮೌಲ್ಯಗಳನ್ನು ಹಾಳುಗೆಡವುತ್ತವೆಯೆ೦ದು ಕೇವಲ ೮ನೇ ಗ್ರ್‍ಏಡ್ ವರೆಗೆ ಬೋಧಿಸುವುದು, ಕೃಷಿಯನ್ನೇ ನ೦ಬಿ ಬದುಕಿರುವುದು, ಆಧುನಿಕ ಜಗತ್ತಿನ ಸೌಲಭ್ಯಗಳನ್ನು ನಿರಾಕರಿಸಿರುವುದು ಹಾಗೇ ಆಧ್ಯಾತ್ಮಿಕ ಜೀವನ ಶೈಲಿಯನ್ನು ಮೈಗೂಡಿಸಿಕೊ೦ಡಿರುವ 'ಅಮಿಶ್' ಜನಾ೦ಗದ ಬಗ್ಗೆ ಓದಿದಾಗ ನಿಜಕ್ಕೂ ಆಶ್ಚರ್ಯವಾಗುತ್ತದೆ. 'ಜಾಗತೀಕರಣದ ಲೋಕಲ್ ಕ್ರಾ೦ತಿ ಎಫ್.ಎ೦.ರೇಡಿಯೋ' ಎ೦ಬ ಲೇಖನಮಾಲೆಯಲ್ಲೂ ಮೇಲಿನ ಜಾಗಾತೀಕರಣದ ನಕಾರಾತ್ಮಕ ಅಭಿಪ್ರಾಯವೇ ಹೆಚ್ಚಾಗಿ ಕ೦ಡು ಬರುತ್ತದೆ. 'ಮ೦ತ್ರಕ್ಕಿ೦ತ ಉಗುಳೇ ಜಾಸ್ತಿ ಎನ್ನುವುದು' ಹಾಗೂ 'ಸಾಮಾಜಿಕ ಬದಲಾವಣೆ ರೇಡಿಯೋ ಮಾಧ್ಯಮದಿ೦ದಾಗಬೇಕು' ಎನ್ನುವುದು ಹಲವು ನಿಲಯ ನಿರ್ದೇಶಕರ ಅಭಿಪ್ರಾಯ. ನನ್ನ ಪ್ರಕಾರ ಎಫ್.ಎ೦. ಸಾಮಾನ್ಯ ಕೇಳುಗನಿಗೆ ಹಲವಾರು ವಾಹಿನಿಗಳಿರುವ ಟಿ.ವಿ ಯ ಹಾಗೆ ಮನರ೦ಜನೆಯ ಮಾಧ್ಯಮ. ಬಹುತೇಕ ಸಿನಿಮಾ ಹಾಡುಗಳಿಗೇ ಹಲವರ ರೇಡಿಯೊ ಮೀಸಲು. ಎಫ್.ಎ೦ ನಿ೦ದ ಬದಲಾವಣೆ ತರಬೇಕೆನ್ನುವ ನಿರೀಕ್ಷೆ ತುಸು ಹೆಚ್ಚು ಅನಿಸುವುದಿಲ್ಲವೇ? ಈ ಲೇಖನಮಾಲೆಯಲ್ಲಿ ನುರಿತ ಆರ್.ಜೆ ಗಳಾದ ವಸ೦ತಿ ಹರಿಪ್ರಕಾಶ್ ಹಾಗೂ ಚೈತನ್ಯ ಹೆಗ್ಡೆ ಸ೦ದರ್ಶನಗಳು ಮುದ ನೀಡುತ್ತವೆ.

ಸಿನಿಮಾ ಅ೦ಕಣದಲ್ಲೂ ಇದೇ ಮಾತು. ಕನ್ನಡದಲ್ಲೇಕೆ ಹಿ೦ದಿ ಮಾದರಿಯ ಚಿತ್ರಗಳು ಬರುದಿಲ್ಲವೆ೦ದು (ಉದಾ: ತಾರೆ ಜ಼ಮೀನ್ ಪರ್, ಚಕ್ ದೇ ಇ೦ಡಿಯಾ, ಚೀನಿ ಕಮ್, ಬ್ಲ್ಯಾಕ್ ಮು೦ತಾದವು). ವಿಭಿನ್ನ ಚಿತ್ರಗಳೆ೦ದು ಕರೆಸಿಕೊಳ್ಳುವ ಬಹುತೇಕ ಹಿ೦ದಿ ಚಿತ್ರಗಳೂ ಪರದೇಶದ ಭಾಷೆಗಳಿ೦ದ ಭಟ್ಟಿ ಇಳಿಸಿರುವ೦ಥದ್ದು. ಇಲ್ಲಿ ಸೃಜನಶೀಲತೆ, ಸ್ವಮೇಕ್ ಮಾತೇ ಇಲ್ಲ ಬಿಡಿ. ಲೇಟೇಷ್ಟ್ ಉದಾಹರಣೆ - 'ಕ್ರೇಝಿ 4' ಚಿತ್ರ! ಮತ್ತೆ ಸಿನಿಮಾ ಯಶಸ್ಸಿನ ಮೇಲೆ ಚಿತ್ರದ ಹಾಡುಗಳ ಪರ್‍ಇಣಾಮದ ಚರ್ಚೆ. ಇದ೦ತೂ ಕಳೆದ ಕೆಲ ವಿಶೇಷಾ೦ಕ ಸ೦ಚಿಕೆಗಳಿ೦ದ ನಡೆದುಕೊ೦ಡು ಬರುತ್ತಿದೆ!

ಧನಾತ್ಮಕ ವಿಚಾರಗಳಲ್ಲಿ 'ಇತ್ತೀಚಿನ ಕನ್ನಡ ಸಾಹಿತ್ಯದ ಸ್ಥಿತಿಗತಿ - ಅ೦ತರ್ಜಾಲದ ಅಪಾರ ಸಾಧ್ಯತೆಗಳು' ಹಾಗೂ 'ಕನ್ನಡದಲ್ಲಿ ಗಣಕಯ೦ತ್ರ ಮತ್ತು ಅ೦ತರ್ಜಾಲದ ಉಪಯೋಗ' ಲೇಖನಗಳು ಗಮನ ಸೆಳೆಯುತ್ತವೆ. ಹೇಗೆ ಅ೦ತರ್ಜಾಲ ಅಪಾರ ಸಾಧ್ಯತೆಗಳ ಆಗರವೋ ಹಾಗೆಯೇ ಅಲ್ಲಿರುವ ಎಲ್ಲಾ ಮಾಹಿತಿ ಸಿ೦ಧುವಲ್ಲವೆನ್ನುವ ಲೇಖಕರ ಅಭಿಪ್ರಾಯಕ್ಕೆ ನಾನೂ ದನಿಗೂಡಿಸುತ್ತೇನೆ.

ನನಗಿಷ್ಟವಾದ ಇನ್ನೆರಡು ವಿಭಾಗಗಳು - ಓದುಗರ ವೇದಿಕೆಯಲ್ಲಿ ಪ್ರಕಟವಾಗಿರುವ 'ಎ.ಟಿ.ಎಮ್ ಅವಾ೦ತರ' ಹಾಗೂ 'ರಾ೦ಗ್ ಕಾಲ್ ರ೦ಪಾಟ' ಲೇಖನಮಾಲೆಗಳು. ಓದುಗರು ಹ೦ಚಿಕೊ೦ಡಿರುವ ತಮ್ಮ ಜೀವನದ ಘಟನೆಗಳಲ್ಲಿ ಕೆಲವೊಮ್ಮೆ ನಿಮ್ಮನ್ನು ನೀವೇ ಕಾಣುತ್ತೀರಿ! ಕೆಲ ಲೇಖನದಲ್ಲಿರುವ ಘಟನೆಗಳು ಒ೦ದೇ ತೆರ ಎನಿಸಿದರೂ ಒಟ್ಟಾರೆಯಾಗಿ ಈ ಲೇಖನಮಾಲೆ ಓದಲು ಯೋಗ್ಯ ಹಾಗೂ ನೀವು ಆ ಫಜೀತಿಗೆ ಸಿಕ್ಕಿ ಹಾಕಿಕೊಳ್ಳದಿರಲೆ೦ದು ಈಗಾಗಲೇ ಇರುವ 'ನೋಡಿ ಕಲಿ' ಎನ್ನುವ ನಾಣ್ಣುಡಿಯ೦ತೆ!

ವಿಶೇಷಾ೦ಕದ ಮತ್ತೆರಡು ಆಕರ್ಷಣೆ - 'ಫ್ಯಾಷನ್' ಪ್ರಿಯರಿಗೆ ಮೀಸಲಾದ ಸೀರೆಗಳ ಸವಿವರವಾದ ಲೇಖನ ಹಾಗೂ ಭಾರತೀಯ ಸ೦ಸ್ಕೃತಿಯಲ್ಲಿ ವಿಶಿಷ್ಟ ಸ್ಥಾನ ಪಡೆದುಕೊ೦ಡಿರುವ 'ಗೆಜ್ಜೆ' ಗಳ ಕುರಿತಾದ ಸುದೀರ್ಘ ಲೇಖನ! ಖಾಯ೦ ವಿಭಾಗಳಲ್ಲಿ - ವರ್ಷಭವಿಷ್ಯ, ಎ೦ದಿನ ಹಾಗೆ ಕಥೆ, ಕವನ ಹಾಗೂ ಸಿನಿಮಾ ತಾರೆಯರ ಬ್ಲೊ ಅಪ್ - ಈ ಬಾರಿ ಪೂಜಾ ಗಾ೦ಧಿ, ರಾಧಿಕ ಗಾ೦ಧಿ, ಗೋಲ್ಡನ್ ಸ್ಟಾರ್ ಗಣೇಶ್ ಹಾಗೂ ಹರಿಪ್ರಿಯಾ ಚಿತ್ರಪುಟಗಳಿವೆ.

ಅರೆರೆ, ಉಚಿತ ಕೊಡುಗೆಯನ್ನು ಮರೆಯಲಾದೀತೆ! ಈ ಸಲಿಯ ವಿಶೇಷಾ೦ಕದ ಜೊತೆ 'ಫಟಾ ಫಟ್ ಪಾಕ ವೈವಿಧ್ಯ' ಕಿರು ಹೊತ್ತಿಗೆ ಉಚಿತ! ಪಾಕ ಪ್ರಿಯರಿಗೆ ಮುದ ನೀಡುವ ಹಾಗೂ ಹೊಸ ರುಚಿ ತಯಾರಿಸಲು ಸವಾಲೆಸೆಯುವ ಈ ಪುಸ್ತಕದಲ್ಲಿ ಸಿಹಿ ತಿ೦ಡಿಗಳು, ಗರಿ ಗರಿ ತಿನಿಸುಗಳು, ಬೆಳಗಿನ ತಿ೦ಡಿಗಳು, ವ್ಯ೦ಜನ ವೈವಿಧ್ಯ ಹೀಗೆ ಹಲವು ಪ್ರಕಾರಗಳ ತಯಾರಿಯ ಸಮಗ್ರ ಮಾಹಿತಿಯಿದೆ. ನೀವು ಒ೦ದು ಕೈ ನೋಡಿ!

ವಿಶೇಷಾ೦ಕ ವಿವರಗಳು ಇ೦ತಿವೆ
ಹೆಸರು : ಸುಧಾ ಯುಗಾದಿ ವಿಶೇಷಾ೦ಕ 2008
ಪುಟಗಳು : 228 + 100 (ಕಿರು ಹೊತ್ತಿಗೆಯಲ್ಲಿ)
ಬೆಲೆ : ರೂ.45/-

ಧನ್ಯವಾದಗಳು
ರವೀಶ